اتمنى منكم جميعاً إرشادي في كيفية التعامل مع موقف إبني و إبن اختي …
ولدي عمره سنه و نصف .. و ولد اختي اكبرمنه بشهر.. المهم ولدي طبعه مسالم و هادي وايد وايد . و ولد اختي عكسه .. ولد اختي من يشوف ولدي على طول يضربه 
ما اعرف شنو السبب .. يضربه بأي شي بيده ولدي صاير وايد يخاف منه و حتى يخاف يقرب من الأطفال حتى إلي اصغر منه من يمدون يدهم عشان يلعبون وياه هو يصكر عينه .. عباله بيضربونه وايد خايفه على شخصية ولدي .. انا بالبدايه ماكنت اتكلم .. بس بصراحه الحين قمت امنع ولد اختي يقرب صوب ولدي ادري ان هذا تصرف مو سليم بس انا ماسويت هالشي إلا لأن قبل سبوعين ولد اختي ضرب ولدي بلعبه حديد .. حاده و ثقيله وولدي وايد تعور مسكين .. راسه للحين ازرق قولولي شنو احسن حل ..
Om-YouSeF
ابنتي عندما كانت صغيرة كانت صديقتها تضربها دائماً، لهذا أصبحت أمتنع عن الذهاب إلى بيت هذه الفتاة، وإن ذهبت أذهب من غير ابنتي.
وبعد فترة كبرت الفتاة وأصبحت من أعز صديقات ابنتي.
فأول ما عليك عمله أن تكلمي أختك عن تصرفات ابنها، وأخبريها أنك لن تستطيعي أن تتركي ابنك مع ابنها للحظات لأنه مؤذ، وعلى الأم إما أن تتصرف مع ابنها وتمنعه من هذه الشراسة وتجلسه قربها بلا حراك، أو لا تأتي به إلى بيتك. يجب أن تصلا إلى اتفاق من غير حساسية.
وعندما يختلط طفلك بأطفال مسالمين مثله، سيعود إليه الأمان ولن يشعر بالخوف من الأطفال بعد.
الغريب أنه صغير في السن ليكون بهذه الشراسة، يا ترى كيف تتعامل أمه ووالده معه في المنزل؟
لا بد أنه أخذ هذه الشراسة والعصبية من مكان ما. ربما يكون فاقداً للحنان بعض الشيء.. أو يشعر بالغيرة من أخوته إذا كان لديه أخوة.
كان الله في عونك.
اختي إيمان شكراً على الرد ..
انا يوم صار ذاك الموقف انا على طول امنع ولدها من ضرب ولدي بس اكتشفت انها تزعل عندما اكلم ولدها .. اختي ما تتصورين ولدها لأي درجه شرس و طباعه مو زينه .. تخيلي عندما يقرا ابوي قصه لهم ما يرضى ان ابوي يقرأ لهم اثنينهم .. لازم يزيح ولدي من جدام القصه بعدين يستانس .. و بعدين على طول مايخلي ولدي يلعب .. إذا المكان مملوء بالألعاب مايرتاح إلى لما يأخذ اللعبه إلي بيد ولدي .. وولدي من الخوف يعطي انا اخاف إن ولدي شخصيته تتأثر .. و انا وحده ما استغرب من تصرفات ولد اختي لأن من كان طفل صغير جداً كانت قاسيه عليه و لليوم اهي قاسيه اتمنى لها الهدايه ..
Om-YouSeF
وشكرا
اذا بدها تزعل اذا تكلمتي معاه، معناه تتصرف هي معه وتمنع شره.
مسكين هالولد، هو مظلوم كثير. حاولي تحني عليه انت كأنه ابنك حتى يشعر بحنانك خاصة انك أخت أمه، يعني عطفك عليه رح يساعده كثير. يمكن تعوضيه بعض الشيء عن أمه.
وشيء آخر حاولي تخليه عندك مرة من المرات من غير ما تكون أمه، ما رح تصدقي الولد كيف رح يكون مهذب!!!
صغير اكبر اشوي من ابن اختك ودايم توذي بنتي باي شكل من الايذاء زي ما قلتي عن ابن
اختك مع ان بنتي اكبر بتقريبن 3 سنين وبنتي جدن مسالمه بس من كثر ماتتذئ ما تتحمل وتخيلو
الكل يهاوش بنتي ليش تدفعين عن نفسك اهي صغيره امها واخواتي واخواني وامي مع ان بنت
اختي الي غلاطانه لدرجه ان بنتي حست بضلم وصايره تصرخ واشوي بتنجن وخفت يجيها حاله
نفسيه واختي محد يقدر يقولها شئ لانها حساسه وتزعل وبنتها صايره شرسه لان اختي مدلعتها
بزياده وتخليها علئ كيفها ومن الصعب النقاش معها والله مشكله احيانن الواحد ينحرم من اهله من
اجل مثل ها المشاكل والله يعين وغلط انك ماتدافعين عن ابنك لانه مو غلطان واجلسي مع امه
وقولي يااما انك تمنعين ولدك او لاتلوامني اذا منعته ليش كذا بعض الناس انا ني في مثل ها ا
لمواقف يقهروني الي يتركون ولدهم علئ كيفه وياويل احد يقول له شئ وهم اذا احد ضرب ابنهم
ياويله وياسواد ليله وانا اعتب باالاخص علئ الاخت 0
مشكورين على الردود المفيده ..
عذوق : صح انا معاك كلهم اطفال بس في خطر على ولدي .. لأن ولد اختي اي شي بيده يضرب فيه .. الله يعينني ..
إيمان علي : اختي هو يوم كان وايد صغير إذا عانى من المغص كانت تصرخ و تتضايق .. و اختي هو كان عندي طول فترة إلي اختي كانت بالحج .. بس ماكو فايده .. هذا هو نفسه .. صدقيني اختي انا احبه وايد .. مهما يكون هو ولد اختي بس مايصير إن ولدي يتأذى .. صدقيني إذا ولدها يبي لعبه من يد طفل ثاني تروح و تاخذ اللعبه و تعطيها لولدها .. و إذا ما سوت هالشي ولدها بس يبكي .. لما اقول حق امي تقول لا تصغرين عقلك هم اطفال .. انا لو ولدي يلعب معاه و اختلفوا ماكنت راح اتدخل .. بس انا ولدي قاعد بحاله و ينضرب .. و مشكلتها انها ماتحمل ولدها اي غلط .. تقول حق ولدي ليش ما تدافع عن نفسك .. ماتبي ولدها يصير مسالم لا تبي كل الأطفال يصيرون شرسين .. الله كريم .
الشعاع : اختي والله حاسه بمشكلتك .. انا اختي بعد تزعل لما اكلم ولدها .. مادري ليش يزعلون و هم يدرون ان عيالهم غلطانين .. لا و تلقين إذا بنتك ضربت بنتها اختك بتزعل و تغضب بعد .. الله الهادي ..
Om-YouSeF