الوسم: cake

ازيكوا يا أغلي عضوات في أغلي منتدي
حبيت اوريكم تورتة عملتها لبنتي تاخدها لحفلة المدرسة و طبعا كسلت اعمل تورتة و اقطع و ازين وكدة فعملت

cupcakes cake

دي بقة اخترعها الناس اللي زهقوا من عمايل التورت و مرة تهبط و مرة لأة و تقطيع الطبقات و الوش دة كلة طب يعملوا إييييييييييية؟؟

جابوا شوية كب كيك و لزقوهم جنب بعض و غطوهم بالكريمة و رسموا عليهم …….و بس

و بما اني كسلانة قلت أجرب و أدددددددددددي الطريقة :

أولا مقادير الكب كيك

طبعا ممكن تعملي مقادير اي كيكة و تصبيها في قوالب الكب كيك او تأخدي الطريقة دي و انا معتمداها و الحقيقة روعة ولاخت غالية اسمها ام ناصر و هي كالأتي:

المقادير

4 بيضات

كوب سكر

فانيلا

3/4 كوب زيت

كوب حليب سائل ( انا بدلتة بكوب عصير برتقال )

كوبين وربع طحين

3 ملاعق بكنج باودر صغيرة

نكهة حسب الرغبة

والتزيين حسب الرغبة

و نعملة بالطريقة العادية نخفق البيض جيدا ثم الفانيلا ثم السكر مع الاستمرار في الخفق ثم الزيت و ممكن استخدام الزبدة ثم الحليب ثم نضيف الدقيق المنخول مع البيكنج بودر تدريجيا مع التقليب بخفة ثم في الاوراق الخاصة بالكب كيك وصواني الكب كيك حتى ثلاث ارباع الورقة ثم في فرن 180 درجة لمدة نصف ساعة

الطريقة :

أول حاجة و مهمة جدا جدا اننا لما نص الكب كيك جنب بعضة نحطة علي الصينية اللي هنقدمها عليها لاننا طبعا مش هنعرف ننقلها تاني

** انا لاني هوديها للمدرسة رصيتهم في العلبة جنب بعض كويس و علي حسب الشكل اللي انا كنت مختاراة و طبعا ممكن تشكلي زي ما انتي عاوزة شكل وردة مربع دائرة زي ما انتي عاوزة و أدي الشكل

** تاني حاجة نجهز الكريمة كريم شانتية عادي ممكن تاخدي من 3 الي اربع اكياس كريمة و تعمليهم بس تقللي كمية اللبن لاننا عاوزينها ماسكة نفسها علشان ماتنزلشي في الفراغات و ممكن توزيعها بكيس كريمة بعدين تفرديها ممكن بقطعة بلاستيك من اللي بيكون غلاف الكشاكيل

و بعدين بخلة سنان حاولت اعمل رسم كروكي للصورة اللي انا عوزاها علشان هأرجع أعيد عليها تاني بشيكولاتة او بكريمة حطيت لها كاكاو غامق علشان تكون غامقة

و بعدين جبت كوبايات صغيرة و ي كل كوباية ملعقة كريمة و خففتها بملعقة لبن او اتنين و حطيت الالوان اللي انا عوزاها و عشت حياتي بقة

و عينكم ما تشوف الا النور حوووووووووسة و الوان و ايدي كلها كانت ملونة بميت لون دا لو كنت ورتلكم مسرح الجريمة مناديل وفرش و الوان ما تقولوش بيكاسو كنتوا هتعملوا كدة

المهم أدي النتيجة ………..

قولوا ما شاء الله

يارب تعجبكم و ما تحرمونيش من ردودكم الحلوة

ها مستنية ردودكم الحلوة

تجنن تجنن تجنن

تسلم ايديكي يا فنانة

شكلها يشهي و لذيذ

تسلم يدينك

كتبت بواسطة hamo0osa

روعه
ماشاء الله
يسلموووووو

تسلميلي مرورك و منورة

كتبت بواسطة الشفاعة

ماشاء الله فنااااانة طالعة معك تحفة و الله لازم اجربها الله يسلم ايديكي يارب

جربيها و ان شاء الله تعجبك و تسلم ايديكي علي الرد

كتبت بواسطة أم دندونة

ما شاء الله لا حول ولا قوة الا بالله

تجنن تجنن تجنن

تسلم ايديكي يا فنانة

كتبت بواسطة أم فئ

روووعــــــة

شكلها يشهي و لذيذ

تسلم يدينك

منورة موضوعي يا غالي و مشكورة

كتبت بواسطة noorelhoda

يجنن ماشاء الله موضوع فيه ابداع يسلموووووووووووووووووووو

الله يخليكي و بجد شرفني وجودك تسلمي