مبروك عليكم الشهر الفضي وتقبل الله منا ومنكم صالح الاعمال
زوج يحكي مراحل حياتة الزوجية مــــــــــــــــن وألــــــــــــى وبعـــــــــــــــــــد
بعد شهر العسل
الساعه 6:30 صباحا ================ تودع زوجها وهو طالع للعمل وتقول له بتوحشني يا حبيبي
الساعه 11 صباحا ============== تتصل عليه في العمل وتقول له حبيت اسمع صوتك بس يا عمري
الساعه 3 العصر ============= تستقبله وهو متشيكه وهو داخل للبيت وتقول له الغدا جاهز يا حياتي ..تحب احطه لك الحين ؟
الساعه 5 العصر ============= تصحيه من النوم وتقول له اعمل لك شاي يا حبي ؟
الساعه 6 المغرب =============== تسبل عيونها وتقول بكل خجل يا ريت يا حبيبي .. يعني لو ما عليك كلافه .. يعني اذا تقدر توديني شوي لبيت اهلي اذا كنت تقدر يا عمري و قبل ما ينطق بكلمه اذا ما تقدر خلاص مو لازم………………….. ……………….. وطبعا يضيع هو في نظره من عيونها ويوديها لاهلها ولو انهم ساكنين في السويدي وهو ساكن في العليا ………………..
الساعه 8 بالليل ============= تتصل على الجوال وتقول اشتقت لك يا عمري .. يا ريت تمرني ونروح للبيت وطبعا هو عارف وش بيجيه في البيت فيطمر ويقول للشباب اسف والله يا شباب راسي مصدع ولازم امشي ………………….
الساعه 10 بالليل ============== تجلس جنبه وتقول الله يا حبي تتذكر ؟ تتذكر ايام الملكة لما كنت تعمل المستحيل عشان تكلمني …………الخ السواليف
بعد مرور عشر سنوات تفريباً يتغير الحال 
الساعه 6:30 صباحا =============== هي في سابع نومه
الساعه 11 صباحا ============== هي برضه في سابع نومه
الساعه 3 العصر ============= تستقبله وهي نافخه خشتها 
وتقول شف لي حل مع ولدك علي هذا ..حتى الان ما حل الواجب .. وسوير الله ياخذ عمرهاانشاء الله شاقه مريولها في المدرسه …عطني فلوس لازم اروح اشتري لها واحد غيره … وصويلح يبي علبة هندسه تو انه يقول لي يمه ان الاختبار صار بكره … وترى موضي تكنفست مع الدرج وهي كانت في المشايه … والظاهر انها تعورت …كله من هالشغاله الله يا خذها ….اسمع يا انا ياهالشغاله في هالبيت ….ابيك اليوم تسفرها ما ابي اشوفها وابيك بسرعه تقدم على وحده ثانيه ….وما ابيها تصير حلوه …..يا ويلك لو صارت حلوه …..وبعدين شغالتي ابيك تشرط عليها اذا سفرتها ما عاد تشتغل عند احد ….عشان ما تقول اسرار بيتنا للناس الي تشتغل عندهم #### ما تدري ان اسرار بيتهم كلها عند الجيران من لسانها هاللي وش طوله###### و …و …..و ……………………… وضاع المسكين من كثر هالقرق
الساعة 5 العصر ============= هي تفك هوشه بين سوير واخوها ويصحى هو على صوتها وهي تهاوش وتدعي عليهم بجميع الامراض الخطيره الحديث منها والقديم جعلكم للطاعون …جعلكم للحمى …جعلكم للوادي المتصدع 
جعلكم للحمى القلاعيه …و……..و ..الخ
الساعه 6 المغرب =============== هو جالس يشرب الشاهي وهي تقول نبي نروح لامي بتجيهم بنت خالة جد ولد عم ابوي ..وبعدين نبي نروح نشتري للبنت مريول ..وبعدين بنت عمي والده ولازم اروح اشتري لها هديه من باتشي و ابي امر على المشغل ..وبعدين حطنا عند اختي في الشفا من زمان ما شفناهم …………..
########وفي هاللحظه فكر هو انه يشتغل ليموزين احسن "
الساعه 8 بالليل ============== تتصل على الجوال وينك فيه ؟ وبعدين وين بتروح ؟ ومنهو الي معك هذا ؟ ووش بتسون ؟ ومتى بتجي ؟ لا ما فيه الساعه 11 تعال الساعه 10 ولا تتأخر…………
الساعه 10 بالليل ============== جالسين هي وياه .. يتعشون.. بهدوء ..والعيال نايمين ..والجو جميل ..وفجأه تطالعه وهي ماده بوزها وتقول الحين امك وش عندها اليوم ما ترد يوم اني سلمت هاه ؟ واختك وش هالحركات الي مالها سنع …ليش عازمه الجيران وكل حريم اخوانك الا انا ؟؟؟ لكن هين والله لاسوي عزيمه وما اناديها …اصلا هي ما زارتني في المستشفى يوم اني ولدت وانا فاهمه قصدها ..لكن هين ..والله لو تحب السما ما نيب زايرتها اذا ولدت ……وبعدين بنات عمك وش عندهم نافخين عمرهم ؟؟ على ايش ابي افهم ….على جمالهم الزايد اللهم لك الحمد ………………………………..و تسكت شوي بعدين تقول وبعدين اختك نوره يوم انها تقول ان علي ولدي يشبهني ما يشبه ابوه وش قصدها هاه ملاحظه علي هو اشين اخوانه انا فاهمه قصدها وتراها اذا ما بطلت هالحركات والغمز واللمز تراني ابسمعها كلمتين واخليها تحترم نفسها …..لا وذاك اليوم…… ………………. يسكت وما يرد ,………….ز تسكت هي ثم تقول وبعدين اخوك شاري لحرمته ساعه قيمتها عشرين الف ريال………………………….؟؟؟؟؟؟؟ يرد طيب وشالمشكله ؟ وانا ليش ما تشتري لي ..والا انا مااستاهل ..ولو هي يعني احسن مني … بلاك ما شفتها ..شينه وطبايعها شينه وحتى طبخ ما تعرف تطبخ
###########خلاص اشتري لك######################
ساعه تعصب وتقول ايه تسكتني بهالكلام ….والله لانت شاري ولا شي وش تبيني اقول يا بنت الحلال ؟ تقوم وهي تبكي خلاص ما ابي منك شي…………………………………..
الساعه 11 بالليل
=============== هي زعلانه ونايمه مع العيال وهو الله يرحم حاله..
تحياتي بارعــــــــــــــــــــــــــــــــــــه
يسلموووووو يابروووووووووووووع……….
ياااااااااااااهلا وغلا بروع
أسفرت وأنورت واستهلت وأمطرت 
..
كل عام وأنت احب الي الله وأقرب
وينك فيه يالقاااااطعه 
..
…
يروح كل هذا بعد اول شهر زواج
زي ما قالوا
وقت الخطوبه هو اللي يتكلم وهي اللي تقلو له حاضر يا عمري
بعد ما يتجوزوا هي اللي تتكلم وهو اللي يسمع ويقول طيب طيب طيب
بعد 10 سنوات زواج هي الثنين يتخانوا والعيال الي يسمعو
بس مو كل النسوان هيك حرام عليك… يعنى فى متجوزين من عشر و عشرين سنة و بعدن عرسان وما بيحكوا إلا بالغزل والدلع و الحب.
شايفة كيف أنا متفائلة ومنصفة للمرأة…..
وفى نسوان يالطيف على قولة هنلى من ثانى شهر بذوب الدلع والولع وببان الهلع والغضب. الله يكون بعون المسكين
تحياتى ورمضان كريم
موضوعك خفيف ولطيف ..بس مكرررررررركررررررر..
والمشكلة انك انت اللي كاتبتة قبل كذا 
http://www.lakii.com/vb/showthread.p…DF%E1%C7%DD%E5
يعني يقفل الموضوع بالشمع الأحمر
والعذر والسموحة 