السلام عليكم ورحمة الله وبركاته
يالغاليات السالفه ومافيها كنت جايه من زيارة اهلي وبعدين رحت اسبح عيالي ولما سبحتهم رحت معاهم نقرى ايات
قبل النوم ولما ناموا الكبار بقت بنتي الصغيره وهي عمرها سنتين وصيت الخدامه عليها قلت لها اني بتسبح
علشان لما اخلص انومها لما تسبحت وخلصت كنت لابسه الروب وقلت للخدامه زهبي حليب البنت ولما تجيبينه
جيبي معاك الادويه لان فيها كحه ورجعت البس ملابسي ولما طلعت من الغرفه لقيت الموقف اللي ماتمناه اي ام انه
يصير لاحد من عيالها لقيت بنتي فاتحه ادواء وتشرب وتقولي ماما حلو صرخت وناديت الخادمه وقلت لها وينك
عن نور قالت انا اسوي الحليب قلت لها ليه تحطين الادويه وتروحين انا قلت لك لما يخلص الحليب جيبي معاهم
الادويه ماقلت لك قطيهم
والله يابنات ولا هتمت ان البنت شربت الدواء ولا شي ولا حتى بين عليها الخوف عليها وكان البنت شاربه عصير مو دواء وراحت ولغرفتها ونامت وقلت اكيد راح تسالني عنها الصبح والله يابنات ولا في الحسبان
حقدت عليها حقد 
لاني والله اني مااقصر في حقها يعني على سبيل المثل اذا رحت انا مع عيالي ناكل في مطعم تقعد معانا على نفس الطاوله ….واخليها تتصل على اهلها من مبايلي …..واي شي اطلبه للعيال مثل برد اوكاكاو اطلبلها مثله … واذا شريت لعيالي ملابس او اي لعبه اشتري لبنتها مثله …غير اني واعدتها اني اشتريلها مبايل اذا بغت تسافر واني اعطيها غسالتي الثانيه لانها صغيره علينا وشريت بدالها اكبر ولا وبعد الغساله الاوتوماتك والله انها جديده يعني انا اللي اغسل فيها ……واذا رحت للجمعيه الاقي خضرت سيلان واشتريلها منها لدرجة ان سيلانيات خواتي يقولون لها انتي عايشه بنعيم ياليت انا احنا نشتغل عندها. وملابسها واغراض الحمام لها كله من حسابنا
وفوق هذا معاشها 55 دينار لانها شتغلت سنتين عندنا وراحت وردت وبتكمل سنتين يعني اربع سنوات … وفوق هذا انا اللي اغسل الملابس ….ومع العلم اني بشقه مو بيت كااامل غير اشياااء كثييييييييره مااذكرها
بذمتكم قصرت في حقها ……….. بس يابنات اتفقت انا وزوجي انا نخصم من معاشها خمس دنانير على الشي اللي سوته واني غيرت طريقتي معاها يعني مومثل قبل اي شي اطلبه واروح للمطعم ولااخذها لان هذا طبعهم اللي يكشت فيهم يتسنعون معاه
قولولي يابنات وارشدوني هل تصرفي صح ولا غلط الله يوفقكم ردو علي
واااسفه على الاطاااله
تحياتي لكم
حمدالله على سلامت بنتك
والحقيقه انتي الغلطانه ليش تتكلين على الخدامه
بحليب بنتك وادويتها
المفروض الاشياء هذي عليك انتي حتى لوانها
عندكم من عشر سنوات المفروض ماتتكلين عليها
يكفي غسيل وكوي وترتيب وغيره
ترى مو كل مره تسلم الجره
لان هذا دليل على اهمال الخدامه
وانصحك انك ماتغيرين نظرتك معاها بالسرعه هذي
حاولي بالتدريج حتى ماتغير اهي من نظرتها عليكم
وتعمل لاولادك حاجه
لانهم مالهم امان
اتمنى انك ماتزعلين مني بس حبيت انصحك لوجه الله
والله المستعان
أولاً أتعجب من الأدوية عندكم، لأنه غطاء الدواء بيكون عادة مأمن ما بيقدر يفتحه الكبير إلا بصعوبة، فكيف فتحته بنتك؟؟
لو لا قدر الله صار هذا الشيء مرة أخرى، أعطها الحليب، أو ماء وملح حتى تراجع، واتصلي على رقم الطوارئ للتسمم حتى يرشدوكي ويكون عندهم علم. ما تخليها تنام من غير ما تتأكدي أنه الدواء خرج من جسمها.
اختي الغاليه ام ريتال الله يعطيك العافيه على ردك … بس حبيت اضح لكم شي انا ماخليت الخادمه تعطي بنتي الحليب والعلاج لا وصيتها انها اجهز الحليب والدواء علشان اذا خلصت من الحمام اعزكم الله الا الحليب يكون بارد
وتسلمين على ردك
ياغالية الكل …….اختي ايمان على………
تسلمين على ردك ……وفعلا مثل ماقلتي في بعض الدويه اللي عندنا الطفل يفتحها بسهوله ولكن اللي نشتريه من الصيدليه غالبا ماتكون فتحته يصعب ……. وحبيت اطمنكم لما شفت الدواء لقيت هي نفس الكميه ماشربت منها اي شي الامجرد اها ذاقته بلسانها لانها قالت انه حلو ولما شميتها مالقيت اي شي يدل على انها شاربه
وكنت ناويه اوديها المستشفى بس اكتشف ان ربي ارسلني لها قبل لا تشرب اي شي
ولله يرجع الفضل كله
تحياتي
والحذر الحذر…
والخادمات لايؤتمنون على مثل هذه الامور …
وبصراحة نحن نريد من الخادمة اشياء فوق طاقاتها واعنى بلك مشاعرها..
قد يكون لديها احساس انها مجرد خادمة وانها ستترككم آجلا ام عاجلا لذا يتولد لديها احساس بالبرود التام….
وربنا حماها وحفظها
بس مو كل مرة تسلم الجرة
امونة عندنا حتى علب الحبوب سهل فتحها .
السلام عليكم ورحمة الله وبركاته
اختي كروان والله اني مااعتمدت عليها بس اللهم انها تزهب لي الغاراض لاني طالعه من الحمام اعزكم الله وابي البس …….
وقسمن بالله انه ماعندها اي شي والله العظيم اني مااحملها فوق طاقتها والله هو العالم بس مثل ماقلتي هي تدري انها راح تخلينا وهذا هو سبب بروووودها
تحياتي لك وتسلمين على المرور
غاليتنا ام سهيل تسلميين على هالمرور والله يسلمك من كل شر ومكروه…. وفعلا مو كل مره تسلم الجره
الله يستر عليهم جميعا
تحياتي
لهدرجه موضوعي سخيف وتافه لهدرجه هذي انا غلطانه لدرجة اني ماالاقي تفاعل في موضوعي او انه الامر طبيعي وانا مكبرته 
…والله انه بى يوقف قلبي لما صارلي الموقف.
والله حبيت اني افظفظ عندكم بس اظاهر الكل مشغول
بس الله يعطيككم الف عافيه
تحياتي
عزيزتي سمو الآميرة
الشعور باللهفة على الطفل هذا شعور يتحرك داخل الآنسان فطريا
بسبب صلة الدم …اما الخادمة و ان أظهرت لهفة على البنت فيكون
ذلك من الخوف على نفسها فقد تتهم من قبلكم بالتقصير فتوبخونها
لا تتوقعي يوما أن تصبح الخادمة أم أبدا حتى لو كنت عاملاها بنت من بناتك
أنا أنصحك ألا تبدلي تعاملك معها بشكل ملحوظ حتى لا تحقد عليكم
و قد تؤذي الآولاد
و الله الموفق
السلام عليكم ورحمة الله وبركاته
يالغاليه حبيت اوضح معلومه اني ماابيها تكون خايفه على البنت لاني مااحب انها تقوم بدور وكانها امها لا والله اصلا من حبي لعيالي اذا شفتهم يبون شي وطلبوه من الخادمه حتى ولو كاس الماء تلاقيني يتحرك عندي شعور بالغيره لاني مااحب انها تكون وكانها امهم وتلاقيني انقز من مكاني لالبي حاجاتهم
ولما علقت على موظوعها وقلت ان لم يبن عليها الخوف هو قصدي ولا اهتمت من اللي راح يصير يعني بكل برود لم يتوقع وكانه البنت شاربه ماء بس الحمد لله ربنا ستر.
واشكرك على المرور
تحياتي للجميع