بسم الله الرحمن الرحيم
——————————
من يومين حبيت أعمل تورتة
و فعلاً عملتها,بس بصراحة اختصرت الخطوات……….
أنا عمرى ما عملت الكيكة الاسفنجية قبل كده……و خفت أعملها و ما تنجحش…..فقلت خلينى فى المضمون و جبت كيكة جاهزة و أنا حشيتها و زوقتها بس,لكن الحمدلله النتيجة كانت ممتازة………
تعالوا نشوف
استعملت الآتى:
———————
*كيكة اسفنجية شيكولاتة
*كمبوت أناناس
*كريم شانتيه بودرة مخفوق مع لبن مثلج
*نوتيللا
*مربى مشمش
*دانيت شيكولاتة
*smarties or M&M’s
*شيكولاتة فارماسيل ملونة
و آدى اللى عملته
أول حاجة قسمت الكيكة 3 طبقات متساوية
و سقيت كل طبقة كيك بالشراب السكرى بتاع الكمبوت,بالشكل ده الكيكة بيبقى طعمها حلو أوى
و بعدين حطيت أول طبقة كيك و غطيتها بمربى المشمش(أحلى مربى لحشو الكيكات)
و فوقها تانى طبقة كيك
و حطيت عليها طبقة من النوتيللا عشان تدى طعم البندق
و بعدين فوق النوتيللا حطيت طبقة من الكريم شانتيه
و فوقها طبقة من الأناناس المقطع
و بعدين آخر طبقة كيك
و ضغطت بإيدى خفيف على التورتة كلها عشان كل الطبقات تمسك فى بعض
و بعدين غطيتها من بره بالدانيت
و زوقناها أنا و الأولاد بالسمارتيز و الفارماسيل
(و طبعاً دى أكتر خطوة هما استمتعوا بيها 
)
و آدى النتيجة النهائية
و آدى قطعة مخصوصة لأول رد
يا رب تكون عجبتكو و تنفذوها
*ملحوظة: للأمانة………فكرة تغطية الكيكة بالدانيت دى أخدتها من صديقة هنا فى المنتدى هى أم ملك و مريم,جزاها الله كل خير
ماشاء الله ولاقوة الا بالله يا نيموووووووووووو
تحففففففففففففففة
تسلم ايدك يارب
وكل شمعة وانت طيبة
وجزاها الله خير ام ملك ومريم
وطبعا هاخد التورتةكله مش القطعة دي
بجد بجد والله حاسة اني عاوزة ادخل اكلها من الشاشة لاني جعانة ونفسي في شكولاتة
تسلم الايادي يانيمو وعقبال التورتة الجاية
تسلم الايادى حبيبتى
وتعيشى وتعملى وتعلمينا
وطبعا افكار الشيف رونى جميله زيها
و بالهنا و الشفا يا حبيبتى……أوصلها لحد عندك يا قمر
سبقتني فروحه
بس انا عايزة حته يانيمو
تسلمى يا حبيبتى
كتبت بواسطة أم ملك و مريم 
تسلمى يا قمر
بس أنا يا حبيبتى اشتريت الكيكة جاهزة و أنا حشيتها و زوقتها بس
وطبعا لما اجي الاداره هظبطيني ……………صح