وشوربة فواكه البحر
هنـــأ
سبيا (سبيد) مقطعه صغير وتتسلق لوحدها
ومية السلق تترمى
جمبرى بقشره يتسلق فى نص كواية ميه مع بصل وكرفس
يعنى يستوى فى ميته اوعى تزود الميه
جندوفلى طازه اوى ويتحط فى طاسه فيها ملعقتين زيت بيغلى
ويقلب لما يفتح تحط ملعقة توم مفرى وكمون وملح وكوباية ميه
وبرضه تاخد الجندوفلى على جنب بعد السلق
سمكه لحمها جامد زى قاروص او وقار او بورى كبير
تتسلق مع مستكه وحبهان وكرفس اخضر وبصلايه ونقطتين زيت وملح وفلفل
بعد سلق السمكه ناخد اللحم بدون الجلد ولا العضم
وفى شوربة السمكه نسلق جزر وبسله وبطاطس كله مقطع صغير
وشوربة السمكه هيه اساس الشغل
نخلط السبيد مع الجمبرى مع فصوص السمك والجندوفلى والخضروات المسلوقه
والكل ياخد غلوه واحده مع بعض
وبالهنا والشفا