ازيكم يا أحلى أعضاء ومراقبيين ومشرفين
النهاردة أنا جايبالكوا معايا كيكه … لو عملتوها مرة .. مش هتبطلوا تعملوها … وعلى ضمانتي
الكيكه ديه من ساعة ماعملتها مابطلتش اعملها
على فكرة .. قبل ما يجيلي اي ضيوف لازم اعملها
ومش هقولكوا بقى بيبقى رد فعلهم ايه
واتفضلوا الطريقة 
3 كوب دقيق + باكو بيكنج بودر
3 ملعقه كبيرة كاكاو خام
1 كوب سمن
2 كوب سكر ويفضل تطحنيه
1 كوب لبن
5 بيضات + فانيليا
الطريقة :
أولا … يضرب السمن مع السكر جيدا الى ان يكون متجانس تماما
ثانيا … نضيف عليه الـ 5 بيضات + الفانيليا وكوب لبن ونستمر بالخفق برضه لحد مايتجانس
ثالثا … نضيف عليهم الدقيق وباكو البيكنج بودر ونستمر بالخفق
رابعا … بعد تجانس الخليط تماما هنضع نصفه في وعاء أخر … النصف اللى في وعاء الخفق هنضيف عليه الكاكاو ونخفق جيدا
خامسا … هنبطن الصنيه بالسمن والدقيق ونضع فيها خليط الكيك الأبيض والأسود كما موضح في الصورة
لحد ما يكمل وضع المقدار كله كما في الصورة التاليه
هندخلها الفرن في درجه حرارو متوسطة الى ان تنضج
وطبعا عارفين اننا بنختبرها بالسكينه
يللا … اعملوها بسرعه … مستنيين ايه … ماتنسوش .. تقولولي النتيجه
ديه الكيكه بعد ما خرجت من الفرن
ايه رأيكوا
بالهنا والشفا
وتسلم الايادى الجميلة
وتسلمى على الوصفة الرائعة
وبالهنا والعافية على قلوبكم يارب