كيفكم بنوتات:
اليوم مسويه لحماتي وابو الشباب مراصيع وعجبتهم قلت لازم اقول لحبيباتي على طريقتها
هي بطريقتين اما بالعسل او بالبصل العادي او الاخضر
وكلها نفس العجينه لان البصل يكون في الاخير
المقادير:
الماء على حسب الكميه اللي راح تحطيها وضعي الماء في خلاط الطماطم
دقيق بر تضعي منه بالملعقه حتى يثخن السائل
رشة ملح
رشه صفار الزعفران
بيضه
2 ملعقه كبيرة حليب بودرة
الطريقة:
ضعي الماء في خلاط الطماطم ثم الحليب ثم البيضه والملح وصفار الزعفران والدقيق ملعقه ملعقه حتى يثخن الخليط مع الاستطاعه في صبه بسهوله ويترك ربع ساعه واذا كنتي مستعجله مو لازم
العجينه كذا جاهزة اذاكنتي تبيها ببصل قطعي بصل مربعات صغيرة وضعيها على العجينه وحركيها بملعقه مو بالخلاط عشان ما ينفرم البصل
واذل ماتبيها ببصل خلاص تصير جاهزة لاتحطي عليها شئ
انا اسكب العجينه في الابريق تبع القهوة التركيه عشان يسهل الصب
وتكون التاوة تبع المراصيع وهي تجي دائرة كبيرة مسطحه مالها جوانب وممكن تستخدمي المقلاة العاديه بس تصير كبيرة عشان الحريه في الترصيع
وتسخن لحد ماتصير حاميه بعد توضع النار وسط وتدهن بمنديل به زيت فقط مسح
بعدها يصب قليلا على شكل دوائر صغيرة ويبعد بين كل دائرة مسافة نص سنتمتر
لحد ماتغمق ويروح البياض تقلب على الجهه الاخرى ويضغط عليها قليلا حتى تحمر في هالاثناء تكوني مجهزة حافظة الحرارة والزبدة اذا حمرت المراصيع ضعيها في الحافظه واغلقي عليها لحد ماتنتهي العجينه
اذا كنتي مسويتها ببصل ضعي الزبده عليها واغلقي الحافظه وهزي الحافظه عشان تمتزج الزبده بالمراصيع لان التحريك باليد يمزقها
واذا كانت بالعسل ضعي مع الزبد عسل وهزيها وتقدم ساخنه…
وصحتين وعافيه…
صدقوني لذيذه انا احبها بالعسل…
مراصيع حتة وحدة في اول يوم دراسة
اثرك مارحتي المدرسة وقاعدة تتسلين بالمراصيع 
ربي يسلم قلبك يالغالية وتتخرجين بأعلى الدرجات يارب
اليوم مارحت عبودي مجروح والخيوط فيه خايفه يطيح او يحركها هاه جربتيها تراها عجبت ام زوجي يعني تهبل
هلا حبيتي هاه سويتيها علميني وادعي لي
شهيتيني والله
مافي احلا من مراصيع اهل نجد…
تعرفين طريقة مراصيع اهل الحريق؟؟؟
يسمونها مخامير لأنهم يخمرونها لفتره طويله .
يمدحونها يقولون لايعلا عليها ….
ابجرب طريقتك وانتي جربي طريقتي..
كاسين دقيق بر
كاسين ماء
بيضه
نص ملعقة صغيرة خميره فوريه
رشة ملح وملعقة صغيرة سكر
3 ملاعق حليب بودرة
ملعقة صغيرة حبة سوداء
رشة حلبة <<< ايه حلبه جربيها لذيييييييييييييذه مع المراصيع
بس مو ياخذكم الحماس وتحطون ملعقه … فقط رشة يعني بطرف السكين
كركم وقليل من البهار
تخلط المقادير جيدا و تترك لمدة ساعه على الأقل…
يسخن الصاج و.. وتسكب العجينه على شكل اقراص..
بعد ماتنضج اجمعيها في حافضة خاصة بالطعام …. رشيها بالبصل المقلي بالزبدة
(( نفس طريقتك يا اختي))
قدميها سااااااااااااااخنه في ليلة شتاء باااااااااااااارده
وعليكم بالعافيه
يعطيك العافيه على هالطريقه
وراح اسويها لحماتي على ضمانتك
ويسلمك ربي strawberry
ان شاء الله اجرب الوصفتين
راح اجربه وارد لك خبر
والف سلامة لعبودي ما يشوف شر، خلي بالك منه الأولاد في هالعمر بيكونوا كثيرين حركه.