اولا انا زعلانه جدا منكم لاني نزلت ليكم موضوع امبارح عن اي حد عاوزه سؤال عن الكيرايتن وحقق نسبه مشاهدات وللاسف محدش رد
الرد حتي بدعوه طيبه يا جماعه احنا اخوات فالله
عموما انهارده نزلت ليكم الموضوع بالتفصيل ان شاء الله واتمني ينول اعجابكم وهنتظر ردودكم واستفسارتكم ان شاء الله
كل ده بيفقد الشعر حيويته ولونه والكيرايتن اللي فيه وبيخليه مطفي مقصف هايش يتساقط
بتعوضي شعرك بالكيرايتن ده من اول وجديد
زي مثلا لما بتفقدي الكالسيوم الي فجسمك بتاخدي فيتامينات كالسيوم
فقدتي الحديد فيتامينات حديد وهكذاا
انواعه كيرايتن جلوبل وكيرايتن لبناني
الجلوبل البرازيلي الاصلي طبعا
هقولك
الكيرايتن اللبناني يا جماعه بيحتوي علي ماده لتنعيم الاقمشه والمفروشات
ودي ماده كيماويه
وغير محدد فيه نسبه الفورمالين يعني منعرفش اللي فيه فورمالين اد ايه
ممكن تكون نسبه اعلي من النسبه المصرح بيها ودي خطر
وماده تنعيم الاقمشه دي ماده كيماويه
متخيله لما تحطيها علي شعرك وبعدين تعرضيه لحراره السشوار وتستنشقيها انتي كده بتعملي ايه ؟
وبيعمل ايه تاني ؟
بيخلي الشعر زي الخشب
وممتليئ بالمواد الكيماويه الخطره اللي طبعا بتسبب وقوع الشعر والتساقط
وهو اسوء نوع
وكمان نسبه الكيرايتن فيه حوالي 50% فقط
وده اللي بيستخدمه بعض الكوافيرات لانه رخيص
طيب انتي كده خوفتينا ؟
لاء مخوفتش حد انا بقول علي اللبناني علشان محدش يضحك عليكم ومتتخدعوش ده شعر يعني تاج المرأه يعني مينفعش تضحي بيه
وهو الكيرايتن جلوبل الاصلي البرازيلي
(global keratin )
والنوع ده انضف نوع
هكلمكم عنه بالتفصيل الممل
شركه جلوبل منزله 3 انواع للكيرايتن
ايه هما ؟
كيرايتن فري يعني خالي من الفورمالين ( للاطفال او غذا للشعر الناعم)
كيرايتن 2% فورمالين (للشعر المتوسط التجاعيد او الكيرلي )
كيرايتن 4% فورمالين (للشعر الخشن الكثير التجاعيد)
يعني غذا للشعر مفيش بعده
الشعر بيتشرب بنسبه كامله من الكيرايتن
الفورمالين ده بيحفظ وبيغلف كل شعرايه ويحميها من العوامل الخارجيه
وزاره الصحه مصرحه لحد 4% فقط
وشركه جلوبل مش منزله اكتر من 4%
الفورمالين ده موجود في الجبنه الرومي
الالبان
بعض الاغذيه والمشروبات
علشان يحفظهم وبرضو بنسب معينه
يعني تردي انك تاكليه وتخافي تحطيه فشعرك ؟
بيخلي شعرك ناعم انسيابي حريري بيغلف كل شعرايه متخيله يعني ايه كل شعرايه ؟
بيتغسل الشعر بشامبو خاص بالكيرايتن خالي من الصوديوم
وبعدين بيتنشف بالسشوار
وبعدين يتوزع عليه الكيرايتن
وبعدين تعدي بيه علي شعرك من 20 ل 30 دقيقه
وبعدين الشعر بيتعمل سشوار وبيبي ليس والكيرايتن في شعرك
يعني الكيرايتن مش بيتغسل
وتفضلي بيه 3 ايام
وخلال ال 3 ايام شعرك كل يوم بيتعمل فيهم سشوار وبيبي ليس
وبرضو خلال ال 3 ايام شعرك متلمسهوش ميه
ولا تحطي توكه ولا نضاره
علشان توصلي لاحلي نتايج
ورابع يوم الشعر بيتغسل عادي خالص
ملحوظه لازم الكوافير يحط مروحه ادامك وهو بيشتغل علشان تطير الدخان
ولو محطهاش اعرفي انه مش فاهم حاجه
والدخان ده بيكون لان الشعر بيتعمل سشوار والكيرايتن فيه
زي بالظبط ماتكوني مغرقه شعرك كريم وتعمليه سشوار اكيد بيدخن طبعا
ملحوظه تانيه ياريت الناس تركز فطريقه عمل الكيرايتن علشان يعرفه اد ايه شغله مرهق
وشغل 4 ايام مش يوم واحد
اول يوم وضع الكيرايتن وعمله سشوار وبيبي ليس
و3 ايام عنايه سشوار وبيبي ليس
والبلسم
لانه لا يحتوي علي الصوديوم والسلفات
والمادتين دول موجودين في اغلب انواع الشامبوهات الاخري
وبيدمرو الشعر ومواد خطره جدا
حتي جونسون بتاع الاطفال المصري بيحتوي علي الماده دي
مش مصدقه ؟
اقري المكتوب عليه
علشان لو الكوافير اوهمك وقالك اغسلي بجونسون اطفال
مفيش غير جونسون الالماني او الايطالي او اي نوع غير المصري
وده فعلابيكون مش بيحتوي علي المواد دي
شوكولاته
فراوله
نعناع
والثلاث نكهات دول مجرد نكهات ليس لهم علاقه بأي شيئ يعني مهما كان شعرك ممكن تختاري النكهه الي بتفضليها
لا طبعا مينفعش حتي لو كونتي كوافيره مينفعش
انا عن نفسي كوافيره وعملته عند كوافير
ومش اي حد اللي يعمله ليكي
لازم حد متخصص وفاهم الخطوات
نقطه مهمه كمان تئكد ان الكيرايتن خالي من اي كيماويات
(انك لو صبغه شعرك لون وعملتي الكيراتين لون شعرك بيفضل محتفظ بنفسه يعني مش بيتغير اللون)
وده يئكد برضو انه خالي من اي مواد تاكل لون الشعر او تاثر عليه بالسلب
دي صوره الكيرايتن اللبناني
تشوفيها عند الكوافير او التاجر
تقوليلو سلام عليكم وتاخدي بعضك وتروحي
</SPAN>
دي صوره كيرايتن جلوبل بالشوكولاته
دي صوره كيرايتن جلوبل بالنعناع
دي صوره كيرايتن جلوبل بالفراوله
دي صوره شامبو كيرايتن جلوبل ومكتوب عليه
(sulfate free)
يعني خالي من السلفات
دي صوره بلسم جلوبل
ومكتوب برضو عليه
(sulfate free)
دي صوره الشامبو اللي بيتغسل بيه الشعر قبل وضع الكيرايتن
ودي صور قبل وبعد استعمال كيرايتن جلوبل الاصلي
يارب اكون قدمت ليكم افاده
ملحوظه الموضوع مش منقول
الموضوع جهدي الشخصي بفضل الله
ومنزلاه في عده مواقع
وحبيت افيد بيه المنتدي
وكلمتي بعد كل تنزيل
الموضوع لافادتكم ومش مسامحه اي حد هينقله
ياريت متبخلوش عليا بالردود والتقيم
وانا هنتظر كل استفسارتكم عن اي شيئ
وبجد هزعل جدا لو محدش رد لاني تعبت فالموضوع جدا
كتبت بواسطة اخت البنين 
نورتي الموضوع
تسلميلي يارب
انا سمعت ان اسعار الكيراتين خيال فياريت تو ضحي لي
وممكن انا اشترية وحد يعملة ليا وهو يفرق في اية حد يعملة ليا او كوافير مش نمشي الخطوات صح وخلاص
وياريت انا طولت الكيراتين بيستمر علي الشعر كم سنة
واماكن شرائة وكفاية كدة
انا طولت
طيب انتي ليه مش حطيتي الاسعار وازاي نوصل لكيراتين جلوبال وكده؟
وكمان عايزه اعرف هو بيتعمل كل قد ايه ؟
كتبت بواسطة مازنة 20240 انا سمعت ان اسعار الكيراتين خيال فياريت تو ضحي لي
وممكن انا اشترية وحد يعملة ليا وهو يفرق في اية حد يعملة ليا او كوافير مش نمشي الخطوات صح وخلاص
وياريت انا طولت الكيراتين بيستمر علي الشعر كم سنة
واماكن شرائة وكفاية كدة
انا طولت
اهلا بحضرتك نورتي الموضوع
الكيرايتن بيستمر علي الشعر حسب حفاظك عليه وبيغلف كل شعرايه
وحفاظك عليه بالشامبو والبلسم الخاص بيه لانه غني بالكيرايتن
بتحتاجي تجددي الجذور لما تطلع
يعني الشعر الاساسي اللي اتعمل كيراتين الكيرايتن مش بيروح منه
مثلا زي الصبغه
ممكن تعيدي علي شعرك كل 6 شهور
وفي ناس عادي بتسيبه مش بتعيد لانه بالفعل بيكون متغلف ومفرود
وبالنسبه للطريقه لازم حد فاهم طبعا
لان له طريق وتقنيات معينه ونسب معينه علشعر
ومتنسيش ان الشعر بيتعمل سشوار وبيبي ليس والكيرايتن فيه
لو حد مش فاهم مش ممكن هيعرف يعمل السشوار والكيرايتن فالشعر
لانه بيكون صعب جدا
تخيلي مثلا شعرك كله حمام كريم وبيتعمل سشوار
الكوافيره هتكون فاهمه تتحكم ازاي بالشعر
وبالنسبه للاسعار بستورده من بره من الشركه الام ارخص طبعا بكتير من التجار
لان التاجر بيستورده ويضيف عليه جزء من المكسب كتير جدا
وتحت امرك في اي استفسار اخر
كتبت بواسطة indomy000 طيب انتي ليه مش حطيتي الاسعار وازاي نوصل لكيراتين جلوبال وكده؟
وكمان عايزه اعرف هو بيتعمل كل قد ايه ؟
تسلميلي يا قمر
والله انا عضوه جديده معاكم اتمني تتقبلوني
وعاوزه انزل الاسعار بس معرفش هل هذا عادي ولا مخالف للشروط
وانا بحب التزم بشروط اي منتدي علشان محطش نفسي فموقف مش كويس
ياريت حد يفيدني احط الاسعار ولا مينفعش
وبيتعمل يا قمر كل مالجذور الجديده تطلع لو تحبي تعيدي علي بتعملي
لاكن هو بيفضل ثابت فالشعر الاساسي
الجذور اللي بتطلع بس هي اللي مكن تعيدي عالشعر
ياريت تفيدنا بمواضيع عن التسريحات والميكب اب للاستفادة