لماذ انتكستِ — للشيخ هانى حلمى 2024.

السلام عليكم ورحمة الله وبركاته

المصدر هنا
(!!) لــماذا انتكستي ؟!! للشيخ هاني حلمي (!!) – مُنْتَدَى أَنَا مُسْلِمَةٌ

حينما تسأل :
<<هل تحرصين على الصلاة في أول الوقت ؟
<<هل تخشعين في صلاتك ؟
<< هل تأسفين على فوات أورادك؟
<< هل تحافظين على الضحى والقيام ؟
<< متى كانت آخر دمعة نزلت من عينيكِ من خشية الله ؟
<<ماذا حفظتِ من آيات خلال هذا الشهر بل خلال هذه السنة ؟
<< هل راجعتِ شيئاً من كتب التفسير؟
<< ما حالكِ في الأمر بالمعروف والنهي عن المنكر؟

لاكي

سئل حذيفة بن اليمان ..رضي الله عنه.. عن ميت الأحياء؟ قال:
هو في ظاهره حي ,لكنه في الواقع ميت القلب .فقال: الذي لا ينكر المنكر لا بيده ولابلسانه ولابقلبه .

لاكي

<<هل تتحمسين إلى هداية الخلق؟
لما الواحد مننا يحس إن حماسه بيفتر ,,
إن وهج الإيمان في قلبه بيخبو ,,
لما يكون الإيمان هو آخر الإهتمامات وأول المهملات !!
إذا كان هذه هو الحال.. فهذا خبر المنتكسين الذين أخلدوا إلى الأرض وهم لا يشعرون .
لاكي

يقول تعالى : " واتلُوا عَلَيهِم نَبَأَ الَّذِي آتَينَاهُ آياتِنَا فانسَلَخَ مِنها فأتبَعَهُ الشَّيطَانُ فكانَ مِنَ الغَاوين, وَلَو شِئْنا لَرَفعْنَاهُ بها ولكِنَّهُ أخلَدَ إلى الأرضِ واتَّبَعَ هَواهُ, فمثَلُهُ كمَثلِ الكَلبِ إن تحْمِلْ عَليه يَلهَثْ أوْ تَترُكهُ يَلهَثْ, ذلكَ مثلُ القومِ الَّذينَ كذَّبُوا بآياتنا فاقصُصِ القَصَصَ لَعلَّهُم يَتفَكَّرون "

لاكي

تعرفي قصة بلعام ؟
يقولون أن بلعام كان حبرا من أحبار بني اسرائيل تلقى العلم على يد نبي الله موسى ويذكرون أنه كان عالم من كبار العلماء, ثم كان أول من ألف كتاب أن ليس للعالم صانع . أي ليس له خالق !
لما الواحد وصل أنه كان مستجاب الدعوة وقالوا إنه يعرف اسم الله الأعظم وأن سيدنا موسى بعثه إلى قوم مدين ليدعوهم إلى التوحيد .فلما ذهب إليهم أغروه بالمال مقابل أن يترك دعوته
وعرضوا أن يزوجوه بأجمل النساء ,, فلمار أى بلعام بريق المال وجمال النساء سال لعابه !!
ففكر وقدر ثم فتل كيف قدر , ثم نظر ثم عبس وبسر .

فقال الله أم الشيطان؟
موسى أم لمال ؟
الدنيا أم الآخرة؟
وضل فهوى بعد أن اتبع الهدى ,

قال النبي ..صلى الله عليه وسلم .. :
" ما ذئبان ضاريان في حظيرة يأكلان ويفسدان بأضر فيها من حب الشرف وحب المال في دين المرء المسلم"

لاكي

هو إيه اللي حصل لبلعام اللي كان عالم؟
الأخت اللي ذاقت حلاوة الإيمان ,
اللي استشعرت يعني إيه طريق الهدى!!
اللي ربنا أكرمها بطريق الإستقامة !!
وليه بعد ما كان عندها نشاط ليه فترت وليه انتكست ؟

لاكي لاكي دنيا دخلت القلب لاكيلاكي

"واتلُوا عَلَيهِم نَبَأَ الذي آتينَاهُ آياتِنا " : بعد ماعرفتِ وفهمتِ الطريق ,, كنتِ عارفة الطريق كويس !!
كنتِ عارفة إيه اللي يقربك من ربنا !!

" فانسَلَخَ مَنها" : وصل إنه أصبح الإيمان في جهة وهي في جهة تانية!!

"فأتبَعَهُ الشَّيطَان " : أول ما قلبه انحرف!!
أول ما إنتِ آثرتِ هواكِ على ربك.. الشيطان جرى وراكِ ,بقى يسعى ليك!!
"فكَانَ مِنَ الغَاوين" : من الهالكين .

"ولَو شِئنا لرفعناهُ بها ولكنَّهُ أخلَدَ إلى الأرض " :
أي الإيمان كان بيقربك أوي من ربنا .
كنتِ بترتقي , ليه آثرتِ النزول؟
نزلتِ لما عينك جت على الأرض ,لما آثرتِ الدنيا الزائلة!!

" واتبَعَ هَوَاهُ " : بقى مزاجه هو اللي يحركه , بقى اللي يجي في دماغك .مش مهم حلال حرام المهم نعيش!!

" هو أنا هعيش طول الوقت ضد المجتمع ؟؟
أنا بلاقي ضغوط شديدة أهلي من ناحية والمجتمع من ناحية !!
كل شيء حولي بيقول لي : ابعدي!!
وأنا مش قادرة على الضغوط دي !
أنا كان ليا ماضي وكان ليا رواسب!!
أنا بتشد ليها ! "
لاكي

ربنا مثِّل حال المنتكس بمثال صعب أوي ..
قال " فمثلهُ كمَثلِ الكَلب .. " :
ابن القيم بيقول :
" إن ربنا شبه من تعلم وترك العمل وآثر هواه وآثر سخط ربه على رضاه وآثر الدنيا على آخراه .شبهه بهذا الكلب الذي لا يقف إلا على القذر .
يقول : إن في تشبيه المنتكس بالكلب سر بديع .
وذلك أن هذا الذي حاله مما ذكره الله من انسلاخه من آياته واتباعه لهواه ,إنما كان لشدة لهفه على الدنيا .. " .

لاكي

هذا أول سبب..
دوّري على الدنيا في قلبك!!
شوفي الدنيا قد إيه في قلبك تعرفي أنت بجد ع الطريق ولا منتكسة؟
منتكسة انتكاسة معنوية : يعني جواك واقع خالص القلب خربان وإن كان الظاهر الحال ماشي !!
ولا منتكسة انتكاسة حقيقية : بقى فيه تضييع للصلوات والأوراد ؟!!

عارفة كل ده من إيه ؟
.. اللهث وراء الدنيا ..

القلب انقطع عن الله . وعن الدار الآخرة وصار يلهث وراء حطام الدنيا !!
الدنيا في قلبك عاملة إزاي؟
خلونا نقول الأسباب ,, مش هنقول الأسباب كلها في جلسة واحدة ..

أول سبب الإخلاد إلى الأرض :
.. الرسول ..صلى الله عليه وسلم .. يقول :
" تعس عبد الدينار تعس عبد الدرهم تعس عبد القطيفة تعس عبد الخميصة , إن أعطي رضي وإن لم يُعطَى لم يرضى "
هو ده عابد الدنيا ..
الفلوس.. المظاهر ,,
إن بيتك يبقى بالشكل الفلاني ,
إن يبقى معاك فلوس شهريا تجيبي متطلباتك كلها ,,
إن ده شغلك الشاغل ,
لو الحاجات دي ما جتش ماتقدريش تعيشي!!
إن لم تحصلي على ذلك تبدأي تتسخطي وإن حصلتي تبدأي بعدها تفكري في التزامك !!

لاكي

رقم واحد بيجي ع بالك إيه ؟
بتفكري وإنتي سرحانه في ايه ؟
ياترى بتيجي على بالك الجنة؟
ولا زوجي وخطيبي والعقد والفرح ومشاكل البيت ووو
فين ربنا في قلبك؟
القلب ده هيطلع أي مظاهر من مظاهر الإلتزام إزاي؟
ربنا سبحانه .يقول :
"ذرهم يأكلوا ويتمتعوا " خذي الدنيا ..
"ويلههُمُ الأمل " نقول خوذي قرار ..اعملي حاجة ..
تبدأي تقولي .ايوه .. هعمل بس لما انتهي من الدراسة ..
بس لما اتخطب
بس .. بس … " ويلههم الأمل " ..
وأملك طويل عريض والشيطان بيلعب بيكِ و إنتي لا تدري !!

لاكي

قدم ابن عم محمد بن واسع عليه فقال له :
من أين أقبلت ؟ قال : من طلب الدنيا ..
فقال له : هل أدركتها ؟ قال : لا .
قال محمد : ياسبحان الله .. أنت تطلب شيئاً ولم تدركه فكيف تدرك شيئاً لم تطلبه ..

لاكي

اسألي نفسك بمنتهى الصراحة ..
بلاش نعيش الوهم ونحاول نقول إحنا مش كده ..
إحنا أحسن من كده بكثير ..

طب ماشي قوليلي : الدنيا لا تساوي عندك شيء ؟
خــــــــــــــالص؟ ؟؟

يعني الدنيا تحت قدميكِ ولا الدنيا موجودة وإنتي تحاولي تقولي بس أنا بحاول اعمل حاجات كثيرة أنا مش سابية وردي أنا بصوم وبصلي ..
يعني أنتَ مش عاوزني أعمل ولاحاجة في الدنيا ؟
لا أنا مش بقول كده !!

بس عاوز أعرف هو رقم واحد عندك إيه ؟

ربنا ولا الدنيا ؟
ده سؤال بينك وبين ربنا ..أنا مش محتاج أكثر من الصدق عشان نقدر نتغير..

وإنت شايفة نفسك من كم شهر برمضان كنت إزاي والنهاردة إزاي ؟
واحنا منعرفش متى هيختم لنا ونحن فايقين " نحسن الظن بالله ونقول يارب" ولاهيبقى فترات الغفلة والفتور هي الأكثر..
ومن عاش على شيء مات عليه.
عشان كده بقول طلعي المعنى ده بجد من داخلك
إنتي عايشة لإيه بجد ؟
أول سبب " حب الدنيا الدفين "
وهناخذ واجب للتخلص منه :
1.ندعي في كل سجدة:
يارب طهر قلبي من حب الدنيا. يارب اجعلها في أيدينا ولا تجعلها في قلوبنا .
الدنيا ملعونة ملعون ما فيها إلا ذكر الله وما ولاه وعالم أو متعلم .
إلا أن يبقى ليكِ حال مع ربنا ,حال من عبادة وذكر وصحبة صالحة وطلب علم
لو كده خذنا حظنا من الدنيا اللي ربنا يرضى بيه ..
" ولاتنسى نصيبك من الدنيا " قيل نصيب المؤمن من الدنيا : العلم والعمل.
مش نصيبه متاع زائل!!
ياجماعة الدنيا تبقى في ايدينا نتحكم فيها كيف ما نشاء مش تكون في قلبنا !

2. املأي قلبكِ بحب الله وذكره.
كل متاع يزيد من متاع الدنيا ينقص من الآخرة ..

لاكي

ذكر الشيخ حفظه الله أنه سيتطرق لباقي الأسباب في جلسة أخرى ولكني لم أجد المحاضرة الثانية بعد !!

نسأل الله أن يطهر قلوبنا من حي الدنيا وأن يرزقنا الثبات حتى الممات ..
اللهم اجعلنا ممن أراد الآخرة وسعة لها سعيها ياارب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.