واكتر من 10 انواع تتبيلات مختلفه لملف المشويات بالصور متجدد بأذن الله 2024.

اخواتى فى الله
كل عام وانتم بخير
وبسبب عشق بيتى فى المشويات
وبسبب انى مالوله جدا من الروتين والاكلات التقليديه
فبحب اغير فى خلطات وتتبيلات مشوياتى
وعندى اكتر من 10 انواع تتبيلات
وكل واحده اشهى من التانيه
وشويت لحمه كندوز للبانى لفلتو لريش لكبده لستيك لكفته لصدور فراخ لدبابيس
فده كانت دعوه منى لاخواتى بالزياره فى ملفى المتجدد بأذن الله للمشويات

اولا فى شروط يجب الالتزام بها لنجاح المشويات

1. يجب ان يكون نوع اللحمه صغير
   
2. يجب ان تترك بتتبيلتها لايقل عن 5 ساعات بالثلاجه
   وكلما زادت الفتره كانت افضل لدرجه ان فى ناس بتبلها وتحطها فى الفريزر لحين الاستخدام

التتبيله الاولى
قبل ما اتكلم عن التتبيله
احنا اتعودنا مع اى نوع شيش بيكون معاهم بصل وفلفل وطماطم
لكن انا انهارده كسرت القاعده
وغيرت حتى الخضار خليته
كوسه مربعات وبازنجان مربعات مرشوش عليه قليل من الملح
وبطاطس مربعات مسلوقه نص سلقه
وفلفل شطه
وفلفل ملون

مكونات التتبيله

مع كيلو لحمه للشواء
2 م ك سكر بنى
2 عصير ليمونه
3 م ك زيت زيتون
1 كوب ريحان
1/8 كوب صويا صوص
2 فص ثوم مدقوق

اضربهم كلهم فى الخلاط واضعهم على اللحمه لحين الشواء
وعند شواء الخضار
اقلبهم تقليب خفيف بجزء من التتبيله ده واشويهم فى الاسياخ الخشبيه
اما بمفردهم او بالتبديل مع اللحمه

ارجو عدم الرد للموضوع بقيه

كان بجانب المشويات شوربة البطاطس بالكرات

كيلو لحمه
زجاجة دريسنج للسلطه اليونانيه
وكان بديلها عندى اكياس صغيره
تتبيله للسلطه اليونانيه وانا زودت عليهم مايه
4 م ك ورشيستر
4 م ك عصير ليمون
م ص توم بودره
1/2 م فلفل اسود

التتبيله الثالثه

كيلو لحمه
1/2 كوب خل بلسمك
1/4 كوب ماء
2 م ك زيت زيتون
4 فصوص توم مدقوق
2 م ك زعتر
1 م ك بردقوش
2 م ص سكر

التتبيله الرابعه

وكانت خاصه بالكبده وكل ما هو خاص بالحلويات

الكبده
الكلاوى
الفشه
لحمه يُطلق عليها اليهوديه
قلب
خصى العجل

مكونات التتبيله
3 م ك مسترده
1/ م ص جنزبيل بودره
2 فص توم مدقوق
م ص صويا صوص
عصير ليمونه
ملح وفلفل
2 م ك زيت زيتون

وانتظروا تتبيلات جديده بمشويات جديده
قريبا ان شاء الله فى نفس الملف