اليوم عندي كمن طبق للفطور … فقلت انزلهم لكم ممكن تستفيدون منه
واذا عندكم افكار تحطونها لنا نستفيد منكم …
نحط الملح وبهار وفلفل اسود ..
وممكن نرش عليه جبن تشيدر مبشور يطلع امممم ..
الطريقه والمقادير …
طماط .. وبيض .. وزيت زيتون .. وممكن زيتون
نقطع البيص والطماط ونرشه بالملح وفلفل اسود حسب الرغبه
ونحط عليه زيت زيتون ..
يخلط مع بعض ..
وياكل بالعااااااافيه …
المقادير والطريقه …
بيض .. وطماط .. ملعقتين جبن كرافت .. فلفل حار حسب الرغبه …
نحط اشوية ريت ونضيف له الطماط المقطع ونتركه لين يذوب
ثم نحط عليه البيض المخفوق .. ونحركه قبل لا نسكر عنه
نحط ملعقتين الجبن …
نصب عليه زيت زيتون حسب الرغبه .. وبالعااااااااااافيه …
المقادير والطريقه ..
بصله .. طماطه .. بيض .. جرفه .. وبهار .. ملح .. ملعقة صلصه ..
نحمر البصل بس حتى يصفر ثم نحط الطماط ونتركه يذوب
نحط ملعقة صلصه حسب الرغبه والبهار .. نحط عليه نص كوب ماي
ونخليه يفور .. نحط البيض بدون خفق يعني عيون
ونحركه خفيف لين يستوي البيض .. حتى لا يتكسر
ويقدم ويكون بها الشكل …
المقادير والطريقه ..
علبة فول .. بصله .. وطماطه .. صلصه .. بهار .. ملح .. كركم …
نحمر البصل والطماط نضيف له الصلصه ثم نحط عليه البهار والكركم والملح
نضيف له الفول ونخليه يطبخ .. واذا حابه تهرسينه او تخلينه بحباته …
ويقدم وبالعااااااااااافيه …
المقادير والطريقه …
علبة فول مهروس … زيت زيتون .. ملعقة طحينيه ..
نفتح علبة الفول ونحطها على النار نحط عليه زيت زيتون
عند التقديم نحط عليه الطحينيه .. وحبات الطماطم …
حسب الرغبه .. وبالعافيه ..
المقادير والطريقه …
جبن للسلطه .. طماطه .. خياره .. خس .. زيت زيتون ..
تقطع السلطه وتخلط مع الجبن وزيت الزيتون وتقدم …
وبالعااااااااااااااااافيه ..
المقادير والطريقه …
خبز التنور او الخبز العربي .. بيض .. شرايح طماط .. بقدونس مفروم
ملح .. فلفل اسود .. فلفل احمر …
يخلط البيض والبهار والملح والبقدونس ..
نحط الخليط على الخبز .. واذا حابه تحطين شرايح الطماط حسب رغبتج
نرشه بالجبن وندخله الفرن ونشغل عليه من فوووووق .. وبالعافيه …
المقادير والطريقه …
بصله .. طماطه .. بهار .. ملح …
نحمر البصل والطماط وشوية ماي ونحط عليه الملح والبهار
نضيف البيض بدون ما نكسره .. يعني عيون نخليه على نار هاديه
وبالعاااااااااااااااافيه …
الفاصوليا …
شرايح القمح مع الحليب …
بيض كيري .. وعسل …
واخيرا بالعااااااااافيه عليكم .. وان شاء الله استفدتوا ..
والسموووحه ع الاطاااااله …