السلام عليكم
اليوم بنحط لكم طريقة عمل السينابون والمعجنات
المقادير:
– 3 ونص كوب طحين فاخر
– 3 ملاعق اكل حليب بودر
– 3 ملاعق اكل سكر
– رشة ملح
– ملعقة ونص اكل خميرة فورية
– نصف ملعقة اكل بيكنغ باورد
– كاس جبن ونص ماء
– ربع كاس جبن زيت
نخلط جميع المكونات في الخلاط الكهربائي لمدة 7 دقائق وتتخمر لمدة ساعة
بعد ما تخمرت
نحط العجينة على سطح منثور عليه طحين
وندهن الفايركس بالزبد ونصف السينابون ويتخمر لمدة 10 دقائق ويدخل الفرن حتى يتخمر
بعد ما نطلعه من الفرن نحط عليه الصوص
طريقة الصوص:
المقادير:
نص علبة حليب مركز( نستله)
واحد قشطة صغير (كيددي)
ونحط فوق السينابون الجوز ونسكب الصوص عليه ونرش الجوز فوقه
وهاذي طريقة السينابون وانشاء الله يعجبكم
يتبعــ (الكرواسون والبيتزا)
مشكوره اختي
الكرواسون:
نفرد العجينة ونقطعها بهاي الشكل ونحشيها بالجبن ونلفها بطريقة الكرواسون وطبعا الكل يعرفها
نصف الكرواسون في صينية الفرن وندهنه بالبيض ونرش عليه سم سم
ندخله الفرن حتى يحمر
وهذا الشكل النهائي
————————————
البيتزا
اول شي نقطعه دوائر صغيرة ونمسحها بصلصة طماطم ونرش فوقه الجبن الشدر
وبعدين ندخله الفرن لين يتحمر ويذوب الجبن
وانشاء الله يكون السينابون والكرواسون والبيتزا عجبتكم
كتبت بواسطة لــــولــــي 
مشكوره اختي
هو من ناحية لذيذ الا روووووووووووووعة قمة في اللذة
والشكر كله لمرت اخوي لانه هي اللي سوت كل هالاشياء
وتسلمين اختي
قمة فالروعة
و صحتين و الف هنا
و هلا بيك و بيها معنا اخوات عزيزات
ابدعتي
بس ودي أسأل وش نوع الجبن اللي في الكروسون
لانه ماشاء الله ما ساح
تسلم الايادي ويعطيك الف عافية
كتبت بواسطة **ام البنات ** قمة فالروعة
و صحتين و الف هنا
و هلا بيك و بيها معنا اخوات عزيزات
تسلمين اختي ام البنات
كتبت بواسطة soso22 ابدعتي
ربي يسلمج حبيبتي وانشاء الله تجربي الوصفه وتعجبج