الشاطرة في طبخ الرز تدخل 2024.

الرز وما أدراك مالرز ؟؟؟!
هذا يبي له إبدااااااااااااااااااااااااااااااااع
وراح أعطيك طريقتي ..

إذا تبين رز وأحسن من أي مطعم
(( استعملي السمنه في تحمير البصل ،،
بصلة مقطعة صغير
وضعي معها حبتين أو ثلاث مستكة
ومثلها هيل وقرنفل وعود قرفة وورق غار
وحطي عليها ملعقة سمنة وحركيها ولا تخليها تطول يعني مجرد تذبل البصلة ويتغير لونها ويصيرشفاف
صبّي عليها كوب مويه
وملعقة كبيرة ملح
وملعقة صغيرة من الملح الصيني (( أجينوموتو << معزز النكهات ))
وأتركيها شوي ع النار حتى ينضج البصل
والرز تكوني ناقعته لمدة نص ساعة بمويه دافية أو ربع ساعة موية حااااااااااااارة (( أنا أستخدم الوليمة مرة روعه ))
ضعي الرز على النار وشوفي الملح إذا مناسب أو لأ ..
وحطي عليه مويه وتكون فوق الرز بـ 1 سم
ومقدار غطا خلّ أبيض
وأتركية على نار هادية حتى ينضج
وإذا خلّص وزعي على الوجه << وهو لساته في القدر ملعقة سمنه فلفل رومي مقطع كبير للنكهة فقط وغطي عليها شوي حتى تذوب السمنه وتمتعي بأروع رز …
وإذا تبي تضيفي لون … ممكن تنقعي الزعفران في مويه حارة أو مرقة لحم وتوزعيه ع الوجه بعد ما ينضج
وبالنسبة للتزيين وقت التحضير لك كامل الحريّة
<<< بصل مقلي ,, مكسّرات << كاجو صنوبر ،، زبيب ،، مكرونه ………… إلخ
<<<< للعلم الكمية هذي لمقدار صغير إذا كنتي تبينها للعزايم فضاعفي الكمية ..

وهذي صورة السمنة من تصويري أرجو المعذرة لأنها مب واضحة

وهذي صورة الملح الصيني اللي بجنب معجون الطماطم <<<< كففففففف

والصورة ملطوشة

وفائدة الخلّ ما يخلي الرز يتعجّن ولا يلتصق ببعضه … يعني يخلّيه نثري وكل حبة لوحدها ..

والمستكة تعطي نكهة لذيذة جداً ..
وللعلم :

كل ما طالت فترة النقع للأرز كل ما طالت حبّته لكن حاولي ما تكثري عيله مويه لما تطبخيه ولا تحركي لأن الحبّه بتتكسّر

طولتها وهي قصيرة

أتمنى أكون أفدتك ..

ربي ييسر أمرك ,,