السلام عليكم ورحمه الله وبركاته ازيكم يا حبايب
شفت الخبز ده من منتدى تانى لاخت لينا فى الله فاعملته وطلع روعه قليله عليه
و عجب جوزى واولادى جدا وكل كام يوم بعمله وخصوصا لما بعمل طعميه ساندوتشات بيه وسلطه خضرا رهيب
المهم انا مش هاطول لانى كتبت كتير واتمسح لااله الا الله
مع بدا المدارس والروضه طبعا مع الفطور حلو جدا للاطفال لانه هش وطرى وخفيف
المقادير كوب لبن + نصف كوب ماء + ربع كوب زبده ( ملعقه كبيره زيت ودى من عندى بتديله طراوه اكتر )
نضعهم مع بعض على النار حتى يدفىء الخليط مش يسخن بس يدفى
حوالى 4 كوب دقيق الخاص بالمعجنات ممكن يزيد وممكن يقل ( انا بيعمل معى حوالى 5 اكواب كمان بيعتمد على حجم البيضه ) + ملعقه كبيره سكر + ملعقه صغيره ملح + بيضه يستحسن كبيره+ ملعقه كبيره خميره حبيبات او قطعه قد البندقه او اكبر شويه خميره لو قطع
نضع 2 كوب دقيق مع ملقعه السكر والخميره فى العجانه ( يستحسن لاننا هانعجنها كتير باليد ) و نضع عليهم
اللبن و مكوناته ونخلط ثم نضع البيضه والملح ونخلط ثم الدقيق بالتدريج ونعجن فتره 10 دقايق حتى تتكون
عجينه طريه لا تلتزق باليد و شديده يعنى مش مكتومه و نغطيها ونتركها تتخمر ساعه دى انا بسيبها كده ( اختنا
صاحبه الوصفه بتسيبها ربع ساعه بس
وده الفرد وطريقه اللف
و خلصنا اللف و نغطيهم ونتركهم يتخمر ( اختنا فى الله تركتهم 2 ساعه يتخمر ) انا ساعه واحده او ساعه ونص
لانه نفش بسرعه ولزق فى بعضه وده عادى
وده بعد الخبز روعه
ما في كلام هلأ اشوفك بعد الافطار
بس الحق حصتي
بعد ما ناخد قطعه من العجين نبدا نصبعها و نعملها دواير ندهنها باللبن ونضع عليها السمسم و نتركها نص ساعه تخمر وبهدين فى الفرن يدوب تبدا يحمر بسيط نخرجه من الفرن
و لما يبرد خاص ندخله الفرن تانى لغايه ما يحمر و يقرقش
و بصراحه كانك جبتيه من المخبز طازه مقرمش وهش ولذيذ
لما نخل الخبز الفرن يكون سخن درجه حراره 200 درجه ولما ندخله نضعه فى الرف الاوسط ونقلل الحراره على 180 درجه
وهايكون باشكل ده و طبعا ينفع للسحور وكمان بالهنا عليكم
متابعاكى
اعملك 10 كيلو وهابعتهولك با DHL يا سكر
تسلم ايدك اختي
والشكر موصول للاخت صاحبة الوصفه الاصليه
ام البنات اخذت الخبز
انا حاخذ البقسماط
الصمون طالع بشهي
ما شالله عنك
يعطيكي الف عافية أنتي وصاحبة الوصفة
وتسلمى حبيبتى
اى والله بارك الله فيها وجزاها الله خيرا
بارك الله فيكى معاكى حق طعمه خطير جدا
ويعافيكى حبيبتى و صاحبه الوصفه