كيفكم انشاء الله بخير
اليوم جبتلكم طريقة الفول وطريقة متبل الباذنجان الفلسطيني وانشاء الله بتجربوهم وبيعجبوكي بس بشرط بعد التجربة بتبعتولي كيف الطعم عجبكوا و لا لأ
أولا :: متبل الباذنجان
المقادير ::
الباذنجان 2 حبة كبيرة
راس ثوم
فلفل
ملح
عصير رمان
طحينة
للزينة ::
شرائح بندورة
فلفل رومي
زيتون
حبات الرمان
طريقة العمل ::
أول ايشي بنشوي البتنجان اما بالفرن او على الحطب (على الكانون) وطبعا طعمو على الكانون أزكى بكتييييير وبنشوي معو بندورة وبصل
بعد ما نشوي البتنجان بنقشروا وقبل هيك طبعا بنكون دقينا الفلفل الأسود والثوم في الزبدية وبنحط فوقهم البتنجان وبندقو منيح في الزبدية مع الفلفل والثوم وبعدين بنحط الطحينةوعصير الرمان وبنخربطو وبعدين بنحطو بصحن التقديم او زبدية للتقديم وبنزينو بشرائح البندورة والفلفل الرومي (أي لون ) لكن يفضل الاخضر واليتون وحبات الرمان .
وصحتين وعافية ….
____________________
ثانيا :: طريقة الفول
الطريقة ::
ننقع كباية فول حب
و2 كوب فول مجروش حتى تاني يوم الصبح
بعدين بنصغي المية وبناخد الفول الحب والمجروش وبنحطهم في طنجرةعلى النار ولما يستوي ناخد منو ونحطو في طنجرة تانية أو زبدية ونهرسو وبنحط عليه شوية مية حسب الحاجة وبنحطو تاني على النار عشان يغلي شوي وبعدين بنزلو عن النار وبنكون بهادا الوقت حضرنا الدقة الي راح تنحط على وجه الفول وهو في الزبدية او صحن التقديم
وهاي الدقة مكنونة من ::: فلفل حسب الرغبة وملح وليمون
وعلى الوجه طبعا زيت زيتون
صحتييييييييييين وهنا
اكيد المطبخ الفلسطيني فيه اكلات كتير زاكيه
مشكوره على الوصفه هاي ام مالك بدها اياها الوصفه
كتبت بواسطة ام ادم 007 
اكيد المطبخ الفلسطيني فيه اكلات كتير زاكيه
مشكوره على الوصفه هاي ام مالك بدها اياها الوصفه
وايديكي يارب ام آدم المطبخ الفلسطيني ما في الز منو
ياريت كل الي يدخلو الموضوع يجربوا الأكلات
انا بعرف انو ام مالك بدها متبل البتنجان وعشان هيك نزلتو الها والفول بدها اياه أريج الشام
كتبت بواسطة ام بـدوري. يسلمو على ردك الحلو ويخليكي كمان يارب
ويعطيج العافية انتي كمان
يمي يمي على هالفول ما أزكاااااه..
بيكفي انها أكلة من بلادي
يسلموووو ايديك و يخليلك امك يارب
يسلمو يسلمو
الفول بعرفه ومجربينه
بس بصراحه الباتنجان لالا طريقه جديده احنا مابنحط له بندوره مشويه ولا دبس الرمان
يسلمو ايديكِ ياعسوله
جربيه مع بندورة بس لو يكونوا مشويين على الحطب في الكانون ألز بكتييييييييير