مين قدمت امتحان التوفل تحكيلي بشكل عام عن كل شي
كيف كان الامتحان سهل صعب ولا مقدور عليه
كيف السماعي كان
هل بيطلبوا تكتبوا موضوع
ساعدوني بنات بلييييييييييز لانه رح قدم امتحان في 18 الشهر
ومصيري يعني اذا ما باخده رح اضطر استنى لشهر 9
بتذكر أنك لازم تاخذي معك باسبور أو ما يدل على شخصيتك.
الامتحان المفروض تكوني درستي عنه إما بكورس أو ممكن تجيبي الكورس كامل من المكتبة وتعمليه بالبيت قبل الامتحان، رح يكون مشابه جداً للامتحان، فيه أشرطة وكتب.
الأسئلة كانت اختيارية وبعضها أسئلة على قطعة، لكن موضوع لا ما كان فيه..
وأسئلة بتجاوبيها عن طريق الاستماع إلى شريط.
كما أنه لازم تمشي مع الوقت المتاح لكل سؤال، وإلا بتتأخري عن غيرك وبتضيعي وقت.. خاصة لما تكوني ماشية مع المسجل، يعني لما تقلبي صفحة لا يحق لك إنك ترجعي لها.
هذا كان أيامي، الآن احتمال يكونوا غيروا النظام
بالتوفيق عزيزتي.. على فكرة، كان الامتحان حوالي 3 ساعات.
ومدة الامتحان 4 ساعات
وانا شريت كتاب لكن اليوم لقيت في سايت امتحانات متل امتحاناتهم
المشكلة انه انا بفهم عليهم متير لكن لاني ما بستعمل اللغة خايفة اتلبك وما اجاوب
والامتحان للاسف في مقال يعني هلا على اعصابي
حسستيني إني تيته يا أم زيد
أنا عملت التوفل 1996، ما كان عالكمبيوتر وقتها ولا كان فيه مقال.. بس عاملة امتحانSAT بمقال و بدي طمنك إنه مافي داعي للقلق إن شاءالله. الموضوع بكون دايما بسيط، أهم شي تلتزمي بعدد الأسطر(أو الكلمات المطلوب)، و تناسق الtenses..
بتذكر إن إمتحان التوفل ما كان صعب.. يمكن أكتر شي بيتطلب تركيز و سرعة هو قسم الاستماع، فبنصحك تركزي تمرينك عليه..
بالتوفبق إن شاءالله..
اسهل شيء هو الاستماع والقرائه زبطي فيهم برفعو النتيجه لانو موضوع الكتابه درجتو منفصله عن النتيجه الي بتاخيها بعد ماتخلصي الامتحان على طول
نتيجه الكتابه بتوصلك بعد اسبوعين