بسم الله الرحمن الرحيم
السلام عليكم ورحمة الله تعالى وبركاته
الحلويات مهمة خلال يومنا
وأحياناً بتكون الواحدة منا ما بتعرف شو بدها تساوي حلو
لعائلتها وملت من الوصفات الملبكة والمعقدة
فبتتمنى لو بتقدر تساوي حلو سهل وسريع
والبان كيك ما في أحلى منه كحلو سريع وسهل كتير
حتى أنه فينهم أولادنا يساعدونا بعمله بدون خوف
وبصراحة هيدا الشي اللي بحبه لما أعمل حلويات
أنو تكون المقادير أول شيء ما معقدة وكتيرة
وثاني شيء تكون خفيفة وسهلة وما بتاخد كتير وقت
لأني بصراحة من النوع اللي بمل من كثرة الوقفة بالمطبخ
هههههههههه
لا عن جد وبالذات هالفترة ابنتي كلما دخلت المطبخ زحفت ورائي
وبخاف عليها من الفرن ومحتويات المطبخ
فمشان هيك بحب ساوي الأسهل والأسرع من الحلو هالفترة
البان كيك
المقادير
2 كوب حليب
2 كوب طحين
2 بيضة
3 ملاعق سكر
2 ملعقة صغيرة بكم باودر
فراولة – ألواح شوكولاته (بإمكانك اختيار أي نوع المهم تذوب على الحرارة)
ويمكن استبدال الفراولة بالتوت أو أي نوع فاكهة ترغبينه
زيت نباتي
عسل – قطر (شيرة) – شيرة البانكيك (تشترى من السوبر ماركت)
بإمكانك الاختيار بين العسل أو القطر أو شيرة البانكيك
الطريقة وبكل بساطة:
نخلط المكونات السائلة
ثم نخلط المكونات الجافة
نكون في هذه الأثناء قد وضعنا مقلاة غير لاصقة على النار
بعد أن تسخن المقلاة نضع فيها حوالي ملعقتي طعام زيت نباتي
نسكب حوالي ربع كأس ماء من المزيج داخل المقلاة
وننتظر حتى يحمر الوجه السفلي ثم نقلبها ليحمر الوجه العلوي
يمكنك إضافة الفريز المقطع خلال طهيها وقبل قلبها للوجه الثاني
أو إضافة برش الشوكولاته أيضاً خلال طهيها وقبل قلبها للوجه الثاني
عند التقديم يرش فوقها القطر أو العسل أو شيرة البانكيك
وصحتين وعافية
مع تحياتي القلبية لكن
أم محمد خير وبشرى الخير
ما شاء الله
كثير طيب وشهي، تسلم يمينك أختي
كثير طيب وشهي، تسلم يمينك أختي
ماشاءالله باينه شهيه
مشكوره يالغلا
الف صحه عليكم حبيبتي
تسلم دياتك عيوني
السلام عليكم ورحمة الله وبركاته
ما شاء الله فعلاً ولا اسهل
سلمت يمناكِ اختي ام محمد ع الوصفة الطيبة
صحه و عافيه يا رب و ربنا يحفظ لك اولادك
ما شاء الله
كثير طيب وشهي، تسلم يمينك أختي
يسلمو ايديك حبيبتي بان كيك في غاية الروعة
في انتظار المزيد من ابداعاتك ياعسل
صحتين وعافية يارب