رغم اني اتحدث وااااايد بهذه المواضيع ويا صديقاتي بس ما ادري ماتوقعت تتحول حقيقه..كنت اتوقعها كوابيس فقط
ماعلينا المهم…
يوم السبت ان شا ءالله بيجي شاي و يا اهله علشان يشوفوني ":L":
انا لا يوجد لدي اخوات و لم يسبق لاحد من اخواني الزواج يعني بصراحه و على بلاطه كدا ما ادري شلون اتصرف sid
هو الشاب لا اعرفه و لايعرفني..صديقه امي قالت لامه عني رغم ان حتى ذهه الصديقه ماتعرفني بس تعرف الوالده..
قرات مواضيع كثيره عن هذا الموضوع في منتديات عده ولكن الوضع هنا يختلف..
دائما ينصحون البنت انها تدخل بعد وصولهم بشوي و تقعد يدوب كم دقيقه وبعدين تتحجج باي حجه علشان تخرج…بس انا ما اقدر اسوي شذي…
هذا اسويه لو كنت عايشه في مجتمعاتنا الخليجيه حيث الرجال يقعدون في مجلسهم و الحريم في مجلس اخر و لكن هنا سوف تكون الجلسه مختلطه..يعني بيكون في الوالده و اخوي و هو و امه و والده..يعني مجبوره اني اقعد طول وقت الزياره التي بالتاكيد لن تقل عن ساعه
بصراحه هذا اول واحد يجي و اشوف يعني الباقين كانوا بس يتصلون على الوالده ترفضهم لاسباب منها العمر او الحاله الماديه او العلميه…
بس ما ادري بصراحه اش اسوي؟ من ناحيه اللبس فسوف اكون طبيعيه عالاخر يعني بصراحه انا ودي البس ملابس رياضيه و اربط شعري ذيل حصان و اخرج لهم …
.لا من جد, بلبس لبس عادي كأنهم ضيوف عادين سوف اكون طبيعيه و بالعكس سوف احاول اقدر المستطاع ان لا الفت النظر لي بشكلي فانا (احدى معتقداتي الكثيره 
) ان الشكل هو اخر شئ لازم نفكر فيه…فلو رتبت نفسي وااايد واكثر من اللزوم فبهذه الطريقه سوف اجبرهم ان ينتبهوا لمنظري…ولكن لو كان منظري عادي و رفضوني بسبب منظري (متوقعين يشوفون ملكه جمال) فهذا معناه انهم يعطوا اهميه للشكل و انا ارفض الناس اليت تفكر بهذه الطريقه (يعني بطريقتي هذه اقدر اعرف بطريقه غير مباشره اش اهميه المنظر لهم 
)
بس الي ابي اقوله هو اني اش اقول و اش اتكلم سواء معه اومع اهله؟ يعني اخلي الكلام عادي و عام؟ انا اعيش في بلد اجنبي و ودي اعرف اذا هو ناوي يبقى هني او يرجع لبلده فهل اساله انت عندك مخططات ان ترجع لبلادك لو تزوجت؟ (خلوا بالكم انا قلت لو تزجت و ليس لو تزوجنا) او اني بهذا السؤال المح عن موضوع الزواج و هو موضوع الزياره؟ يعني بما اني فتاه لا يصح اني المح على الموضوع؟ بس لازم اسال وين درس و اش و ين يشتغل ومثل هه الاسئله؟
شئ ثاني ماكو في البيت حريم غير انا و امي (امي ترى ماهي عجوز 
) فمن يجب عليها ان تقوم بالضيافه؟ يعني بصراحه اذا نحن عندنا ضيوف فالوالده هي الي تقوم بالضيافه و احيانا انا اساعدها اذا في شئ بده تحضير او اني اقوم اشيل الصحون و الاكواب..ولكن الحين اش اسوي؟
لو بقيت قاعده و امي الي تضيف بيقولون شوفوها البنت قاعده و امها هي الي تقوم و تيجي..
ولو انا قمت اضيفه بسكب العصير عليهم
…شئ ثاني مضايقني ..هم ماهم جاين علشاني انا شخصيا..يعني صديقه الوالده قالت لهم اني امي عندها بنت كبيره و بس..بصراحه انا مايعجبني هذا الشئ..يعني ما اشعر انهم سوف ياتون لشخصي.
سوف اعطيكم مثال, قبل فتره تقدم لي شاب. امه كانت موجوده في عرس صديقتي و انا كنت هناك ايضا فشافتني و عجبتها فسالت عني ..بهذا الوضع اشوف انه رغم ان ليس الشاب من اعجب بي و راني و لكن تبقى هذه امه يعني عندما ياتون و اعجبهم فسوف يكونوا اتوا للحلم الجميل و لكن في حاله الشاب الي بيجي يوف السبت فهم بيجوا و ممكن اعجبهم بس هذا معناه ان اي بنت مكاني كان ممكن تعجبهم يعني ماهم جاين علشان الحلم الجميل خصوصا و انما لان في منزلنا فتاه..ان شاء الله تكونوا فهمتوا قصدي
شئ ثاني ..الله يخليكم لا تملوا و لاتخرجوا sid ….اشوف كثير شباب و بنات اهلهم كويسين و سمعتهم طيبه و لكن هذولا الشباب و البنات معي في الكليه و اشوف لعيهم تصرفات بصراحه ماتعجبني و انا متاكده انهم مايسون هذه الحركات امام اهلهم..و لهذا كت دائما افضل ان الشاب الذي سوف ارتبط به يكون معي في الجامعه او في العمل او ان يكون مثلا صديق اخوي او اخ صديقتي يعني يكون شخص اقدر اعرف عنه اشياء من اصدقائه او من خلال ما اراه…لان الناس احيانا تكذب..اقولكم هذا الكام عن تجربه..يعني لي صديقه اهلها ماشاء الله عليهم وايد كويسين و من عائله محترمه بس هذه البنت زينه كمان بس لها حركات ماتعجبني في الكليه و بما اننا اصدقاء فهي تقعد تكلمني عن اسرارها…كصديقه هي كويسه و لكن لو امي سالتني عن راي بها كزوجه لاخي فسوف ارفض رفضا قاطعا لاني اعرفها على حقيقتها…وهذا مالا استطيع ان اعرفه على الشاب
ان شا ءالله لاتكونوا مليتوا مني و الله يخليكم لاتطنشوني بس ان شاء الله يكون الموضوع حلو فتستانسوا بقرائته
وابي اسال العضوات المتزوجات الحين انت لما تشوفين عروس لابنك على شنو تدققين اكثر في اول زياره؟
نسيت اقوكلم ان عمره 24 سنه..يعني فرق بس 3 سنوات و نص..نوعا ما العمر متقارب انا كان ودي اتزوج عمري 24 سنه و هو يكون 27 او 28 يكون ناضج…فهل تتوقعون منه صغر العقل؟ رغم انه قال للصديقه الوالده اني يبي بنت فاهمه و متعلمه و مايبي بنت يربيها و تقعد في البيت يعني من كلامه واضح انه ليس مثل الشباب الي يبحث عن بنت صغيره و هبله علشان يربيها على يديه..هو يبي يشعر ان الي تزوجها يقدر يعتمد عليها..وعلى فكره..امه (التي بالتاكيد لاتقل عن 45 سنه) قاعده تدرس للدكتوراه الحين..شوفوا العلم كيف مقطع بعضه بعائلته
تحياتك لكم
وبتووووووووووووووووووووووووووووووووفيق
وووووووووووووووووووووودمتي
أنصحك بسؤال قريباتك أو صديقاتك الي مروا بنفس التجربة
لأنه تختلف المجتمعات وتقاليدها
أهم شي اللبس المحتشم ……. والثقل زين
وربي يوفقك بالزوج الصالح والذرية البارة
((((( ورديلنا خبر وش صار معك )))))
وعندي فكرة لعقلك اشحنيه بشاحن الجوال
ههههههههههههههههه
امزح واذا زعلتي اسحب كلمتي
اتزوجت واحد صغير نوعا ما تقريبا 23 او 22 كمان
بس صراحة تمدح فيه ما شاء الله عليه
راجل ولا قد المسؤولية بعد وقادر يفتح بيت ويكون اسرة وحياتهم من 10 سنوات على ما يرام
غير كدة الكثير عندنا في العائلة كابناء عمي 2 اتزوجو 22 و23 عام ومن احسن مايكون
مو عشان القرابة لا والله حتى زوجاتهم معايا مررررررة اننا اخوات ويمدحوا فيهم
فرايي ان السن مو شرط لنضوج الشخصية
وفي رجال كبار وما عندهم عقول عقولهم خفيفة وشبه مجانين
عقلج جذي الحين
أجل في العرس وشتبسوين 
بتتوقفين عن الإرسال تماما.
استعيني بالله
تصرفي بشكل طبيعي
لقد مررت قبل اشهر قليلة بمثل موقفك
فاهل الولد كانوا يعرفون ابي
ولم يروني ابدا
وكنت جدا مرتبكة لاني اول واحدة اتزوج من اخواتي واخوتي
وجاء اهل الولد
وارتبكت كثيرا وانا اقدم لهم العصير
والحمد لله تمت على خير
لرجو لك كل خير……….. لا ترتبكي اختي الحبيبة وتصرفي على طبيعتك وسجيتك
وان شاء الله ييسر لك الباري عز وجل كل خير
اختك المحبة في الله
شمس
عن لبسك خليه عــادي وألوان هاديه ..
واذا من البنات اللي يحطون MAKE UP خليه خفيف يعني …وردي …بيج …خلك
طبيعيه ..
أمــا عن الجلوس معاهم أجلسي بس 10 دقائق ولا تتكلمين إلا يوم يسألونك ..
ولا تخلين عينك عليهم خلك رزينــه .. ولا تبينين أنك مرتبكه ..صــح أول ماتسلمين تكونين
شوي مرتبكه وخايفه وفي حاله ثانيه بس صدقيني ثواني وتروح ..
الله يوفق الجميــــــــع
أختي البساطة والطبيعة ما فيها أحلى منها.
خذي الأمر ببساطة، وتصرفي على طبيعتك، ولكن إن كانت طبيعتك مرحة فلا داعي للمرح وقتها
بالنسبة للضيافة، فهذا وقتها عملك أنت.