ذكرياتى مع حله العدس 2024.

بسم الله الرحمن الرحيم

كنت راجع من الشغل تعبان , وكان معاانا فى الشغل شيف سابق إشتغل كتير فى العديد من الفنادق والقرى لحد ما جه معانا فى الشغل بتاعنا واللى ملوش أى علاقه بشغله القديم , وكنت أنا وهو مطلوب مننا نعمل حاجه فى أخر المكان اللى كنا فيه , وإتأخرنا على موعد العشاء الجماعى , ورجعنا لاقينا كالمتوقع الأكل تم نسفه من الجميع , فـطلبت منه يعملنا أكلنا وكان فيه معلبات كتير معانا وأكياس رز ومكرونه حاجات كده يعنى , المهم سألنى السؤال اللى كل يوم بنتسأله وكل يوم مالوش إجابه , وقاالى تحب تأكل إيه ….. قولتله أى حاجه مش هاتفرق بس نأكل …
قالى إيه رأيك نعمل أكله بس هأتتأخر شويه وهأتفكرك بمصر , قولتله إيه ..

قالى حله عدس …وافقت على الفور وقولت فرصه أتعلم منك طريقه صنعها وكانت أول أكله أتعلمها وعلى إيد شيف محترف كانت حله العدس بالشعريه , وكان كل شىء ماشى تمام التمام لحد ما التلفيون رن والأستاذ رد عليه فكانت زوجته فاقالى ثوانى وراجع خد بالك , , وطولت مكالمته , أخوكم بقى إتفذلك وإتفلسف وقال يكملها إلى أن يعود وما إن عاد حتى وجد ما لاتحمد عقباه , البعض منكم ربما توقع أنى "نسفت الحله وأكلتها " لكن اللى حصل إنى نمت من التعب والإرهاق وهو كان بيكلم المدام وما رجعش لدنيا الواقع إلا بعد ما إشتم رائحه العدس وهو محروق , ولكم أن تتخيلوا بقى ….
المهم الراجل كان متفهم الموقف , وعارف إنى بالفعل تعبان جدا , وما زعلش رغم خطورة ما قومت بيه وعدم مسئوليته أعترف بذا , إلا أنه راح عامل حله تانيه , وكانت ولا أجمل ولا أروع حله عدس ممكن الواحد يأكلها ومع"فحلين بصل " وشويه سلطه كانت أجمل أكله أكلتها من فترة , ومن يومها كل ما تيجى سيره العدس أفتكر الموقف وأفضل أضحك عليه ,
وتقريبا من يومها يعنى من حوالى عدة شهور وأنا ما أكلتش العدس نهائى لكن ربنا يبارك فى الأخت اللى شارحه الطريقه فى منتدى الطبخ والأكل وإن شاء الله أقوم بعملها وأبقى أحكيلكوا على اللى حصل فى يوم تانى

هههههههههههههههههههههههههه رائعة يا ra3d_masr