انا وخادمتي 2024.

مرحـبا

حبيت اقول لكم حادثه صارت لي مع خادمتي وهي
مره دخلت فجأه علي الخادمه وحسيت وقتها انها (ارتبشت وخافت) واخفت عني
شئ بسرعه انا شكيت صراحه
وقلت لازم اشوف ايش الي خبته
واستغليت انشغالها بالمطبخ ورحت افتشها (انا عارفه اني غلطت ويارب يسامحني)
المهم صار اللي صار
وش لقيت؟؟؟؟؟؟؟؟؟؟؟
لاكي
لقيت بعض من مكياجي وبعض من اغراضي عندها صراحه انصدمت
لأني كنت امن لها
المهم بسرعه خبيت كل شئ ورجعته بمكانه وما اخذت شئ
وسكت
انا محتاره ناس تقولي خوذي اغراضك ولا تفتحين معاها الموضوع
عشان تعرف انك متابعتها
وناس تقولي لا خاصميها عشان ما تعملها مره ثانيه؟؟

وانا محتاره وش اعمل وانتم عافين ان الشغالات (شر لابد منه)
وش رايكم؟؟؟؟؟؟؟؟؟؟؟؟؟

أنا صراحة أعتقد أنه اللي يمد ايده على شيء صغير، أكيد رح يمد إيده على شيء أكبر. أنا اذا كنت مطرحك ما بأمن منها، وبصرفها من بيتي.
صراحة مش فاهمة موضوع الخادمات، ليش شر لا بد منه؟؟ يا ريت حد يشرحلي ليش أكثر أهل الخليج عندهم خادمات؟!! يعني فضول وحب استطلاع.
عزيزتي :
اذا كان لك القدره الماليه فغيريها او سفريها بدون علمها واذا كان ليس لك القدره الماليه ولك اولاد وتحتاجينها فمن الافضل خلى الموضوع في سرك بشرط المحافظه على مقتنياتك الخاصه بك مع عدم الدخول الى غرفه النوم نهائيا والمفروض ان كل امراءه تأتي بشغاله من اول ماتجي يحرم عدم الدخول غرفه النوم وأخيرا رأي انا عدم الاحتكاك معها نهائيا الا في شغل البيت فقط لان مشاكلهن كثيره وبالتوفيق.
شكرا لك اختي ايمان واختي ام هنودي

المصيبه انها باقي لها شهرين وتخلص مده اقامتها
فكيف اسفرها واجيب وحده ثانيه؟
اختي ايمان (اذا كنتي موظفه واهلك مش بنفس البلد اللي انتي عايشه فيه
وما عندك الا ولد واحد وعمره سنتان وين بتودينه ؟؟؟؟؟؟؟

ام بسام

انا من رايى انج تسفرينها ما دامت مدت يدهاااا على شى بسط بتكبر السالفه

وحاولى انج ما تعطينها الخيط والمخيط

تحياااتى لج

اختي الخادمة محتاجة وهي بشر وتطلع الى الدنيا ….. انا اقول اعملي بالمثل القائل
( عاتب اخاك بالأحسان اليه )
اهديها علبة مكياج وثوب جميل تلبسه عند اهلها فقط وليس عندك
قال عليه الصلاة والسلام ( اخوانكم خولكم …….) البسِيها مما تلبسي واطعميها مما طعمتِ ….عندما تذهبين الى فرح وتذهبي الى الكوفيرة مثلا خذيها معك حتى تتزين هي ايضا ….. اهديها كتب فقهية بلغتها واذا كانت هناك محاضرات في مراكز دعوة الجاليات فارسليها الى هناك لتأخذ دروسا .
اتوقع انك بعد ان تهدينها ستجدي مكياجك قد عاد اليك بعد فترة ….. وان لم يعد ..
فانتبهي لأغراضك
تسلمين اختي كراش

وشكرا اختي سيده لتفاعلك معي وصدقيني اني ما اقصر معها
زي هي ماتهتم بولدي وانا غائبه حتي انا اهتم فيها اكثر
وصدقيني عمري ماقصرت معها بأي حاجه
المشكله ان لو طلبتني اياها الآغراض هذه راح اعطيها بكل حسن نيه
وعمري ما قلت لها شئ اورفضت لها طلب
بس وين الغلط مدري ؟؟؟؟؟؟؟؟؟؟؟؟

بسم الله الرحمن الرحيم
بحكم معرفة البسيطه بالخادمات أقترح عليكي أنك تأخذين الأغراض دون أن تجيبي لها سيره بالموضوع ومادام باقي لها شهرين أستحملي
لكن نصحتي لكي أنك تحرصي على تفتيشها قبل سفرها حتي لا تتركي لها شي تستطيع أن تضرك به أنت وولدك وزوجك
ام بسام

انا واحد يا الطيبه

والعفو لاكي

فعلا لازم تتفتش زين قبل السفر
لان السحر عندهم عافانا الله زي المويه
انتبهي لاغراضك زين ولا تعطيها اي شيء من اشيائك حتى لو مبهذل
اعطيها شيء جديد تسلمي من شرها وخبثها
وبما انها اخذت من اشيائك …اكيد عندها صورة لك او لولدك انتبهي زين زين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.