طلب بخصوص الحنة 2024.

ان شاء الله البنات يفيدونك ما عندى فكره

مرحبا اختي,,, انا عن نفسي كان شعري عجيب ومفرود اي ناعم بسبب الحنا اللي استخدمها اما الان لا لا لا شعري باهت متقصف خفيف لدرجة ان فروة راسي تبين من كثر ماهو خفيف المهم حبيت افيدك بخلطه للحنه انتي ولغيرك من العضوات اللي يحتاجون فرد شعرهم طبعا اذا كان خشن …المهم1- تجيبين حنه يمنيه اصليه 2- تاخذين شدة ملوخيه طازجه اذا وجدت اومثلجه كامله3-تفوحين ماء حار 4- تاخذين الملوخيه وطبعا تكون مقطعه عالخفيف لان نريد الماده اللزجه اللي فيها5-تحطينها بالماء المغلي لمدة ربع ساعه 6-تاخذين الماء وتصبينه على الحناء7-تخلطين الحناء بالماء مال الملوخيه +نصف زبده وتخلطينهم وتتركينهم لمدة 4 ساعات 8- تاخذين ملعقتين حلبه مطحونه وتزيدينها عالحنه طبعا راح تشوفين الحنه شوي نشفت ازيد عالخفيف ماء الملوخيه واغطيها لما شوي تدفئ يعني بعد ساعه وحطيها على شعرك على طول من تشوفينها صارت دافيه بالاسبوع لازم مرتين لمدة شهر وبعدين 4 مرات بالشهر وعلى طول استخدميها لمدة 6 شهور لما توصلين للنتيجه المطلوبه وبعدها خففي الاستخدام حسب الرغبه وللعلم الخلطه مو بس للتنعيم او فرد الشعر لا حتى لتنبيت الشعر ….اكيد بتقولين دام عندي هذي الخلطه ليش ماستخدمها ,,,لاني احب التغير واحب الصبغات بس الشهاده لله ان كان شعري ايام الحنه عجيب والكل يسالني ماشاءالله شعرك عجيب واقول الخلطه والكل يستخدما ويحس بالفرق……………..واتنمى تردين علي اذا استخدمتيها وجابت نتيجه معاكي والا مع اي عضوه واستخدمو شامبو السدر اللي اسمه صحت اهو ايراني الصنع وسعره حيييل مناسب وتلاقينه عند العطار … وارجوالدعاء لابنتي ان الله يشافيها وشكراااا

كتبت بواسطة ##ريانة العود##

مشكووره أختي الله يشفي بنتك ياااااارب ..
عاجلاً غير آجل ..
بسألك ممكن آخذ الملوخيه وأخلطها بالخلاط مع شوويه مويه وأعجن فيها الحنه ؟؟؟؟ وتنفع للصغااااااار؟؟ وممكن أحطها متى مابغيت مو لازم الأوقات اللي قلتي عليها مثلا مره كل شهر أو شهرين مو مرتين بالأسبووع ؟؟
ووش قصدك الملوخيه مقطعه على خفيف ممكن توضحين أكثر ؟؟ وشكرا

اهلين اختي ريانة العود…. ممكن تحطيها بالخلاط بس بهذي الطريقه راح تصعب عليكي غسلها من شعرك,,واذا كان عندك هذا الشي عادي اوكي واااايد حلو ممكن تحطيها بالخلاط ونقطعها بالخفيف قصدي مانخلي الملوخيه تصير قطع صغار علشان مايصعب غسل شعرك اما تحطي عليها شوية ماء بالخلاط علشان تفرميها اوكي بس لازم بعد ما تفرميها لازم عالاقل ربع ساع او اكثر شويه تنفاح عالنار لان نبي نعجن الماء اللي طلع فيه لزوجة الملوخيه واللي اهو بدوره راح ينعم الشعر ويفرده ,,,,وعادي للبنات الصغار اللي شعرهم خشن وصعب التسريح…وبالنسبه باي وقت اوكي ممكن ماتلتزمين بس احنا نبي نوصل للنتيجه بسرعه وبعدها نقلل نحطها بالشهر مره.. واي استفسار انا حاضر

كتبت بواسطة ashoush23

الف الف شكر اختى نوير الكويت. انا معلش فى كلام مش فهماة وبحاول افهه يعنى انا اجيب ملوخية طازة وافرمها واغليها مع ماية واخد الماية واحطها على الحنة واطحن حلبة واصفها ليها واضيف ماية لغاية ما يصبح السمك للحنة كويس واسبها 4 ساعات وبعدين احطها على شعرى. طيب انا اسيبها قد اية المدة على شعرى وهل انا فهمت كلامك كدة صح ولا غلط؟ وعلى العموم فيكى الخير على المشاركة والرد. والف سلامة على ابنتك وان شاء اللة ربنا يكتبلها الشفاء العاجل

اهلا اختي ashoush اللي فهمتيه كله صح اما كم المده اللي تحطيه على شعرك ممكن 4 ساعات وايد حلو…زوبالتوفيق وانشاءالله تعجبك وتكون نالت على رضاكي ورضا الجميع

كتبت بواسطة ##ريانة العود##

ashoush23
أختي كيف تفرمين الملوخيه ؟؟ تخلينها زي المقطعه ولا مطحوووونه؟؟ سائله يعني؟؟
وتغلينها بدين مع الموويه وتاخذين المويه بس؟؟

اهلين ريانه … شوفي حبيبتي مقطعه مفرومه نفس الشي بالنهايه نبي الماء مال الملوخيه اللي منفاحه فيه لان اللزوجه بتكون فيه وهذا الماء نحطه عالحنه… واذا انا قصدت مقطعه عاخفيف يعني مو مفرومه علشان مايصعب غسلها,,,, نريد بس الماء مال الملوخيه اوكي واي سؤال انا حاضر ياخواتي …..وشكرا