كيفكم يا حلوين…اليوم هقدملكم وصفة رااااااائعة للكوسة غير الكوسا المطبوخة واللي بلبن واللي بالبشاميل…..وصفة بسيطة و وسهلة والطعم غير للكوسة عن كل مرة….الوصفة دي خدتها من كتاب معروف عالنت اسمه اطباق النخبة فالشكر لصاحبة الكتاب…جزاها الله خير
نبتدي بصورة للطبق في شكله النهائي
المقادير
كوسة كبيرة مقطعة بالطول ثم بالعرض يعني كل حبة تعطينا 4 قطع…تحفر من الداخل بالمقوار او بالسكين وتسلق يادوب عشر دقايق في مياة وملح ونشيلها
بصلتين كبار مفرومين ومشوحين في السمن لحد مايذبلوا
حوالي نص كيلو فراخ مقطعة صغير متل الشاورما….وعليها بصلتين مفرومين وقرن فلفل عشان نعملها زي العصاج
علبة قشطة نستلة—–جبنة موزاريلا مبشورة
جزر مبشور-كسبرة خضرة مفرومة-ملح-بهارات
جزر مبشور-كسبرة خضرة مفرومة-ملح-بهارات
الطريقة
يشوح البصلتين المكتوبين في المقادير ويتحطوا في صينية بايركس لتبطين الصينية
نسلق الكوسة واللب الباقي كمان منرميهوش هنحتاجه
بالنسبة للفراخ دي التتبيلة بتعتها(بصلتين مفرومين وقرن فلفل وملح وبهار وعصير لمونتين وفصين توم مفرومين)
نحط الدجاج عليها ونحطها عالنار تستوي منها فيها
وده شكلها بعد النضج (الحشو ده طبعا يكون ممتاز للفطاير وخلافه)
وده شكل المقادير بعد ماسلقنا الكوسة وعملنا الفراخ
نضيف الجزر المبشور والكسبرة المفرومة ولب الكوسة المسلوق للدجاج ونخلط مع بعض كويس
نحشي انصاف الكوسة بالشكل ده
دلوءت نجيب علبة القشطة ونضيفلها شوية بهارات وملح خفيف و حوالي ربع كوب لبن عشان يخفف تقلها شوية ونقلبهم ونضيفهم عالكوسة المحشية….ونرش الجبنة الموزاريلا عالوش
ومبتاخدش حاجة في الفرن لانه كله مستوي يا دوب ربع ساعة الوش يحمر
و ده المنظر النهائي…فعلا كانت رائعة و مميزة جدا…وتشرف في العزومات
******************************************
الوصفة التانية معروفة لاغلبكم…..هي الفاصوليا البيضة…بس احنا بنعملها من غير سلق…..لان اعرف ناس بتنقعها ساعتين وتسلقها نص سلق وبعدين تحطها عالصلصة لكن احنا بننقعها يوم كامل وبعدين نحطها عالصلصة المتسبكة ونضيف المرق عليها ونسيبها ساعة او ساعة ونص وتكون استوت…….جربوها هتطلع احسن من المسلوقة وماسكة نفسها وجميلة
نجيب بصلة مفرومة ونحط عليها الطماطم ني في ني يعني من غير مانقلي الزيت عشان تكون اخف واطعم…نسيب الطماطم تنشف عالنار لوحدها
نضيف المرق ونسيبها على نار متوسطة مدة ساعة او ساعة ونص لحد ماتستوي
وهنا خلاص بعد مااستوت ………يارب تكون عجبتكم
لا تنسوني من دعاكم يا حلوووووووووين
شكلها يجنن
أكيد هجربها إن شاء الله
كـــــــــــوســـــــــــة
حد قــــــــال كوسة
جميلة جدا جدا جدا
رااااااااااائعة
تسلم الأيادى يا قمر
وكمان الفاصوليا البيضاء
أحبها جدا كمان
أنا بقى هألطش الصينية كلها
وكمان الفاصوليا
تسلم الأيادى
تسلمي يارب
وصفه جنان وشكلها من اديكي تجنن
جميلة قوي الكوسة دي انا بموت في الكوسة وبحس انها مفيييييدة جدا بالرغم من ان واحنا صغيرين ما كناش بناكلها
النهاردة احتفلت وكان عندي مهرجان كوسة عملت بيه كوسة بالبشاميل ومحشي كوسة باللحمة المفرومة
وهاحلي اهو باشيك واجمل طبق كوسة شفته في حياتي
ماشاء الله فعلا خفيف ولذيذ ومفيد وشيك في العزمات
اما الفاصوليا البيضا بقى حدث ولا حرج انتي عارفة من كتر ما بحبها باكلها حاااااااااااااف
بس انا بنقعها الاول ييجي 5 ساعات وابدل المية كل شوية زي ما الشيف اسامة كان بيقول عشان تخرج الغازات اللي جوا وتبقى اخف على القولون وبسلقها على جنب لحد اما تبقى نص سوا
وبعد كدة بضيفها للمرق
تسلك ايدك يا حبيبتي وبالهنا والشفا
وتسلم الايادى الجميلة يارب
وبالصحة والعافية على قلوبكم يارب