و شكرا مقدما
انا لسه عاملاه انهارده
اهم حاجة تنضفيه وبعدين قطعيه حلقات
وقطعى بصل وشوحى البصل فى الزيت وبعدين معاه توم تقليب خفيف وبعدين حطى الكلمارى
وبرضه قلبى تقليبيتن وبعدين ضيفى الخضار اللى تحبيه " كوسة مقطعه و بطاطس شرياح فلفل اخضر
وبرضه مجرد تقليبتين
وحطى طماطم مقطعه شرايح والملح و التوابل ملح وكمون وزنجبيل
واقلبيهم فى صينية غطيه بالفويل ودخليها الفرن
مش بيحتاج ميه لانه بينزل ميه وكمان الخضار ممكن تضيفيى صلصة طماطم لو تحبيه مسبك
انا حقولك الطريقة اللي بعملها من اسكندرية
انتي تنظفي الكاليماري كويس وعلسان الزفارة حطيه عليه دقيق وليمون وافركية جيدا ثم اشطفيه
تجيبي رز مصري وتسويه نصف تسويه
ثم تجيبي بصل علي حسب الكمية اللي عندك وتقطعيه صغير وتشويحه في شوية زيت
وتحطي عليه 3 او 4 فصوص توم مدقوق مع قرن فلفل
تجيبي طماطم مقطعة صغير بس تكون كتير شوية وتحطيها عليهم ومعاهم قرن فلفل حراق لو تحبي
وطبعا الاساسي هي الخضرة يعني بقدونس وكسبرة وكرفس مقطع صغير برده
كل ده علي النار وبعدين حطي كمون وملح وفلفل اسود وشطة وضعي عليه الرز النصف تسويه وقلبيه قليلا ثم طفي وابدأي بحشو الكاليماري بس مش علي اخرها علشان الرز
وضعيهم في صينية واضربي كام طماطماية في الخلاط وبهريهم بملح وفلفل وحطيهم عليهم ودخليهم الفرن
وادعيلي انا وبنتي
والله حيعجبك ومش حتلاقي لا زفارة ولا حاجة وبالهنا
وقوليلي رأيك
رابط ام رورر فيها وصفات كانت ابحث عنها
فلقيتها سبقتني بالخير