للأسف يا جماعة امبارح باليل جالى خبر ان فى حالات انفلونزا ظهرت تانى عندنا فى المدرسة
فى جونيور 3 و كى جى 1
ياريت اللى تعرف او سمعت اى حاجة تبلغنا
ويارب تطلع اشاعة وميكونش فى حالات
انا خلاص اعصابى تعبت ومش عارفة نعمل اية؟؟
دة من يوم مارجعوا واحنا كنا لسة بنراجع
انا مبدئيا قعدت بنتى اللى فى كى جى احتياطى…. لكن وديت اللى جونيور عشان الأمتحانات لأن طبعا استحالةا هيعيدوها تانى
على العموم اللى تسمع عن اى حاجة تبلغنا وياريت نعتبر الموضوع دة بمثابة تجمع لينا لمتابعة أخبار المدرسة
وربنا يحفظ الأولاد ويحميهم يارب من المرض
انا كمان عملت زيك بالظبط ..وديت جونيور 2 علشان الامتحان و قعدت اللي في كي جي 2 …و اتصلت على تليفون الكي جي قالولي ان الحالتين اشتباه مش مؤكدتين و انهم اخوات و اتعدوا اثناء الاجازة و ما راحوش المدرسة من بعد الاجازة يعني ما فيش داعي للقلق ..ده كلام السكرتيرة..و طبعا تليفون المدرسة الاساسي من الصبح يا مشغول يا ما بيردش ..لو وصلتني اخبار تانية حابلغك و يا ريت انتي كمان لو عرفتي حاجة تقوليلي …ان شاء الله يكون ما فيش حاجة علشان الولاد يستقروا و يعوضوا اللي فاتهم ..اللهم احفظ اولادنا جميعا
اخبار جديدة و مؤكدة لسه واصلاني من ساعتين …. زميل ابني في الفصل اصيب بانفلوانزا الخنازير ..والدتة اتصلت بيا و بلغتني …امبارح المدرسة كلمتها و طلبت منها تيجي تاخد الولد من المدرسة لانه تعبان جدا و بيرجع …راحت خدته و كان سخن جدا ..عملتله التحليل و النهارده النتيجة طلعت ايجابية !!! ..طبعا انا مرعوبة على ابني ربنا يستر …الولد المصاب في J2 ROSE …و اخته في KG1 DALMATIANS ارجو منكم جميعا الدعاء للطفل المصاب بالشفاء ..و لزملائه في الفصل ان ما يكونوش اتعدوا …فالله خير حافظا و هو ارحم الراحمين
هاى يا رانيا انا فعلا عرفت الحالة دى و ربنا بجد يستر و يشفية اللهم امين ويطمن قلب امة و ابوة علية يارب
ويستر مع كل اولادنا ويعديها على خير
ياريت لو عرفتى حاجة عن صحة الولد وحالة بقية الفصل تتطمننى
وبالمناسبة انا رحت المدرسة الصبح وحالة الاتنين الأخوات دى مؤكدة
ويرغم ان الكى جى اكدت لأكتر من ولى أمر ان الأتنين اتصابوا فى الأجازة ومجدش منهم رجع المدرسة لسة
الا ان الريسبشن قالوا ان اللى فى كى جى هى اللى كانت فى الاجازة و مارجعتش المدرسة k g 2 dalmation ) (انما اللى فى جونيور 3 (jasmine ( سخن اول امبارح بالليل وكان لغاية أول امبارح الصبح فى المدرسة
بجدربنا يستر ويحفظ ولادنا و يحميهم ويبعد عنهم كل شر
اللهم امين