السلام عليكم ورحمه الله وبركاته
انا احضرت معي طبق سهل والجميع بعرف يعمله وانا بعمله بسرعه وما بوخد وقت خاصه لما اكون خارج البيت ومستعجله وما كنت محضره شئ للغداء
المقادير
معكرونه
صدور دجاج مقطعه مربعات ومبهره
بصل وفص ثومه
رب البندوره وصلصه المعكرونه
بهارات ايطاليه
خصار مجمده انا ما حطيتها داخل المعكرونه لانه ابني مش من انصار الخضار
انا بعملها علي عين الغاز لانها اسرع وما بتوخد وقت
الطريقه
اول شئ بحط شويت زيت زيتون علي النار ولما يبلش يحمي بحط فص الثوم حتي الزيت يوخد النكهه وبعدين بضيف الدجاج
بعدين بصيف البصل وبهارات اليطاليه حتي تنزل ماء الدجاج كلها وهو اذا حابي تضيفي الخضار المجمده انا ما ضيفتها انا سلقتها شوي لوحدها وقدمتها كصحن جانبي
بعدين بضيف الرب البندوره والصلصه وشويت ماء وبغطي الصينيه شوي حتي تتسبك مع بعض
بالنسبه للمعكرونه انا ما بسلقها انا بقطعها قطع صغيره وبنقعها بماء مغلي شوي مع شويت زيت وملح حتي تنزل النشا منها شوي وبضيفها علي الصينيه وهي بعدها قاسيه
وبحركها وبخليها تستوي مع الدجاج
لما تستوي انا بضيف لحمه مفرومه محيوسه ببصل وبهارات علي وجه الصينيه وبحط عليها شويت جبنه مبروشه وبحمرها
طبعا لاززززززززم تقدم معها خبز بالثوم وهو بنعمل بخبز الفرنسي او الصمون انا ما كان عندي منهم
استخدمت الخبز العادي وعملته مثل العرايس بس عرايس ثوم
بخلط البقدونس مفروم ناعم مع جبنه مبروشه وزيت قلي وثوم مفروم ناعم وبفردهم داخل الخبز وبمسح وجه الخبزه شوي بزيت وبحمرهم
وطبعا تقدم مع السلطه وانا سلقت شويت خضار وقدم كصحن جانبي
الطبق ما بوخد وقت واقل من نصف ساعه بكون جاهز
طبعا بنفع للرجيم اكيد
خلص محجوز الطبق الي
تسلم ايدك اماني شكله بشهي
وتسلم الايادى والافكار الجميلة
والف هنا وعافية على قلوبكم يارب
يسلمو ايديك
واكيد لانه من تحت ايدك طالع روعة
