انا عندي مشكله كبيرة انا شعري سئ (منكوش وهايش وضعيف ومتقصف ومتكسر)ومبعرفش استشوره وجربت مرة افردة عند الكوافيرة وقع ويا ريت كدة وبس داماداش نتيجة كويسة ياريت اللي ىعرف حل يلحقني
اتركي الاستشوار حاليا وريحي شعرك منو .. وحاولي تغذيه بالزيوت الطبيعيه وشامبو كويس من الصيدلية و امبولات تساقط وتغذيه … و انتبهي لأكلك كلي خضار وفواكه خاصه الجرجير والجزر
وخدي حبوب فيتامينات للشعر ..
وانشالله راح تلاقين نتيجه ترضيكي بالتدريج
استخدمى زيت الحيه مفيد جدا للشعر ووقفى اى شئ كيماوى عنه وكلى كويس جدا
وان شاء الرحمن هيكون جميل
اول حاجه تعمليها تروحى لدكتور جلد قبل متعملى اى وصفه لان الضرر انواع ودرجات وعلى حسب درجه الضرر اللى حصل لشعرك الدكتور حيديكى ادويه وحيكون فيتامينات كبسولات واسبراى لاعاده انبات الشعر والاسبراى بيكون ليه تركيز بيختلف على حسب الضرر وكمان ممكن يعملك جلسات ميثوثربى يعنى يحقن فيتامينات لفروة الراس مباشره فنصيحه من خبيره انك لازم تروحى لدكتور بسرعه جدا لان الوقت ممكن يسببلك ضرر اكتر وبعد كده ممكن تعملى حمام زيت وكريم كل اسبوع بالتبادل وكمان لازم تاكلى زبادى كتير وشبت وجرير من اكتر الحاجات اللى بتعمل على اعاده نمو واكثار الشعر
أهلاً بك معنا 
وماشاء الله البنات ماقصروا معك الله يبارك فيهم.
انا من راي مس جيجي انك تروحي لدكتور تجميل او جلديه وممكن مع العلاج يسمحلك تعملي خلطات عادي جدا انا رحت لدكتور تجميل ووافق اني اعمل خلطات زيوت عادي وبقيت بعمل حمامات زيت او زيوت منقوعه في املج وده نتيجته هايله بينعم جدا وبردو الزبد مع زيت الدره حلوه اوي ومع العلم انا شعري زيك
شكرا لكم اخواتى واريد اني اقول لكم معلومة عرفتها النهاردة من كوافيرة رحتلها قالتلي ان شعري كويس بس عايز رعاية جامدة وقالتلي اني اعمل حمام كريم لشعري وان احسن حمام كريم للشعر هو بوناويل وادهنه يوميا بفازلين طبي وتصدقوا قالتلي مصيبة ان كل طرق فرد الشعر بيحطوا عليها بوتاس