اعتذر اخت شروق عن التاخير لكن والله لم ياخرني عتك الا الشديد القوي .. الوالده كانت تعبانه شوي الله يعافيها يا رب .
ّّ&&…. اخت غاليه بحاجه لدعواتكم الصادقه ….فهل من مجيب؟ &&
وبما اني انزل طبق حلويات اتمنى ينال اعجاب الاخت لبلبه وتخفف الحكم الي علي 
تفضلي يا ام بدر احلى صحن كنافه ..
انا عملت نص المقدار وسعت بجاط بايريكس زي اللي بالصوره .
راح اكتبلك المقادير اللي استخدمتها .. واتبعي كلامي بالنسبه للمقادير لاني نسيت حط كل شي بس صورت المقادير :
12 حبه خبز توست ابيض
1 كوب و3 ملاعق اكل زبده سايحه
نص كوب سميد
2 كوب حليب سائل
جبنة مزرولا
1 علبة قشطة
مستكة (اختياري)
ماء زهر ماء ورد
قطر (شيرة) مكون من 2 كوب سكر+ 1 وربع كوب ماء + 3-4 نقاط حامض .. وبس يبرد شوي ماء زهروماء ورد .
الطريقة
نطحن التوست بماكينه المولينكس او ما شابه حتى ينعم تماما ..
ثم نعجنو مع الزبدة المسيحة (اذا حسيتيها ناشفه لسه زيدي شوي زيت مازولا
ندهن الصينيه بالزبده منيح ..
نوزع التوست المطحون والزبده بالتساوي على كل الصينيه
بعدين بترصيها بايديكي منيح في الصينيه المدهونه .
بعدين نضع الجبنه المزرولا ,نوزعها عليها كلها بس ماتكثرو عند الحواف ,
بعدين بنجيب طنجرة ونضع السميد والحليب ونضعهم على النار واستمرو بلتحريك حتى يغلظ قوامه ثم نطفئ النار ونضيف القشطة والمستكه وماء الزهر وماء الورد .
بعدين بنصبها بتساوي فوق الصينيه الي فيها التوست والجبنه
ثم نضعها بالفرن (360) ويكون محمى من قبل ,تقريبا نصف ساعة حتى تحمر الحواف منيح .
بعدين طلعيها حفي حوافها بالسكينه
وقلبيها (اذا ماكانت محمره ننيح مش مشكله رجعيها عالفرن من فوق )
سامحيني ما قدرت اصور وانا بقلبها وبس قلبتها كان عندي وحده اخخخخ منها مدت ايدها عليها قبل ما اصورها لذلك صورت لك قطعه بس ..
بعدين سقيها بالقطر وزينيها بالفستق الحلبي المطحون
ان شاء الله تكون الصوره وضحت اختي وسامحيني لو في شي خطوه مش مصوره بتكون سقطت سهوا … واي شي تاني عيوني الك .. تدللي . بس هااااااااااااا
راح انتظر النتائج بفارغ الصبر ماشي .
لبلبه ما تقلقي محضرتلك حلو روعه بس اعطيني كم يوم بيكون حلاوه الاطمئنان على الوالده ان شاء الله .
صحتين وعافيه على قلوب الجميع
سامحوني ما بعرف ليه الصور طلعو كتير كبار .. حبيباتي المشرفات لو في مجال تتعدل الله يسعدكم عدلوها …
ما قلتلكم عقلي مش معي 
بس بليز عندي سؤال …..السميد الذي تستعمليه .من المحلات العربية او الكندية ..لان المحل العربي بعيد عني ويصادف انه مايكون عندي سميد …….
وان كان من الكندية اي نوع ……لاني اظن ان غالب الانواع مشتركة بامريكا وكندا ……..ومشكورة …
بالنسبه للسميد والله انا بجيب المونه تاعتي من المحلات العربيه لانه البلد اللي فيها مقطوعه .. لكن اعتقد في امريكا وكندا في المحلات الكبيره عندهم انواع جيده ..
تطوان اذا تستعملي السميد للبسبوسه معناها هو نفسه . يا ريت كان فيني ساعدك اكتر . بس السمد اللي بستعملو مش الناعم كتير بالي يسمي طحين فرخه لالالا السميد الخشن .. بكون مكتوب عليه سامولينا .. واذا من عند قسم الهنود اسمه سوجي . انا بس كنت بامريكا كنت اجيبه من tops ما بعرف اذا عندك ياه او لا لكن لو في قسم انترناشيونل جيبه كنت زمان استعمله ..
طولتها وهي قصيره بس بحب اشرح بالتفصيل الممل … 
الله يشفيها طهور ان شاء الله
تسلمي على هذه الاكله
الله يسعدك ويخليكي وما تشوفي شر يا رب .
وينك من عم اسمع نتائج الوصفات ؟؟؟ حتى لو لم تنجح لا سمح الله خبرينا حتى تضبظ نبقى وراها وراها .
تحياتي
وأنا مقدرة تعبك كثير…
والله ما كنا مستعجلين على الحلا .
المهم كنا نتطمن على الوالدة وسلامتها وبعدين هذي الأمور كلها
وأكرر شكري لك في زحمة نفسيتك وتطلعين لينا بهذا الإبداع ..الله يجزال كل خير.
يسلموا هالايدين يا قمر 
بس لو وحده من الصبايا تزبط الصور خلينا نعرف نتفرج منيح
صحتها اهم شئ ..
وثانيا الله يبارك فيك وجزاك الله خير
والظاهر انني عرفت ماهو سبب عدم نضج كنافتي من السطح يمكن كثرت طبقة السميد ياليت
تعلميني تقريبا قد ايش ارتفاعة او سمكة وجبنة موزريلا هي نفسها جبنة البيتزا ؟؟!
شاكرة والله يجزاك بالجنة ووالديك 