شوفو00 اليوكو انتم سمعتم عن فرد اليوكو اكيد اللي هو الفرد الياباني
عملته اكثر من مرة وكانت نتائجه مذهلة للشعر علما بان شعري متوسط جاف عملته كي يريحني من الاستشوار كنت اذهب الا مشغل بجدة كان سعره على حسب طول الشعر من 1800 الا 5000 المهم سمعت ان مشغلا بالمدينة المنورة يعمل فرد اليوكو فرحت كثيرا لانني من سكان المدينة وبدلا ان اذهب الىجدة اختصر المسافة 00 المهم ذهبت اللا ذالك المشغل فقلت لها سمعت ان اليوكو موجود لديكم قالت لي نعم ونظرت اللا شعري وقالت سعر الجذور 800 استغربت قلت لها اكيد يوكو قالت ايه والله وعندنا وحدة يابانيه هي اللي تسويه قلت والله وناسه سعر حلو ويابانيه كمان وصدقتها لانها حلفت بالله المهم قلت خليني اتاكد من اغراض اليوكو ووجدتها نفسها المهم ماحصل لي0000
بعد ماسوته لي بال6 مراحل حقت اليوكو قلت الله وش هالنعومة طلعت يابانية رحت البيت بعد الفرد بثلاثة ايام والله والله والله يابنات والله على مااقول شهيد امشط شعري من الامام وشعري يطيح وانا امشط ابكي وميته خوف وكل مامشطت شعري يطيح من الامام 000 رحت لطبيبة الجلدية 00 تدرون ايش قالت لي قالت ايش مسوية في شعرك وقلت لها السالفة قالت لي يابنتي شعرك حرقته لك والمحروق هو اللي يطيح قلت لها اخاف ان باقي شعري يطيح قالت هوالمحروق بينزل اكيد وانا راح اكتب لك مرمم للشعر وادوية عشان تعالجين شعرك والله يابنات شعري الامام مافيه اللا كم شعرة واللي ورا خيف اقسم بالله دعيت عليهم من كل قلبي اللي مايخافون الله وشعور الناس لعبة عندهم0000 قلت والله مااسيبهم في حالهم رحت لهم انتم كذابين حرقتو لي شعري وتقولون اللي عندكم يوكويمكن نفس العلب وانتم حاطين فيه فرد عايدي قالت لا احنا مانكذب 00 اللي قهرني اكثر انها انكرت انه سوته لي وتقول مو احنا اللي سويناه لك قلت لها ناديلي اليابانية نادتها قالت لها انتي سويتيه قالت ايوه قلت لها طيب تعالي شوفي ايش سويتي في شعري قالت انتي من اول ماجيتي شعرك كان كذا يالله يابنات قد ايش وقحين انكرو انهم سووه لي والمشكلة الفاتورة ضيعتها والله يابنات اني ميته قهر منهم لكن ان شاء الله ااخذ حقي منهم بالاخرة حبيت اقول لكم عن تجربتي المريرة واخذ الحذر من هاذا المشغل00 واكتب لكم اسمه لاخذ الحذر من الكذابين 0000 االفصول الاربعة00 حسبي الله ونعم الوكيل فيهم والله ماكتبت لكم عنهم اللا لاخذ الحذر منهم ونصيحة لا تنخدعى بالاعلانات لانها دائما ما تكون خادعة وكاذبة لسرقة المال وبعدها تكتشفى ردائة ما قمتى بشرائة عند الاستخدام وهذا والله عن تجربة
بس ترى يمدحون الجرجير الطازج المعصور للشعر
الله يعوضج بالشعر الزين إنشاء الله
الله يجزاج خير ع النصيحه والله كنت أبسويه بس ألحين شكلي هونت
شاكرة لك ولمرورك
شاكرة لكم مروركم
دوري الفاتورة كويس .ز وروحي إرفعي عليهم قضية عشان مايعملوها في أحد ثاني ..
الله يعوضك خير يارب ..
وشكرا لأنك نبهتينا لانه أنا كنت ناوية أروح أسوي يوكو .. بس الحين خلاص ..شعري مجعد احسن من مافي شعر .. والحمدلله على لنعمة
leenoo
وباحثه عن الحب000000000000 وجزاكم الله خيرا على مشاركتكم
يحلفون بالله كذب و زور ؟
الله حسيبهمـ ،
أختي ، عندك التفاح مرّة ممتاز لتنبيت الشعر ، تحلف عمتي أنه ممتاز و مجربته هي بنفسهـا ،
طريقته ،
خذي تفاحه ولفيهـا في قصدير و دخليهـا الفرن ( انبهي فرن مو مايكروويف )
ثم بتذوب التفاحه صح ؟
حطيهـا على فروتك و دلكي بلطف ( أكرر بلطف ) ،
و بتشوفين نتيجة مرضية إن شاء الله ،
و الثوم كمان ممتاز لكن لازم تستمري ما تقطعي لأنه مثل المضاد الحيوي ،
وربي يعوّضك خير في شعرك إن شاء الله و بإذن الله راح يلقون جزاهم في الدنيا قبل الآخرة ،
لأنهمـ حلفوا بالله كذب و الحلف بالله كذب مصيبه ،
الله المستعـان ،
تقبلي أعذب التحايـا يا غالية ، ولا عاد تثقي في المشاغل إلا لمـا يكون مضمون مررره مرره و مجرّبته أنتِ أو أهلك ..
ربي يسعدك ..