اليوم اطبق لكم هالطبق الصحي واللذيذ وخاصة حق الريوق مع الحليب الحار راح تشوفون بالصور وان شاءالله يعجبكم وخاصة للي عمرهم اقل من 18 سنة يسوونها وابي اشوف تطبياقتهم.
اول شي خلونا نشوف المقادير :
– بيض .
– خل .
– ماء ورد .
– ملح وفلفل أسود .
– زعفران
– هيل .
الطريقة :
1- نحط البيض بالماعون .
2- نحط قليل من كلشي الخل – ماء ورد- زعفران -هيل-ملح-فلفل أسود.
3- نخلط عدل
4- نجهز المقلاه وندهن زيت اشويه ونحط البيض ونخليه على نار عالية .
5- بعدها تقصر على النار ونغطي المقلاه .
6- بعدها تقريبا 5 دقايق نرفع الغطا وراح تكون بهذا الشكل.
7- بعدها نقلبها على الويه الثاني.
8- هذا شكل البيض القرص (( لذيذ)).
يتبع…
9- تحمص شريحتين توست ونحط البيض بشكل حلو ونقصه نفس الصورة .
الشكل النهائي
شوفوها بشكل مقرب 
صورة ثانية
يقدم مع الحليب الحار .
لا يطوفكم لذيذ واحلى ريووووووووووووق والحلو انه اكل صحي طبعا تقدرون تبدلون التوست الأبيض بالأسمر بس ترى ماكو فرق كبير بالسعرات الحرارية الفرق الوحيد انه التوست الأسمر فيه اللياف 
ملاحظة: طبعا بنات انا كنت اغلط غلطة احط بهارات مع البيض وكان ما يصير حلو نفس اللي تسويه الوالدة بس جربت طريقة الوالدة الله يطول بعمرها هالطريقة تسويها حق البيض اللي تحطه فوق البلاليط ولذيذ وريحته تهببببببببل ما جنه بيض لا زفر ولاشي .
جربوها وادعولي >>> اللي يسمع مجبوس مو بيض
انتظر ردودكم ؟؟
اختكم : دموع الكويت
اسهل واحلى فطور من احلى بنوتة
تسلم الايادي
طريقه سهله وخفيفه وصحيه