حياكم الله أخواتي العزيزات..حبيت أحط لكم هذي العجينة وصدقوووووووني لو أقول أكثر من رائعة شوي عليها..
طبعا هذا ليس مدحاً لأنها عجينتي..
لكن الصراحه جربت فيها أنواع كثيييييييرة ماشاء الله.وكل نوع يطلع أحلى من الثاني .. وتنفع للحلو والمالح..
وأحين صارت معتمدة عندي..وحتى لو تخلونها لليوم الثاني تظل طريييييييية .. وريحة الخميرة ما تبين فيها..
طبعا هي من زمان معتمدة عندي..بس ما حبيت احطها لكم … قلت خليني اول شي اسويها فيها أنواع وبعدين أحطها لكم في ملف عشان تشوفون كيف أنها متعددة الاستعمالات..وان شاء الله الملف..يحوز على اعجابكم..
دعواتكم لي بكل خير .. هذا هو هدفي من الموضوع 
نبدأ أولا بالعجينة ..
//المقادير//
2/1-3 ك طحين
3 م ك حليب بودرة
3 م ك سكر
ملح..(بالنسبة لي اذا كانت العجينة لحلو أحط 1م ص واذا للموالح 2/1-1 م ص..)
1 م ك خميرة
1 م ص باكنج باودر
4/1 ك زيت عادي…(للبيتزا أستعمل زيت زيتون)
4/3 ك ماء دافئ
4/ ك لبن (الحامض).. أو علبة روب(زبادي)اللي حجمها 170 غ..
//الطريقة//
– نخلط أولا المقادير الجافة مع بعض..
– ثم نضيف المقادير السائلة ..
ونخلط أقل شي لمدة 10 دقائق..حتى تتكون عجينة قليلا تلتصق باليد .. وناعمة..لاحظو مثل الصورة..
إلى هنا انتهينا من العجينة الأساسية..طبعا نتركها تخمر لمدة ساعة ثم نبدأ بتشكيلها..
ملاحظة::اللي ماعندها العجانة..عادي تقدر تعجن العجينة باليد ..
//البيتزا المقرمشة//
..الحشوة..طبعا هذي الحشوة العادية واللي دايما استعملها..
كاتشب ثم الخضار العادية..زيتون اسود..بصل..طماطم..فلفل أخضر (رومي)..واللي تحب تحط مشروم أو نقانق..وووو الخ..
وجبن موزاريللا للوجة..
الكاتشب خلطت معاه أوريجانو..وعطاه طعم رووووووعه..وهي صورتة..
نفرد العجينة..في صنية البيتزا..واللي يخليها مقرمشة .. هو فرد العجينة بشكل رقيييييق..ثم نمسح الوجة بالكاتشب المخلوط مع الاوريجانو..
ثم بقية الحشوة…
ثم نرش جبن الموزاريللا المبشور..
ندخلها الفرن حتى تحمر من الأسفل والأعلى..وهذا شكلها..ماشاء الله..
شفو الأطراف كيف مقرمشة..يمي يمي..
.. وعملت منها..فطاير البيتزا..أولا نفرد العجينة بشكل دائري..نضع حشوة البيتزا مع الموزاريللا..ثم نغلقها على شكل نصف دائرة..ثم مكان الغلق نخليه للأسفل..وراح تطلع بهذا الشكل..تابعو الصور..
وهذا شكلها النهائي..ماشاء الله..
يتبع..
نفس الحشوة السابقة..ولكن هذي المرة فردت العجينة شوي أسمك..وهذي صورتها..ماشاء الله..
//بيتزا الدجاج//
نفرد العجينة نسمح الوجه بالكاتشب..أو اللي تحب بصلصة البيتزا..ثم نوزع قطع الدجاج المطبوخ بالطريقة العادية((اللي استخ
متة كان دجاج مقلي مقطع لقطع ضغيرة))..ثم نرش الوجة بجبن موزاريللا..
قل دخولها الفرن..
بعد خروجها..
ما قدرت أصر لكم قطعة منها .. لأني وقتها كنت طالعة..
//ميني بيتزا//
نفرد العجينة .. ثم بواسطة قطاعة دائرية نقطع العحينة..وهذي المرة حبيت أخليها سمييكة..مثل ما تشوفون..ث نضع الحشوة
وهذي المرة خلطت الكاتشب مع كمية قليلة من المايونيز,,والدقوس(اللي هو الشطة السائلة)..
نرش الوجة بالموزاريللا..
ندلخا الفرن وهذا شكلها بعد ما طلعتها من الفرن..ماشاء الله..
نقدمها ساخنة..
وعملت معاها..فطاير الجمبو بحشوة البيتزا..وهي نفرد العجينة على شكل دائري وتكون الدائرة شوي كبيرة .. بعدين نحشيها بالحشوة البيتزا .. ثم نفلق العجينة على شكل نصف دائرة..وندخلها الفرن بعد دهن الوجة بالبيض ورشة بالسمسم..وبد خوجها من الفرن نقطعها لقسمين أو ثلاثة..وهذا شكلها ..ماشاء الله..ولا قوة الا بالله..
يتبع..
فكرة الشكل خذتها من الأخت العزيزة أم أيوب..الله يعطيها كل عافيه يارب..
نفرد العجينة بشكل دائري.. طبعا مع تخريم الوجة بالشوكة وهذي الطريقة نتبعها لكل أنواع البيتزا..ثم نعمل كور نحشيها بجبن كيري أو أي نوع تحبونة .. وحجم الكور تقريبا مثل حجم كور خلية النحل ولكن أفضل لو تصغرونها ..أنا شوي كبرتها..لأني كنت مستعجلة..ثم نصف الكور على طراف العجينة كثل الصورة..
ونكمل الباقي بنفس الطريقة ثم نسمح الوجة بالخلطة..وهذي المرة استعملت خلطة هند..وهي نخلط كتشب مع القليل من المايونيز والزعتر.. وقليل من البصل المفروم نااعم..
نوزع الحشوة..
نرش الموزاريللا..
ندخلها الفرن حتى تحمر,,ويذوب الجبن..وهذا شكلها ماشاء الله..
وهذي قطعه منها..ماشاء الله.
//بيتزا الجبن//
الطريقة العادية..نمسح الوجه بالكاتشب..ثم نرش الموزاريللا .. فقط..
وهذا شكلها ..ماشا الله ولا قوة الا بالله..
وهذي قطعة منها..ماشاء الله..
خلصنا من البيتزا..
نفرد العجينة على شكل مستطيل..طرف نرشة بجبن حلوم..والطرف الثاني زعتر مع شزي زيت زيتون..مثل الصورة..
نلف الطرف الأول الى المنتصف..مثل الصورة..
ثم الطرف الآخر..
للكرواسون..نفرد العجينة على شكل دائرة كبيرة ثم نقعطها لمثلثات…بهذا الشكل..
نضع الحشوة..استخدمت جبن حلوم..ثم نلفها بهذا الشكل..
.. نضعها في الصينية مع الفطيرة السابقة..ونسم وجههم بالبيض ثم نرش سمسم..وهذا شكلهم بعد خروجهم من الفرن..
نقطع الفطيرة..على شكل شرائح..ونقدمهم ساخنين..ماشاء الله ولا قوة الا بالله..
صور مقربة..ماشاء الله ولا قوة الا بالله..
ماشاء الله ولا قوة الا بالله..
وعملت ايضا.. فطاير الحلزون..نزلت طريقت لفها من زمان..ولكن هذي المرة حشيتها بجبن حلوم..
شوفو كيف هشة ماشاء الله..
يتبع..
نعمل كور نحشيها بجبن كيري .. ثم نصفها في صينية .. انا اسخدمت صينية الشيزكيك ..حتى يسهل علي اخراجها من الصينية مع محافظتها على الشكل..
نعمل كور كور متوسطة..وبدون حشو..يعني فاضية..
نتركهم يختمرون مرة أخرى..
وهذا شكل الخلية بعد التخمير((ترا هذا يعتبر التخمير الثاني))وندهن الوجة بالبيض .. ونرش سمسم.
وهنا الساندويشات بعد التخمير الثاني..ودهن الوجة بالبيض والسمسم..
وهذا شك الخلية بعد خروجها من الفرن..ماشاء الله ولا قوة ال بالله..
وهذي قطع منها..ماشاء الله..
شوفو كيف هشة .. ماشاء الله..
وهذا شكل الساندويشات..
ننقطعها من النصف نمسح قليل من المايونيز ونضع جبن شيدر مبشور قليلا..ثم شرائح من الخس والخيار..طعمه لذييييييييذ..وخفيف..
ماشاء الله ولا قوة الا بالله..
صورة مقربة..ماشاء الله..
يتبع..
أولا نحتاج ..لجهاز خبز الخمير … لعمل الخبز فيه..وهذا شكلة..
وهذا شكلة من داخل..
نفرد العجينة ونقعطعا بالقطاعة..بهذا الشكل..
نكن مشغلين الجهاز من وقت .. لازم يكون سااخن.. نمسحه بقليل من الزيت.. نضع الدوائر.بعد مسحها بالبيض ورش السمسم..
ونخليها بس حتى تحمر من الأسفل..بعدين على طول نحطها داخل الجهاز حتى يحمر الوجة وتنتفخ..وترا ما تاخذ وقت يدوب بس ثوانييييي..وهذا شكلها ..شوفو كيف صارت منتفخة ماشاء الله..
وهذا شكلها من داخل ماشاء الله..
نكون مجهزين الفلافل..وللأمانة مش أنا اللي مسوتنة غيري في البيت مسونة..وممكن تستعملون فلافل الجاهز..
وهذا شكلة ماشاء الله..
وبالأخير نخلط كمية من الروب مع الطحينية..نمسح بها الخبزة من الداخل .. ثم نضع شريحه فلافل .. هنا الفلافل كانت مقسمة كل حبة لنصفين..ثم نضع شريحه خيار .. وطماطم..
صورة مقريبة ماشاء الله..
يتبع للحلو..
//كيكة التايجر//
هذي الطريق خذتها من الأخت العزيزة ماكو أسامي الله يسلمها ويعافيها ان شاء الله…بس عملتها بعجينتي..
للصق:: بيضه فصلي صفارها عن بياضها واضيفي للبياض نص م ص قرفه
للوجة::صفار بيضة + م ك حليب سائل وقليل جدا من الفانيلا..
للحشوة::
4 حبات كيري
نص كوب تمر مفروم
نص كوب طحين
بيضه كامله
م ص زنجبيل مطحون ومثلها هيل ((ما استعملت زنجبيل))
و1 م اكل قرفه
طبعا نخلهم مع بعض جيدا..وهنا صورة العجينة بعد التقسيم(نقسمها لخمس كور تقريبا) ..وصورة الحشوة..
نفرد كل كرة بشكل طولي..ثم نضع الحشوة على طولها بهذا الشكل..
ثم نغلقها وتصير بهذا الشكل..وعند الاغلاق حاولو تضغطون عليها عشان ما تنفتح عند الخبز..
نضعها في قالب مفتوح من الوسط بعد دهنة بهذا الشكل..
طبعا نكمل البقية بنفس الطريقة وكل مرة نكمل اللف حتى تصير بهذا الشكل مع مراعة دهن كل مرة من خليط اللصق على الوجة..
حتى الانتهاء من كل العجينة ..وهذا شكلها..
نتركها تخمر قليلا ثم نمسحها بخليط الوجة.. نم ندخلها الفرن حتى تحمر وتنضح..ثم نقلبها نصب على الوجة حليب مركز ومحلى ثم نرش قرفة..وهذا شكلها..
وهذي قطعة منها ماشاء الله..
ماشاء الله طلعت كثيييييير طرية وهشة..وطعمها رووووعه..ماشاء الله ولا قوة الا بالله..
يتبع..
طعمها لذييييييييييييذ جداً وخاصة اللي يحبون الجالكسي..
وسمحولي يمكن التصوير شوي مب واضح..مادري منو كان لاعب بالكاميرا هههههههه.. وشوي طلع التصوير مب واضح..
استعملت الحجم الكبير..قطعتة لقطع صغيرة..
طبعا الطريقة نفس الطريقة العادية للخلية..بس بدل حشوة الكيري نحشيها جالكسي..
أو ممكن نعملها في قوالب الكب كيك الصغيرة..
وهنا بعد خروجها من الفرن..
وهي حارة على طول نسقيها بالحليب المركز,,ثم نرش قرفة..
أما اللي في قوالب الكب كيك خليتها بدون صوص .. للي ما يحبة..
صدقوني طعمة طلع رووووووووووووووووعه..وهش جداً.
ولكن هنا بدل 4/1 كوب زيت في العجينة .. نستبدلة بـ 4/1 كوب زبدة لينة (نص اصبع= 50 غ)..
وضروري استخدام الزبدة هنا لأنها هي اللي تعطي العجينة هشاشة..الدونات..
طبعا نفرد العجينة..ودايما أحب اسوي الدونات بالحجم الجامبو..لذلك أفرد العجينة وأخليها سميكة شوي .. ثم نقعطها بقطاعة الدونات..ونصفها في صينية ..
طبعا نتركها تخمر مرة أخرى حتى يتضاعف حجمها..ثم نقليها في زيت غزير وساخن..
وبعدين لازم نخليها شوي.. ثم نرشها بالسكر لأن اذا على طول طلعناها من الزيت وحطيناها بالسكر راح يتكتل مثل ماصار ..شوفو الصورة هنا..
لو خليناها فترة بعد القلي ثم رشيناها بالسكر ماراح يتكتل بس العجلة وما تسوي ههههههههه..
ماشاء الله..
شوفو كيف هشة من داخل ماشاء الله ولا قوة الا بالله..
وهنا بعد..ماشاء الله..
والباقي من العجينة عملتة على شكل حلزون بهذا الشكل..
تعبت الصراحه من الكتابة وتحميل الصور
تم بحمد الله
ودعواتكم لي بكل خير يا أخواتي العزيزات…
.