الكفتة المشوية على الفحم اطعم خدعه 2024.

طبعا كلنا بنموووووووووووووووووووووت فى المشويات على الفحم و خاصة الكفتة
لكن بقى الى ذى حالاتى معندهاش شواية تعمل ايه

لأ لأ لأ ما تحيروش نفسكم انا جبتلكم الحل

المقادير :
كيلو لحمة مفرومة
4 بصل مفروم كبيرة
بهارات الكفتة + قرفة + بابريكا + ملح و فلفل اسود

الطريقة :
نفرم البصل فرم ناعم و نتبلها بالبهارات كويس و بعدها نضع اللحمة و نخلطها جيدا و نكون بقى حاطين على النار قطعة فحم كبيرة الى ان يحمر لونها .
نضع خليط اللحم فى علبة ليها غطاء محكم او حلة و نضع فى المنتصف قطعة زبد او ملعقة كبيرة سمن ثم نضع فوقها الفحمة الملهلبة و نغطى العلبة بغطاها بسرعة قبل ما الفحمة تهرب هههههههههههه (و طبعا هى دى الخدعة )
و نلف العلبة بفوطة و نتركها من 1/2 ساعة لساعة و بعد كدة نفتح العلبة و نشيل الفحمة و نقلب قطعة السمن مع اللحم و بعد ذلك نشكلها على شكل اصابع و نضعها فى صينية الفرن و ندخله الفرن لمدة 10 دقائق و بعدها نخرجها من الفرن و نضع فى الصينية 1/4 كوب ماء و ندخلها الفرن تانى الى ان تستوى .

تقدم ساخنة مع البطاطس الشيبسى و المكرونة
و بالهنا و الشفا

تسلمي والله
يعطيك العافيه

الله يعطيكم العافية
و ميرسى لمروركم الجميل

معلش ممكن توضحيلى يعنى إية اللحمة مش مستوية ثم توضع على النار للشوى

دندونة الامورة
الله يسلمك يا غالية