البصاره على الطريقه المصريه من مطبخى وبالصور 2024.

جوزى فكلانى بيها انهارده
وعملتها
تعالوا نشوفها مع بعض

ربع كيلو فول مدشوش

2 حزمه بقدونس

2 حزمه كسبره

بصلايه

3 ملاعق ثوم

ملح وفلفل وشطه

زيت

للتقليه

حوالى بصلتين مقطعين جوانح ونحملاهم

حتى الحصول على لون ذهبى مش محروق

هنحط الفول مع الخضره والبصلايه والتوم
ونحط عليه ماء بدرجه انه يغطى المكونات ويرفع على النار
حتى لمده نصف ساعه او حتى يستوى الفول

فى الوقت ده بنحط فى طاسه تانيه الزيت مع البصل ونحمره كويس حتى الحصول على بصل مقرمش مش محروق

بعد كده بيكون المكونات استوت نضربها كويس مع بعضها فى الخلاط

ثم نرفعها تانى على النار ونضيف التوابل ونصف كميه التقليه بالزيت بتاعها

تترك شويه على النار حتر تتماسك
ثم تغرق فى الاطباق وتجمل بالبصل المحمر

وده شكلها فى الطبق

وده صورة اقرب

يا رب يا بنات تجربوها وتعجبكم
وعلى فكره الكميه ده بتدى حوالى 3 اطباق من الحجم الى انا عملاه

وعلى فكره هى بتتاكل مش سخنه كل ما بردت كانت اطعم واحسن