كيك الخوخ
معظم الوصفات اللى شفتها لكيك الفواكه سواء كان اناناس او تفاح او خوخ
هى الكيكة المقلوبة
رحت لفيت ودورت لغاية ما لقيت وصفة لكيك الخوخ مختلفة شوية فعجبتنى براءة الفكرة وطبقتها والحمد لله
طلعت خطيرة
شكلاً ومضموناً
2 كوب دقيق
3 بيضة
كوب الا ربع لبن حليب
كوب سكر بودر
125جرام زبدة (اصبع وربع او نصف كوب)
خوخ معلب
ربع كوب العصير بداخل علبة الخوخ
فانيليا
بيكنج بودر
الطريقة
نخفق الزبدة حتى تصبح كريمية
نضع السكر البودر ونخفق
وبعدها نضع البيض بيضة بيضة مع الفانيليا
ونخفق حتى يمتزج الخليط ويصبح كريمى بهذا الشكل
ونضع ثلث مقدار اللبن
نخلط الدقيق مع البيكنج بودر
ونضع ثلث المقدار ونخفق
وهكذا حتى ينتهى مقدار اللبن والدقيق
يعنى بالتناوب
وآخر شئ نضيفه هو ربع كوب عصير الخوخ
ونصب الخليط فى صينية مدهونة زبدة او سمن
ونقطع الخوخ شرائح
نرص شرائح الخوخ بشكل دائرى على الكيك
الكيك قوامه ثخين شوية علشان الخوخ يعرف يتماسك عليه
وندخلها فرن مسخن مسبقاً على درجة حرارة 180 لمدة ربع ساعة وبعدها على 160 لمدة 25 دقيقة او حتى تمام النضج
وهنا بعد خروجها من الفرن مباشرة
قدمته بعد ما رشيت عليها سكر بودر وبث
وبالف هنا يا عسولات
لطش وجررررري
وبيعجبني لون كيكاتك من اسفل ممكن نعرف بتدهني القالب بايه
وانا كمان بدي قطعه من تيوليب افطر عليها
تسلم ايديك وصحتين وهنا
القالب الجميل ده جبتيه منين ؟؟؟
تسلم ايدك حبيبتي
شغل مرتب وكيكة فاخرة
الله يحميك حبيبتي
أيوه يا ست سندريلا
الناس تنام وانتي تنزلي الوصفات ,, ماشي ماشي
ما شاء الله يا بيرو ,, كيكة تشرف في التقديم ومتخيلة طعم الخوخ بما إني باموت فيه
تسلم الأيادي يا قمر ,, إنتي جايبه قالب الكيك منين
ويا ريت تدليني على محل يكون جامد كده لأدوات المطبخ (:
يعنى انا فضلت سهرانة منتظرة وانتى استنيتى اما نمت وروحتى منزلاها؟؟؟
عموما انا تخصص الكيكات المقلوبة وهانزل كيكتى المقلوبة قريبا باذن الله
خاصة ان كيكتك
يعنى
مش
اد
كده
هى
بس
رهييييييييييييييييييييبة
رووووووووووووووووووووعة
هاتى حتة يابت
هاتى كيكة يابت
والف سلامه علي الوالد الله يشفيه ويعافيه ولا يحرمك منه يارب
تسلم دياتك بيرو