اول شي انا مش عارفه كيف احكيلكم
قديش انا مشتاقه الكم الجمييييييييييع
لكن ظروف الحمل هي اللي مخليتني ابتعد عن مشاركاتي معاكم
لكن قلبي معاكم وما بمنع نفسي كل وين ووين من دخول الموقع للتصفح ليس الا
ولارى ما هو جديدكم ؟؟؟
طبعا حرصا منى لاني فلسطينيه على مشاركتكم هالحمله
ما قدرت غير اني اجدد الصور لمشاركة كنت شاركت فيها من قبل
وياريت تقبلوها وتعذروني
وتدعولي بالقيام بالسلامه
وهاي مشاركتي
شوووووووووووووو راااايكم ؟؟؟؟؟؟
بسم الله بندا
العجينة عباره عن :
طبعا الطحين حسب الكمية اللي بدك يعني انا بسوي كيلو طحين
وبعمل 8 خبزات وهون انا مسوية كيلو للخبز
وكمان كيلو للمناقيش والعرايس
طبعا العجينة بدها ملح وشوية سكر(رشة)
وخميرة ..وانا بعجنها بكاسة حليب والباقي ماء دافئ
والعجينة لازم تكون شوي جامده
يعني مو متل المعجنات شوي اجمد
وهي الصور
طبعا العجينة بدها عجن كويس
عشان تطلع رووعة
وهاي العجينة
عشان ما ينشف العجين
وبنلفه بكيس نايلون وبغطيه بحرام لما يخمر
وبده ساعه الى ساعه ونصف حسب درجة حرارة الجو
وبنقطعها لدوائر صغيره على قد الرغيف
(اسطوانة فرد العجين ) بس بالاول بمسك الكرة وبقلب وجها على الصحن
فيه شوية قزحه وسمسم وبعدين بفرد العجين وبكون راشه السطح طحين
وهسه صار وقت الخبز
بحط الرغيف على سطح الفرن من فوق
بحطه جوه الفرن بالداخل
وهسه صار دور تشوفوا خبزاتي الحلوين
تفضلوا
ياااااااااارب يعجبوكم لانهم روووعة وكل مين بشوف خبزاتي بحكيلي
انهم بيشهوا وبفتحوا النفس كمان
ههههههههههههههههههههه
استنوا شوي علي بس اجبلكم المناقيش
هههههههه
بسم الله
هاي خلطة المناقيش اللي هي عبارة عن زيت وزعتر
طبعا نفس طريقة الخبز
لكن وهو العجين من فوق الفرن راح اجهز للمناقيش تابعوني
هوون راح اعمل حفر بالعجين باصابعي زي ما انتي شايفين
وهسه بدي احط الزعتر وافرده على الرغيف كله
وراح ادخل الرغيف حتى يستوي ويتحمر
وهاي لما خلص
وصار دور الجبنة والبيض
انا بستعمل جبنة الفيتا
وبخلط البيض مع الجبنة وشوية فلفل اسود
وبحط الخلطه على العجين اللي بكون نشف من تحت وبقدر احمله بدون ما اتغلب وينزل البيض عنه
وبدخله بالفرن
تابعوني
هاي العرايس لازم نحتاج الها لحمه مفرومه نص كيلو
وبندورة مفرومه ناعمة وبصل وتومة وبهارات مشكله
وبخلطها بالمكسرمع بعض وبملحها
وهاي شكلها
بنجيب خبز وبنقسمه نصفين
وبحشي الخبز باللحمه
وبعدين يا خواتي بدهن الخبز من الجهتين بشوية زيت مخلوط مع ماء
وهون سر الصنعه عشان يضل الخبز طري ومو يابس
وبالذات العرايس هيك بنشتريها من المطاعم طرية موووو؟؟؟
واخيرا بحطها بالشوايه
زي ما انتوا شايفين
هاي العرايس بالشواية تتحمر
حكيت خليني اتسلى بشغله ههههههههههههههههههه
شوفو صبايا بسم الله ما شاء الله
وتفضلوا على المقسوم
يا رب يعجبكم
وتسلم الايادى الجميلة
والف هنا وعافية على قلوبكم يارب
والله يعافيكي يااااااااارب
والله يقومك بالسلامه ياغاليه
شهتيني والله
تسلم ايديك
رووووووعة تبارك الرحمن عليكي
بالهناء والشفاء لكم …..
الصراحة جوعتيني …
بياخدوا العقل
بالذات العرايس .. الله شهيتينى فيهم
تسلم ايديك حببيتى و مشكورة كثير
الله يقومك بالسلامة يا غالية
ان شاء الله تاكلوهم بالعافيه يا رب
هيني هه انا كمان لما شفت خبزاتك قلت اقوم اعملي شويه خبز
وطريقتي تختلف شوي انا بقرص العجين طابات وعلى طول بفرده وبعد الفرد بغطيه وبتركه ساعه او ساعه ونصف وبعدها بخبزه بالفرن مباشره
بالك في فرق في الطريقتين واي واحده احسن
مشكوره حبيبتي