الطبق دة بقي تنسوا معاه الرجيم خالص بس عن حق مفيد جدا في ايام الشتاء لانة يدفي جدا
وكمان يفيد النحيفات لانة يسمنهم جدا
كان في حد طلبة قبل كدة في المنتدي علي ما اعتقد
طبعا عملته بس للامانة طريقه ماما واختي
الحلبة المعقودة او الحلبة بالعسل او المفتقة
المقادير :
——-
كيلو عسل اسود
نصف كوب حلبة مطحونة ( بودرة )
2 ملعقتي دقيق
كوب صغير زيت ذرة او اي زيت اخر ماعدا زيت الزيتون( يعني زيت الزيتون لا زيت الذرة اه)
نصف كوب سمسم
كوب او اكثر حسب الرغبة سوداني
الطريقة :
——-
1–ضعي العسل في اناء علي النار حتي يسخن لاتتركية يغلي بمجرد ان تري الفقاقيع اغلقي النار
2– احضري الحلبة المطحونة ورشيها علي العسل وقلبيهم جدا ليمتزجوا واشعلي النار مرة اخري
وبمجرد ظهور الفقاقيع اغلقي النار
3– في اناء اخر ضعي الزيت وضعي علية الدقيق ليصبح لونة اشقر فاتح ثم ضعي السمسم
والسوداني ليشقر لونهم ايضا لا تحمريهم كثيرا في الزيت
4– ضعي خليط الزيت والدقيق و السمسم و السوداني علي مزيج العسل و امزجيهم جيدا جدا
و اتركي الحلبة المعقودة لتبرد
5– صبي الحلبة في برطمانات زجاجية
ملحوظات هامة :
———-
1– قوام الحلبة يكون غليظ نوعا ما
2– لا تتركي العسل يغلي علي النار كثيرا لان ذلك سوف يغلظ من قوام الحلبة جدا ويجعلها
قاسية ويحول طعمها لطعم به مرارة
3– في حالة اصبح قوام الحلبة قاسي جدا يمكن اضافة كمية من العسل ولكن بعد تسخين العسل
علي النار
4– تاكل سندويتشات او للتغميس
5– بتدفي وتسمن وطعمها حكاية تانية خالص
6 –ومحدش يلومني ولا يعتب عليا ( لو سمنتوا انا مش مسؤلة) هاهاهااهاهاهاها
بالهنا والشفاء
النتيجة ما يعلم بيها الا ربنا……المشكلة اني افتكرت الحلا الجميل دة….فكرتيني لية بس
بس بجد جميل وتحفة وهو بيكل مع البسكويت السادة او الخبز
والله يعين علي رائحة الحلبة والرجيم الي خرب
مشكورة حبيبتي
اللهم لا اله الا انت سبحنك اني كنت من الظالمين
حتجربية ولا لاء
اسفة جدا علي التاخير ولكني لم انتبة لردك علي الموضوع وسؤالك لانة من مواضيعي القديمة ولاني نادرا ما ادخل المنتدي هذة الايام
ردا علي سؤالك لماذا لا نستخدم زيت الزيتون ؟
لان زيت الزيتون لة نكههة مميزة قد تظهر في طعم الحلبة ولكن ان لم يكن لديكي الا زيت الزيتون فقط جربي تعملي مقدار صغير
مع تحياتي
حد يعرف ازاي نتغلب علي المشكلة دي ؟؟؟؟؟