كل مره اغلي فيها لازم يلصق تكفووون علموني …ايه بس بالمقلاه العاديه مش التيفال!!
ضيعت نقلوني ركن الاطباق الرئيسيه
شوفي هذا الرابط يمكن يفيدك
الحقوا بنت منتداكم لا تتفشل منهم
في البداية خصصت اقدم مقلاة عندي لقلي السمك ..وكانت تيفال بس مع كثرة الإستخدام صارت
……..المهم اني اذا بغيت اقلي السمك بعد ما انظفه زين واغسله اخليه ينشف عن الماي وبعدين اتبله بالملح والبهارات من الداخل والخارج ……..طبعاً التتبيلة على حسب نوعية السمك …….ممكن تبشرين عليه فص ثوم ليعطيه نكهة لذيذة وممكن تسوين فيه شقوق بالسكين حتى تدخل التتبيله ويحتفظ السمك بالبهار……..اوممكن تحطين قطع كبيرة من البصل في الزيت اثناء القلي لإضافة نكهة لاغير …….يعني بس يحترق البصل في المقلاة تشيلينه وترمينه (بصل قليل ) بدون اسراف 
بعد ما تبلتيه خليه شوي في الثلاجة لحين وقت القلي …….
جيبي المقلاة وحطي زيت وافر بحيث ان الزيت ما يغطي السمك …….وزيدي من الزيت اذا دعت الحاجة ………سخني المقلاة وخلي الزيت حامي اول ما تضيفبن السمك حتى ما يلزق في المقلاةواتركيه شوي حتى يصبح الجلد مقرمش ثم خفضي الحرارة لتنضج الجهة السفلى ثم اقلبيه على الجهة الأخرى ……….وتأكدي مع كل مرة تضيفين السمك ان الحرارة عالية………وعلى فكرة السمك طعمه ألذ اذا كان مقلي على نار فرن غاز او مكينة غاز صغيرة بعكس فرن الكهرباء انا جربت ولاحظت فرق كبير في الطعم والقلي ………
ما ادري يمكن طولت عليك بس هذي طريقتي اتمنى اني عطيتك بعض الأفكار
بالتوفيق
انا طريقتي غير
شوفي………بعد ما تنظفين السمك تحطين عليه ملح كميه كبيره…..وتخلينه وقت كافي لما يطلع منه كل الماء اللي فيه…….
وبعدين تغسلينه……….وتغطينه كله بالطحين……..وتقلينه بزيت حار
جربي وتقولين طريقتي
فصة ثومة وزنجبيل يدق + ملعقة خردل + كركم + كزبرة ناعمة وبهار السمك وفلفل أحمر حسب الرغبة
السمك ينظف بطنه دون غسيل يملح ويترك بعدها يشطف بالماء ويغسل بشكل سريع وينشف من الماء
يعمل شقوق طولية على جانبي السمك ويتبل بالخلطة جيدا ويترك لا تضعي الليمون لأنه يرهل السمك ويجعله طريا غير متماسك تجنبيه
عند القلي غمسيه السمك بالدقيقوالكركم واقليه في الأناء على نار متوسطة ولات تقلبيه إلا اذا احمر لأن كثرة التقليب تخرب الشكل
