حسيب خطيبى خلاص ساعدونى قبل ما يحصلى حاجه :( 2024.

أنت قلتي أنه طيب ومحترم وبيحبك ما قلتي عليه شيء سيء وحكاية شغل الزوجة عشان تساعد ده أغلب شباب مصر بيطلبه نظرا لغلاء المعيشة

وقلة ذات اليد وتأجير العربية ف الأول رغم أنه يعتبر خداع لكن هو عمل كده عشان توافقوا بيه ويظهر ف الصورة أنه قريب لمستواكم المادي

مهموم ومش إجتماعي لأنه شايل هم المصاريف اللي مش قادر عليها والديون رغم مرور تلات سنين

بيشعر أن هو اللي وعلان الشعور ده غالبا هيكون ملازم ليه علطول لشعوره بالنقص أنه أقل منكم ولأنك هتكوني شايفة كده أنك أفضل منه

فده عامله حساسية صعب يتخلص منها وكون معندوش سيارة ده شيء مش بايده لأن محدش يكره الراحة ويكون عنده سيارة لكن إمكانياته

على قده أنا شايفة أنه إنسان كويس بس ورط نفسه ف جوازة أكبر منه كان ممكن يروح لناس أقل منه وكان تزوج من زمان لكن

يا إما عمل كده عشان بيحبك فعلا ولو كده يستاهل تضحي عشانه أو كان طمعان في مساعدتكم بما أنكم مرتاحين ماديا

شوفي يا أخت أنت كل مشكلتك أنك خايفة متقدريش تتحملي تعيشي في مستوى أقل فلازم تفكري كويس وتشوفي هتقدري ولا لأ

لو مش هتقدري بلاش عشان بعد كده لا تتعبي ولا تتعبيه معاك وتحمليه فوق طاقته وفي ناس كتير بتكون مقتدرة بتساعد زوج البنت

يعني طالما الانسان كويس ما فيها أي شيء لما والدك يساعده ماديا ويتساهل معاه ويخفف عنه المصاريف ع الأقل يعني لو الفرح هيكلفه ويرهقه

بلاش فرح قاعة خلوها حفله بسيطه أو قاعة بسيطة أو زفه ف الشارع وخلاص والفرحه بالزواج والعريس والاستقرار وبلاش ديون وهمها التقيل أنا تزوجت بدون أي حفله

خدني ورحنا قعدنا شوية ف بيت أهله وروحنا حصل ايه يعني ولا أثر طالما الزوج كويس خلاص والسعادة ف أنه يطلع انسان كويس

متقدريش تلاقي زيه الوقتي ويعاملك كويس انت عايزة اكل كويس ولبس ومصاريف ؟طيب افرضي طلع وحش او بخيل أو مقدرش يحبك

وأبوك لو كريم وطيب هيساعده لو يستحق المساعدة د في ناس بتسكن بنتها عندها وتعطيها شقة ف العمارة وأنا مش غنية

بس لو جه لبنتي واحد كويس وأقدر أساعده هساعده وأعطيه عنيه طالما يستاهل وهيسعد بنتي أبوك مرتاح يساعدك بعد الزواج

لغاية ما ربنا يكرم زوجك ويخفف عنه لو مش حابب يساعد أنا جبتلك كل الحلول اختاري وافتكري أن ده حال أغلب الشباب الوقتي

وأنت شايفة البلد حالها عامل ازاي وبالنسبة للهدايا القيمة أنت بتجيبي لأن معاك تجيبي لكن هو مش معاه يعني غصب عنه

انا خلاص تعبت ساعدونى قولولى رايكوااا بصراحه ..لو مكانى حتعملواا ايه وادعوللى اخد القرار الصح ….يارب