أخواتي العزيزات.. أخي الصغير عنده مشكلة أتمنى أني ألاقي حلها عندكم..
أخي عمره خمس سنوات ونصف تقريبا وهو آخر العنقود…
المشكلة أنه يتصرف كأنه طفل صغير … يعني يمص أصبعه.. يتكلم مثل الأطفال الأصغر سناً .. و يبكي مثلهم وغيرها من التصرفات اللي ما شاء الله عليه يتقن تمثيلها
… نعم هو يمثل علينا والسبب أن أمي كانت في فترة من الفترات تحاول تثير غيرته بأنها تقوله مثلا "أنا باخذ فلانه من أمها وبربيها بدالك" وتكون فلانه هذي طفله صغيرة (رضيعة) أو تقوله "راح أجيب ولد صغير (نونو) من المستشفى وراح ينام جنبي" …إلخ…وطبعا أمي ما تعرف عاقبة هالكلام اللي كانت تقوله…المهم … أخي الحين كل همه أنه يقلد الأطفال الصغار عشان يثير الانتباه ويمكن عشان يدافع عن نفسه جدام أمي كأنه يقوللها لا تجيبي غيري… وما نعرف كيف نتصرف معاه.. أول كانت المشكله بسيطة .. بس الحين بدت تتفاقم بشكل كبييير .. ونحن ما نعرف شو نسوي!! 
شو رايكم .. كيف نتصرف معاه؟؟؟ وجزاكم الله خير
أختي مرايم….
أول لازم أمك تغيرأسلوب معاملتها معاه….ولا تحاول تقارنه بغيره من الأطفال وهذا أكبر خطأ من الأمهات وهو مقارنة الطفل بغيره،لأنه ينشأ في الطفل الغيرة والعدوانية…وممكن مثل أخوك يقلد الأصغر منه حتى لا يفقد مكانته…،لازم تحسسونه أنه كبير وسيدخل المدرسة ولا بد أن يتصرف مثل الكبار حتى يكون قويا وبطلا…..وغيرها من الكلمات التشجيعية…
ولا تنسي الدعم …مثلا إذا أقلع عن إحدى العاديات السيئة كافؤه بهدية وأخبروه بالسبب حتى يتشجع على تركها….هذا ما لدي….
وفقك الله وأصلح أخاك.
