للخوات المصريات ابغى طريقة صينيه البطاطس اللي تجي مع المسلسلات المصريه شكلها حلو واكيد طعمها اطيب
ثم تضعى عليها حلقات طماطم وحلقات فلفل أخضروحلقات بصل
ويمكن إضافة قطع من اللحم أو الدجاج
ثم تضعى عليها شوربة لحم أو دجاج وعلى الوجه ملعقتين صلصة طماطم ويمكن أن تستغنى عن الشوربة بوضع عصير طماطم متبل بالملح والفلفل وعلى الوجه ملعقتين سمن أو زيت
ثم تضعي الصينية على النار حتى تغلى وتكملى سواها فى الفرن
وبالهنا والشفا
اول حاجة يا ستى واهم حاجة اننا بنستخدم عصير طماطم فريش ودة اللى بيديها الطعم
اغسل البطاطس وقشريها وقطعيها حلقات مش رفيعة اوى يعنى متوسطة
ابشرى بصلة خشنة
وفصين توم مبشوريين
ملح, فلفل , جوزة الطيب , نص فص مرقة وممكن تستغنى عنة
رصى البطاطس فى صنية احلى حاجة بتكون لما تضيفى فراخ اسفة اقصد دجاج او لحمة من فترة عملناها بريش ضانى وطلعت تحفة
بس لو ناوية تحطى لحمة او دجاج ياريت تكونى واخدهم غلوة قبلها عشان يكون مستويين كويس
يعنى اللحمة تكون نص سوا الدجاج مش شرط لانة مش بياخد وقت زى اللحمة
المهم يا ستى رصى البطاطس فى طاجن وحطى الدجاج او اللحمة اللى عندك وحطى البهارات والبصل والتوم بعدين ضيفى عصير الطماطم
وشوية سمنة وممكن تحطى معلقة صلصة جاهزة لو تحبى تكون الصلصة تقيلة
لو حتحطى مرقة خلى بالك من نسبة الملح لان المرقة بتكون مملحة
لو حتحطى فراخ او لحمة مش لازم تحطى شوربة بس بيكون طعمها احلى
ماتكتريش الشوربة يعنى يادوبك تكون مغرقة البطاطس وفوقها بشوية
بعدين حطيهم على النار على العالى او ما تغلى وطى النار وغطيها لحد ما تشرب مايتها
بعد كدة حطيها فى الفرن تتحمر بس خلى بالك يكون فيها شوية مرقة عشان مش تتحرق
حطيها تحت فى الفرن بعدين طلعيها فوق
وبالهنا والشفا احنا فى البيت دايما نعملها مع الارز المدسوس
وان شاء الله تعجبك وادعيلى الله يجزاكى خير الله يحقق اللى ببالى واتزوج عن قريب
بنقشر البطاطس وتقطع حلقات متوسطه
بقطع بصل شرايح (نص حلقات) وبقليه فى السمن فى صينيه الفرن اللى هعمل فيها وبعد كده بحط عليه البطاطس واقلبها مع البصل كذا تقليبه
لحد مايبقى لونها دهبى وبعد كده حط الدجاج المسلوق نص سلقه او اللحم واللحم الضانى رررررررررروعه
وبغطى الوش بطماطم مضروبه فى الخلاط والتوابل (ملح- فلفل- بهارات)واسقيها شوربه من اللى عندى
وبسيبها لحد ماتستوى على النار وبعدين ادخلها الفرن تحت الشوايه شويه بسيطه
وألف هنا وشفا
للحياة معان الله يوفقك وينولك مرادك ويزوجك زواجه مترتبه من عريس لقطه