ازيكم يا جماعة الخير اخباركم ايه
عملت الفايش الصعيدي وكنت مبسوطه جدا انبارح لسه طازه
بس ده بالطريقه السريعه بالخميره الطازجه جايباها من منتدى تاني بارك الله في صاحبة الوصفه والطريقه كانت من غير صوررررر
مش بالطريقه التقليديه له بالخميره اللي بتاخد يوم وف الشتا يومين وهي دي اللي بتدي الطعم والرائحه المميزه له
بس ده طلع روعه وطازه وطعمه جميل وهيعجبكم وميزته انه اسهل من الطريقه الطويله التانيه ولو اني هجربها باذن الله كلنا بنحب الصعب
المقادير مش هخبي عليكم حاجه خالص
انا عملت ربع المقادير
2 ونص كيلو دقيق
كيلو حليب
خميره طازجه هي كاتبه بربع جنيه المصريات هيعرفوها قد الكف وسمك سم
وانا لربع المقادير استخدمت 2 قطعه حجم عين الجمل نقدر نقول 2 م ك فوريه والدقيق عملت 625جم
محلب بودره
كركم
كيلو سمن نوع جيد
وعاء بلاستيك وفيه نص كيلو دقيق ونعجن بحوالي 2 ك ماء دافئ
الخميره تدلك ف ربع م سكر وتترك تعلى ثم تضاف ويتركوا 2 س
انا عملت عجينه زي الزلابيه وخمرتها نص س لقيتها عليت اوي وفقاقيع كتيره
(يراعى الوقت والخطوات لنتيجه جيده)
بس انا تعاملت مع العجينه حسب ما تضاعفت كل مرحله 3 اضعاف كانت روووعه
ثم في هذه الفتره تغلي الحليب ولما يهدى يذوب فيه المحلب والكركم وف وعاء بلاستيك نضع باقي الدقيق وعلسه خليط الخميره الاول والسمن الدافي انا استخدمت ثلاث ارباع كوب ونعجن حتى يتشرب الدقيق بالسمن ثم الحليب تدريجيا ويخمر تاني 2 ونص ساعه انا خمرت ساعه وكانت 3 اضعاف
ده شكل العجينه لما اختمرت
ويقرص اقراص حجم كف اليد الكميه عملت 3 معايا رووووعه
ويبطط باليد بسهوله بعد ما ترص بالصاج مسافات 15 سم ويراعى سمك اعلى من سمك الرغيف العادي بقليل وتخمر نص س
وفرن متوسط 180 انا عملته
حتى دهبي جميل نسيت اقولكم دهن الوجه لا يدهن لكن انا جربت ف واحده وواضح الفرق الغير مدهون شكله حلو
وهنا من جوا مقرمش من برا وطري وهش من جوا
شوفو الفراغات الكبيره وجميله وهنا قطعته شرائح سم وحمصته فرن 180 لمدة10 ق بس ومع كوب شاي او جبنه قديمه واديها
هنا شكله من فوق ومن تحت دهبييييييييييي
وهنا بقه اول قطمه لاحلى رد ميييييييييييييييين
يشبه الشبوره في السعوديه
بذمتكم مش حلو دهبي ومقرررمش وطازه
وكله من شغل ايديكي
بصراحه انا اللي دخلني عالم العجن والخبز لاني طول عمري بحب المخبوزات للاسف والحاجات دي كنا نجيبها منن المخبز وادفع يا فلوووووس ومش عارفه مين عملها
يعني المهم انا مبسوطه اوي بالتجربه وقولولي رايكم يا قمرات
مفيش كلام طبعا يتقال غير ان حلو اوى اوى
وانك فى تطور سريع ماشاء الله
تسلم ايدك يا قمر
يعطيك العافيه
تسلم ايدك شغل راااااااااااااااااااااااااائع بصحيح
ربنا يحميكى يارب
ربنا يبارك فيكى
ومع كوب شاي او جبنه قديمه واديها
ههههههههههه يسعدك ربي ما احلاكي و احلا كلامك
خلالالالالالالالاص ندييها فايش
هو احن خسرانين حاجة نووووووووووووووووو
بالعكس كسبانين اوزان من ورا وصفاتكم الحلوة و تطبيقاتكم الجميلة
يسلموا يا قمر
رائع جداااااا وانضف بكتير من اللى بره
تسسسسلم الايادى
انا نفسى اعمل زيه
وكانت مشكلتى الخميره
الان استطيع عمله بسهوله
بارك الله فيك ولك
وتقبلى مرورى وتحياتى