انا فتاه مصرية مقيمه بالقاهرة ،، ،تزوجت حديثا و انا بحب زوجى جدا جدا و بحبه حب رومانسى و حقيقى و هو كمان بيحبنى جدا و عمل المستحيل علشان يتجوزنى و الحمد لله انا بحمد ربنا كتير جدا انه وهبنى زوج مثله ،،
من فترة صغيرة اكتشفت ان زوجى محتفظ بصورة حبيبته الأولى و التى كان بيحبها حب جنون و استمروا مع بعض اربع سنين فى الجامعه و هو كان حكالى عنها باختصار شديد و قاللى انه كان بيحبها بجد و لكن دلوقتى نسيها و مبقاش يحبها
المهم اكتشفت انه محتفظ بصورتها فى اغراضه الخاصة و لما قلتله اتهرب من الموضوع و قاللى انه كان عايز يوريهانى لو انا سألته عليها ،، من ساعتها و الله العظيم و انا ببكى ليل مع نهار و حاسه بانهيار فظيع فى عواطفى و مشاعرى و فضلت أسأله عنها أسئله كتيرة جدا ،،عن كل شىء عنها و عنه و كانوا بيعملوا ايه و هو بيجاوبنى بمنتهى الصراحه لأنه الحمد لله مش كذاب
انا اكتشفت حاجات كتيير جدا كانت بينهم و ده دمرنى تماما و افقدنى الثقه فى نفسى و فى زوجى ،،، و هى من مده بسيطة كانت ما زالت بتلح عليه و تتصل بيه و ترجوه انه يستمر معها و لكنه رفض تماما بسبب ظروفها الاجتماعية و اسباب اخرى كثير
دلوقتى انا بجد خايفه جدا انه ممكن يضعف تحت تأثير الحاحها الشديد و اصرارها
عايزة اوصللها و اكلمها بأى شكل ،،، عرفت انهم حاطين كود سرى على التليفون و حاولت اعرف اسمها بالكامل و اشياء اخرى عنها و فعلا عرفت و لكن مش عارفه اوصل لرقمها علشان اكلمها
انا محتاجه اتكلم معاها و اعرف اذا كانت لسه بتفكر فيه و اللا لأ ،، و اذا كانت ارتبطت بانسان تانى و اللا لأ ،، علشان الشك مالينى و مش عارفه اعمل ايه
ارجوكم عايزة نصيحتكم و عايزة اعرف اتصرف معاه ازاى و خصوصا انى بتصرف بعاطفيه شديدة و مش بعرف افكر بعقلى
و عايزة اعرف ازاى ممكن اوصللها و اتكلم معاها ،، حاولت المستحيل و بحثت فى ا لدليل و لكن دون جدوى
ارجوكم محتاجه منكم المساعده
بس اللى انا ممكن اقولهولك انك متحاوليش انك تتصلى بيها او تكلميها لان دة ممكن يحطك فى مشاكل كبيرة وانتى ساعتها اللى هتكونى بتخربى حياتك بايدك
ياريت تفكرى بحكمة عن كدة
وياريت اى حد يا جماعة يقرا مشكلة روبانا ياريت يفكر فى حل بجد يكون حكيم عشان انا مقدرة فعلا والله المشكلة اللى انتى فيها .
وربنا انشاء الله يوفقك ويبعد عنك كل اذى وشر
عايزة اوصللها و اكلمها بأى شكل ،،،
لو فعلت هذا يكون هذا أكبر خطأ فعلتيه
لا تتصلى بها
لا تتصلى بها
لا تتصلى بها
حافظى على بيتك وعلى زوجك……………لأن أفعالك وانهيارك ممكن جدا تجعله ينهار ويرجه لها مرة ثانية
حبيبتى لو أنه لا يحبك لكان رجع لها و كذب عليك فى كل شىء
حافظى عليه وعلى بيتك
اهتمى بنفسك كثيرا وتقربى منه و لا تجعلى الشك والغيرة تعمى قلبك
كثرة الغيرة والشك……………تجعل الزوج يكره زوجته
أنت تكلمى معه هو…………….وليس معها
قولى له …..هل تحب أن ترانى أحتفظ بصورة رجل غيرك فى أوراق الشخصية وخاصة لو كنت اعرفه سابقا؟؟
هل تحب أن تعلم أن رجل غيرك يكلمنى فى الهاتف ويرغب فى حبى؟؟
قولى له طالما أنك لا ترضى بذلك لى أو لأحد من أخواتك فلا ترضاه لنفسك أنت أيضا
وذكريه بالله…………..و بقدسية الزواج
ولا تسأليه عنها مطلقا………………<<لأنك بذلك تجعليه يتذكرها
ولا تذكرى اسمها أمامه قط
أسأل الله العظيم أن يفرج عنك و أن يوفقك إلى كل ما يحبه ويرضاه
.
اختي سبحان اللة انا متزوجة من ثلاث سنين ولي نفس قصتك ولما وجدت الصورةانهرت تماما وكان هزا فى ايام شهر العسل
لا تتصلي بها وصدقني هي الان مجرد زكري بالنسبة لة وسوف ينسها تماما فلا تاتي بسيرتها امامة واظهرى لة ما تحملية من حب وغيرة علية
لا تتصلي بالفتاة لأن ذلك هو التدمير بعينه , لأنك سوف تقعين في مشاكل لها أول وليس لها آخر ,
ثقي بنفسك وبقدراتك وبجمالك , اجذبي زوجك لك , أنت لست الوحيدة التي كان زوجها على علاقة قبل الزواج ,, أنا عزيزتي أعرف شعورك , لكن لا تدعي الشيطان يكبر الموضوع , ويسبب المشاكل وأنت لسا عروسة , عليك بالدعاء والالتجاء إالى الله بأن يجعلك زوجة صالحة ويجعلك أحب الناس إلى زوجك , ويجملك في عينه , ويبعد عنكما الفتن ما ظهر منها وما بطن , وادعي لزوجك بأن يحفظه الله من بنات الحرام ,,( والحلال هههه) ,
الله ييسر أمرك ويهدي قلبك و يفرج همك ,, وطمنينا عليك …………..
يسر الله أمرك وفرج همك , وهدى قلبك ,, طمنينا ……….
الله يكون في عونك
هذه أمور ممكن تحصل كثير
نصيحتي تاخذي بكلام omm habiba
اعيدي قراءة نصائحها واعمليها حرفيا
وهذا عين العقل .
قولولى رأيكم ارجوكم و لا تتخلوا عنى و اصبروا لا تملوا بسرعه من موضوعى لانى فعلا محتاجه اخد رايكم