السلام عليكم ورحمة الله وبركاته
كيفكم يا قمرات ويا عسلات ويا احلى عضوات في المنتدى
رح قدملكم اليوم شرايح اللحم على طريقتي خفيفة كتير وشهية والاحلى من هيك انها طرية كتير
المقادير
لحمة شرايح نصف كيلو (تكفي لشخصين ونص )
تتبل لليلتين بالثلاجة بما يلي
رشة صغيرة (فلفل اسود * فلفل ابيض * ملح * كمون * روز ماري * كربوناتو (بيساعد على طراوة اللحمة ) )
ملعقة كبيرة خل ومثلها صوص الصويا
ورق غار و عودين قرنفل (مسمار يعني )
بعد ليلتين تغسل من التتبيلة السابقة تماما وتتبل بما يلي
فلفل اسود
روز ماري
صلصة الصويا (اختياري احيانا ما بضيفا )
في حالة اضافة صلصة الصويا لا تضعي ولا ذرة ملح لانو بتكون مالحة بالاصل
بصلة وسط
قرن فلفل فطر انا يومها استخدمت الفطر الصيني الاسود الميغو (اختياري ايضا )
ملعقتين زيت زيتون واذا بتحبها خفيفة زيت نباتي ممكن لكن انا استعملت زيت زيتون
الطريقة تتبل الللحمة بالمقادير السابقة
جبت صينية
غلفتها بالقصدير من الاسفل
فرشت شرايح اللحمة
رشيت البصل
فلفل الاخضر والفطر
سكبت الزيت ع الوجه
هون صورة اقرب
غلفتها بالقصدير
دخلتها الفرن انتبهو ع الرقم 160 درجة يعني ع نار هادية وبتعيري الفرن ع الاربع ساعات
بعدها بتطالعي اللحمة وبتستنهي باطيب ستيك من مطبخك بتتبيلة شهية
صحيح بتحتاج وقت بالفرن بس صدقوني سر طراوتها النار الهادية
وهاي الاول رد
وهاي لاحلى نواعم باعتبار في ناس مبلشة ريجيم قاسي 
سامحوني على رداءة الصورة كنت عم صور وانا متوترة 
لانو كان في قط واقف جنبي بدو يخطف حبة بندورة 
جربها وادعولي اكيد رح تعجبكم كتير
ولا تنسوني من خالص دعاءكم
احبكن في الله 
والسلام
نورتي الركن بس شو هالقط النباتي اللي بياكل بندوره صحه وهنا يا رب
تسلمي وصفه شهيه بارك الله فيك
ما هو القط مفطوم ع البندورة ولو كنت بندورة ماكنتي شفتيني هون 
شوفي حجم المعاناة
ربي يخليكي يا قمر ما هي الوصفة مخصوص عشانك سمعتك عاملة ريجيم هاي وصفة بلا شكولاته 
طيب بدي اسالك حبوبة بالعادة ستيك لحم العجل بينشف وعم تقولي انه
ما شاء الله طري من النار الهادية طيب وانا بعملهم على نار هادية كمان
وما بيطلعوا طرايا ؟ معقول من الكربونات اللي نقعتيهم فيهم ليلتين؟
تسلم ايدك وايد القط الحلو هاد
وصحتين وهنا علىالبندورة يارب
متل سروجتي مابعرف اعمل شيء منه لازم بكل موضوع تطلع ايده ههههههههه
تسلم ايدك علىالستيكات انا اخذت صحن اخبيه للغدا
كتبت بواسطة noon84 
طيب بدي اسالك حبوبة بالعادة ستيك لحم العجل بينشف وعم تقولي انه
ما شاء الله طري من النار الهادية طيب وانا بعملهم على نار هادية كمان
وما بيطلعوا طرايا ؟ معقول من الكربونات اللي نقعتيهم فيهم ليلتين؟
الله يسلمك يا قمر
ما بتصدقي اذا لقتلك انو ما بقا اقدر اسكبها بالصحن ع قد ما كانت منهية نهي
والسر مو بس بالكربونات السر بالطهي ع النار بعد التغليف
وبحكيلك القصة كيف فكرت بطريقتها
كنت بحكي مع صديقتي وعمتقلي عاملة فخدة خاروف الفرن سالتها كيف بتعمليها فقالتلي انو بتبلها ليليلتن بالبهارات وتالت يوم بتغلفها قصدير وبتحطها بالفرن 6 ساعات 120 فقلت اكيد بتزبط ع الستيك لانو كنت عاني نفس معاناتك وفعلا جربتها ونجحت وهاي تاني مرة بعملها بنفس الطريقة لكن اضفت الصويا للتتبيلة النهائية واضفت الخضرة وحطيتها 6 ساعات لكن هاي المرة اكتشفت انها بتستوي من الاربع ساعات (الطبخ تجارب )
واي سؤال حبيبتي لا تخجلي 
محسوبتك بس بدها راس خيط لتحكي 
ههههههه
وتسلم الايادى الجميلة
والف هنا وعافية على قلوبكم يارب
كتبت بواسطة أم مــــالــــك تسلم ايدك وايد القط الحلو هاد
وصحتين وهنا علىالبندورة يارب
متل سروجتي مابعرف اعمل شيء منه لازم بكل موضوع تطلع ايده ههههههههه
تسلم ايدك علىالستيكات انا اخذت صحن اخبيه للغدا
الله يخليكي يارب ويخليلك الامور
حبيب قلبي بحب الشهرة 
ما بتصدقي اديش بتحب البندورة احيانا بكره حط خضرةمشكلة ع لفطورلانو بتترك كل شي وبناكل البندورة
تسلم ايديكي
