طبعا بعد ما استفدت كتير من خبراتكم … وفشلت في حاجات كتير ولله الحمد 
… وبعد ما شجعوني ناس كتير منكم … وكتير ناس بجد ادوني نصايح هايلة والله فعلا جزاكم الله خيرا …وطبعا ناس تانية اكيد معجبهاش شغلي ( انا نفسي مكنش عاجبني )… بس الصراحة اتفحمت من بعض ردوود …وحسيت اني احرجت جدا … بس انا فعلا بحب اسمع رايكم بصراحة … هيا بس الوهلة الاولى هيا اللي بتخض … بس فعلا الواحد مش بيتعلم بالساهل …
المرادي بقى القصة اني كنت عند ماما وحبيبة بنت اختي صممت عايزة تورتة… فقلت مبدهاش اعك الدنيا كالعادة … واعملها … ونحط شمعة واي حركات كدا … ونقول هابي بيرث دي تو يو…
المهم اني بجد والله ترددت كتير قبل ما انزلها … مش عايزة اقولكم اني كنت هاقوم استخير قبل ما انزلها … اذا كنت انزلها ولا لأ … بس قلت عشان خاطر حبيبة ويجرى اللي يجرى بقى
نسيت اقولكم ان امي الغالية احبططني وقالتلي هيقعدوا يتريقوا عليكي … بس يلا انا قلت تريقة بتريقة بقى ,…
هنزل الصور ورا بعضضضضضضض
والطبق دا بقى من جوا كنت حاشياها كريمة وفراولة …
بالهنا والشفا عليكم …
بالله عليكم متنسونيش من دعواتكم ليا بظاهر الغيب …ولابوي ولاخوتي ولاهل بيتي … وجزاكم الله خيرا انكم بتستحملوني انا واختراعاتي…
قولى حناكل الشاشه يمكن
صحتين عليكم تهبل
تسلم ايدك
حلوة
وربي يحفظكلك حبيبة
وربي يهنيك ويعطيك مافي بالك
وتسلم الايادى الجميلة
والف هنا وعافية على قلوبكم يارب
وحنتريأ ليه .. بالعكس شكلها حلو أوي
بس عايزين الطريقه والمقادير بسرعه
لازم يا قمر عشان كل البنات يستفيدوا .صح
من تطور لتطور ان شاء الله
تعرفى انا مبسوطه انك ماشاء الله بتعملى تورت
كده حتحترفبها وابدك حتظبط اكتر واكتر
ما شاء الله لاقوة الا بالله
بجد روعة وتزيينك فيه ذوق عالى
وأكيد طعمها حلو وألف هنا وشفا على قلوبكم
وكمان جزاكى الله خيرا انك فرحتى بنت أختك وبحاجة بسيطة ومن غير تعب خالص
ممكن تتقبلينى أختا كبيرة لك فى الله
بالنسبة لتوقيعك : طبعا أنا يمكن أكون حاسة بك لأن كل واحد فينا أكيد وقع عليه ظلم من أى حد لكن فى الآخر كلنا بنسلم أمورنا لله . لكن الفائز منّا هو اللى يستطيع أن يفوز بالجنة، ودى طبعا عايزة مجاهدة نفس وحرب مع الشيطان ووساوسه . لاأريد أن أطيل عليك وسأتركك مع بعض آيات القرآن الكريم التى تداوى كل القلوب
قال تعالى
ادفع بالتى هى أحسن فاذا الذى بينك وبينه عداوة كأنه ولى حميم )قال تعالى
والكاظمين الغيظ والعافين عن الناس والله يحب المحسنين )الآيات معظمها بتحثنا على استبدال الاساءة بالحسنة والعفو طبعاو التماس الأعذار وكلها درجات فى الجنة التى هى بغيتنا وهدفنا فى هذه الدنيا .
ولك منى كل ود واحترام
ومعذرة على الطالة والتطفل
تسلم ايدك