وحشتووووووني جدااا يا بنات ..كل سنه وأنتم طيبين وعيد طيب عليكم يارب..
رمضان ده سبحان الله أنا كنت محضره أكتر من حاجه لكن الظروف مسمحتش بأني أشارك بأي حاجه منهم والحمد لله..
لكن من فتره وأنا عماله أقول هنزل السابليه علشان خاطر عيون نوران اللي بجد تستاهل كل خير ..ومعلش يا نوننه عندي المره دي ..أنا عارفه أني أتأخرت مووت ..
علي فكره يا بنات السابليه من أحلي الوصفات بجد اللي ممكن تكون فتقديمك لضيوفك فالعيد الصنف لذيذ جداا الحقيقه وسهل فالشغل وشيك فالتقديم والطعم فعلا يستاهل أنك تجربيه وعلي ضمانتي والمقادير مفيش أبسط من كده..
المقادير:
4كوب دقيق ناقص 2 ملعقه
1ونص كوب سمن
1كوب سكر مطحون
2بيضه+فانيليا
نص معلقه صغيره بيكنج بودر
2 ملعقه نشا
لو حابه تضيفي كاكاو يبقي هتشيلي 2 م دقيق وتحطي مكانهم الكاكاو
للحشو والتزيين شيكولاته ومربي ومكسرات
الطريقه:
-أضربي السمن مع السكر بالمضرب لحد ما يبقي زي القشطه ولونه يفتح والسكر يختفي خالص
-ضيفي البيض والفانيليا وبعدين الدقيق والبودر وقلبي لحد ما تكون عندك عجينه متجانسه
-أفردي العجين لسمك مناسب بين طبقتين بلاستيك بالنشابه"سهل جدا فالفرد" وبعدين شيلي الطبقه اللي فوق وقطعي بالقطاعات وقسمي الوحدات نصها سليم ونصها أعمليله دايره مفرغه من النص علشان شكل التقديم
-أنقلي بحرص جدا للصاج وأخبزي علي فرن متوسط الحراره.
معلش يا نوننه الصوره لطشتها من الموضوع القديم أصلي لسه والله ما حطيت عليه حاجه وأصلا ملخومه ولسه معملتش حاجه غيره وشويه بتي فور وكان الله بالسر عليم…
كل سنه وأنتي طيبه والسنه الجايه يارب أشوف أحلي شغل عالعيد من بيتك أن شاء الله..
وكل سنه وأنتم طيبين يا بنات وعيد سعيد عليكم…
وأبقوا أفتكروني بدعوه صافيه في الأيام الفضيله دي…
حبيبتي تسلم الايادي والرشح كمان وافي ماشاء الله عليكي
حبيبتي تسلميلي يارب ومتحرمش منك ابداااااااا ابدااااااااا
ويارب يطمن قلبك ويرزقك كل شيئ بتتمنيه
ايه الجمال ده يا استيل
ماشاءالله شكله جميل جدا والتزويق جنان
تسلم الايادى وربنا يكرمك يارب بالذريه الصالحه فى الايام الفضيله
وكل سنه وانتى طيبه
وتسلم الايادى الجميلة
وتسلمى على وصفة السابلية الجميلة
وبالهنا والعافية على قلوبكم يارب
وكل عام وانتى باالف خير وبركة
وحشتينا ووحشتنا وصفاتك الحلوة
كل عام وانت بألف خير
ربنا يرزقك الذرية الصالحة يارب.
تسلمولي يارب ومتحرمش منكم أبدا ولا من ردودكم الحلوه دايما وكل سنه وأنتم طيبين
شكله جنان