ده اول موضوع ليا فى المنتدى انا مشتركة من زمااااااااان بس مكنتش بشارك بس اول ما بداء اسبوع مصر قلت لازم اشارك زى الاستفتاء على الدستور عندنا كده لازم نشارك ههههههههههه
عموما انا مش حطول عليكم اولا المقادير كلها بالمج الزجاج الساده اكيد عارفينه هو تقريبا ربع كيلو الا شويه صغننين
المقادير
2.5 مج دقيق سميد متوسط الخشونه
نص مج سكر عادى
نصف مج سمن
نصف مج لبن او ماء او الاثنين
نصف مج جوز هند انا بحط 3/4
نصف باكو بودر
فانيليا
ذرة ملح
ربع كوب عسل نحل او 3 معالق كبااااااار او ممكن شربات بس يكون تقيل جدا فى سمك العسل النحل كده
الشربات (كوب ماء + كوب سكر +فانيليا +نصف ليمونه لمدة 7 دقايق على النار ولازم يكون سخن جداااااااااا لما يتحط على البسبوسة )
الطريقه
حنحط كل المواد الجافة على بعضها ونقلب كويس وبعدين نحط السمن ونقلب كويس جداااااااااااااااااااااا
وبعدين نضيف العسل ونقلب كويس جداااااااااااااااااا
وبعدين نضيف اللبن ونقلب تقليبتين خفاف منكترش
ندهن الصنية معلقة سمن على طحينه ونحط العجينه ونقطعها ونسبها تخمر ربع ساعه وبعدين ندخلها الفرن وبعد كده نطلعا سخنه ونحط الشربات سخن جدا عليها ونحطها بعد كده 5 دقايق فى الفرن وبعدين نسبها تبرد ونقطعها بالهنا والشفا
ندخل على الصور
شكلها يهبل
الله يعطيكي العافيه
وتحيا مصر
واهلا وسهلا بك دائما
تصرفي
يعطيك العافيه
الله شكلها تفتح النفس ارسلي طبق انا في السعوديه هههههههههههههههههههه