كيفكم حبوبات مع رمضـان وكيف رمضــان معكم 
امبارح كنت عايزة اعمل بسبوسة بس حبيت اغير من طريقة تقديمها واعملها كرات واحشيها مكسرات وشيكولاتة ملونة ( candy melts ) قلت اجرب مش خسرانة حاجة
عجبتني الفكرة لما نفذتها علشان خلتني آكل كمية بسيطة بدل ما كنت ما بكتفي بقطعة واحدة
3 كرات يعادلوا قطعة بسبوسة تقريباً
المقادير
كوب كبير سميــد
نصف كوب حليب
نصف كوب زبادي
تلت كوب سمن او زيت ( استخدمت زيت )
2 ملعقة كبيرة جوز هند مبشور ( نسيت اصوره مع المقادير )
ملعقة كبيرة سكر ( تكفي علشان حجم الكرة صغير وهتشرب قطر فلو كترنا هتبقى معسلة زيادة )
ملعقة صغيرة بيكنج بودر
الطريقة
نخلط جميع المقادير ونتركهم يرتاحوا 10 دقائق علشان تتماسك ونقدر نعمل منها كرات
في طبق نفرد الخليط دوار حسب الحجم المرغوب ونضع الحشو اللي نريده
وضعت مكسرات و شيكولاتة ملونة
نغلق الكرات ونضعها في صينية فرن وندهن وجهها بالسمن او الزبدة بإستخدام فرشاة
ندخلها الفرن 180 درجة لغاية النضج ( 20 دقيقة من تحت ثم تحت الشواية حتى تاخد لون ذهبي )
نضيف عليها القطر البارد ( الشربات ) فور خروجها من الفرن وبعدين نضعها على رف سلك تصفي القطر الزائد
نجملها بجوز الهند المبشور والمكسرات المفرومة والسكر الملون والسبرنكلز
لو السبرنكلز ملزقش كويس ندهنها قطر بفرشة ونضعه عليها
نضعها في ورق بيليسه ونقدمها بالهنا والشفى
تعالوا نشوف الصور
الحشـو من الداخل
تقدم باردة وشكلها حلو في البوفيهات
يارب تكون عجبتكم وتجربوها
ما تنسوني والمسلمين من صالح دعائكم ولكم بمثل ما دعوتم وزيادة
صحه وهنا على قلبكم حبيبتى
كتبت بواسطة (( ام ماهر )) 
صحه وهنا على قلبكم حبيبتى
الله يسلمك حبيبتي
شكرا على تعديل العنوان وإضافة المكسرات
سامحيني ما كنت أعرف أنك في أجازة
جزاكِ الله خيراً ()
وصفة رائعة وفكرتها جديدة
تسلم الأيادي وصحة وهناء
يسلمو يديك الحلوة
تسلم ايديك عجبتني بصراحة
سلمت يداك غايتي
ويعطيك الله العافية
كتبت بواسطة عفوك إلهي أرجو وصفة رائعة وفكرتها جديدة
تسلم الأيادي وصحة وهناء
الله يسلمك حبيبتي
ده بس من ذوقك
كتبت بواسطة اشجان الحياة يسلمو يديك الحلوة
الله يسلمك حبيبتي
كلك ذوق
كتبت بواسطة ام سهيل تسلم ايديك عجبتني بصراحة
الله يسلمك حبيبتي
الحمد لله إنها عجبتك ياريت تجربيها وتحكيلي رأيك ايه
نورتِ