كل عام وانتم بخير تقبل الله طاعاتكم
حبيت شارككم بشوية برازق وغريبة عملتهم اليوم بس اعذروني كاميرتي ضاعت وما لقيتها اضطريت صور بالموبايل بس في خطوات ضاعت صورها بس لا تخافو كلو سهل وواضح
العجينة وحدة منعمل منها البرازق والغريبة في ناس بتحب تضيف شوية مي او حليب على عجينة البرازق بس بالنسبة الي اجتني منيحة ومو بحاجة مي
نبدأ المقادير انتي كبري المقادير بحسب حاجتك
كوب زبدة او سمنة سايحة انا حطيت نص بنص
كوبين طحين وممكن تزيطيهم شوي حسب العجينة
كوب سكر بودرة
ملعقة بيكنغ باودر
للبرازق منضيف كوب سمسم وشوية فستق حلبي مفروم بالسكين حسب الرغبة للتزيين
للغريبة منصيف فستق حلبي صحيح وممكن لوز
الطريقة
نسييح الزبدة والسمنة على نار خفيفة ما بدنا ياها تغلي او تسخن بس تسيح
نحطها بالعجانة او باليد مع السكر ونعجن حتى يدوب السكر وبعدها منضيف البيكنغ باودر الطحين بالتدريج ومنفرك برؤوس الاصابع او منخلي العجانة على خفيف تدور لحتى كل المقادير تختلط تماما
هيك العجينة بتكون جاهزة خليها ترتاح بالبراد شوي او بمكان بارد
وبعدها اشتغلي فيها
بالنسبة للغريبة انا كورتها كور صغيرة وحكيت عليها فستقة بالنص ولما خلص الفستق كملت باللوز
صفيهم بالصينية ودخليهم الفرن على حرارة 150 بس خليكي قريبة منهم بس ينشفو طلعيهم بياخدو عشر دقايق تقريبا حسب فرنك انتبهي لا ترفعيهم اتركيهم يبردو شوي بعدين ارفعيهم بالملعقة المسطحة على صينية ليبردو تماما واحفظيهم بعلبة محكمة الإغلاق
الغريبات لما طلعو من الفرن معلش باقي الصور ما طلعت زابطة بس هي معبرة
والبرازق بتكوري كرة بالعجين وبتغمسيها من طرف بالفستق المفروم وبراحة ايدك اتقليها على صحن السمسم واضغطي عليها لتصير مبسوطة وصفيهم بالصينية واشويهم بالفرن ليتحمرو شوي حوالي 15 دقيقة وارفعيهم بس ما تشيليهم من الصينية قبل ما يبردو شوي
اليكم الصور اتمنى تعجبكم الوصفة
هي صورة العائلة السعيدة لما التم الشمل
وهي عن قرب
على فكرة كتير هشين وطيبين
وكل عام وانتم بخير
طالعين معك كتير روعة
كل سنة وانتي بالف خير يارب
كثير بتشهي شكلها
تسلم ايديكى وعيونك
طالعين من ايديكى بيشهو وفكرة البرازق من الغريبة جديدة ومبتكرة
حفظتها للتطبيق وصحتين وعوافى
روعة والله
بالف صحة وهنا
وكل عام وانتى بخير
والطريقة سهلة
صحة وهنا
كتبت بواسطة omroro-4 
وأنت بخير الله يسلمك يارب
كتبت بواسطة مجد الاقصى طالعين معك كتير روعة
كل سنة وانتي بالف خير يارب
حبيبة قلبي مرورك الاروع وعطر موضوعي كل عام وانتي بخير
كتبت بواسطة MUM كثير بتشهي شكلها
تسلميلي يا حبيبتي اتفضلي لعندي ودوقيهم 
ان شالله بتقومي بالسلامة يارب
كتبت بواسطة غزاوية شاطرة تسلم ايديكى وعيونك
طالعين من ايديكى بيشهو وفكرة البرازق من الغريبة جديدة ومبتكرة
حفظتها للتطبيق وصحتين وعوافى
بارك الله فيكي يارب تطبقيهم ويعجبوكي تسلميلي يا غالية
هوه عادة من قديم الزمان بالمخابز تبع الحلويات بيعملو عجينة وحدة للبرازق والغريبة بس مع التطور طوروا الطرق هههههه
كتبت بواسطة أحلى بيرو روعة والله
بالف صحة وهنا
وكل عام وانتى بخير
يسلملي قلبك انت وان شالله كل سنة وانت سالمة
كتبت بواسطة pretty_angel والطريقة سهلة
صحة وهنا
الله يسلمك ويبارك فيكي ويقيمك بالسلامة يارب
رووووعه يا مروه يسلموا ايديكي والف صحه علي قلبكم
وكل عام وانت بالف خير