السلام عليكم يا حبيبات …هذه اول مشاركاتى فى ملف وصفات رمضان
وهى مشاركة متواضعة (على قدى )لانى دايما ادور ع الوصفات السهلة والمفيدة وخاصة للاولاد اللى فى مراحل النمو …هذا الحلو اولادى كلهم بيعشقوه ..وانا باعمله كتير عشان اضمن انهم ياكلوا بيض وحليب وخاصة انهم بيعذبونى فى اكل كل ما هو مفيد …طولت عليكم ….نبدأ بسم الله
المقادير :
الكاراميل : ½الى 1 كوب سكر +م ك ماء
الكريم : 3 بيضات
كوب حليب
سكر (حسب الرغبة )…انا باحط 2-3 ملاعق اكل على كل كوب حليب (اولادى بيحبوه حلو)
فانيليا
وبس
طبعا يمكنك مضاعفة الكمية حسب حجم القالب اللى عندك …انا باعمل المقدار ده مضروب فى 2 (2 كوب حليب + 6 بيضات + 5-6ملاعق سكر + فانيليا)
بداية بنحرق السكر على النار للحصول على الكاراميل ويوصل للون الذهبى الغامق ..وبعدها نضيف معلقة المياه ونطفى ونقلب بسرعة عشان الكاراميل لا يتحرق لان الحرارة الكامنة جواه بتزود السوى بتاع الكاراميل حتى بعد ما تطفى النار …كمان ابعدى الطاسة اللى بها الكاراميل عن البوتاجاز لنفس السبب.
وبعدين نصب الكاراميل فى القالب (القاع والجوانب بقدر الامكان)ونسيبه يبرد على ما نجهز الكريم.
نيجى للكريم , نضرب البيض اولا فى وعاء عميق بالمضرب اليدوى او الشوكة (لا داعى للمضرب الكهرباء )ونضيف الفانيليا والسكر ونضرب وبعدين نضيف الحليب مع الاستمرار فى التقليب حتى يتجانس الخليط …وبس
انتظرونى ….لا احد يرد الى ان يكتمل الموضوع …من فضلكم
[/B]نصب الخليط ده من خلال مصفى سلك على الكاراميل اللى بالقالب ….عشان لو فيه اى بيض ما تفكك كويس وامتزج بالحليب يتفك من خلال المصفى …وكمان عشان ما يكون فى فقاقيع هوا بالكريم كاراميل بعد استواؤه.
نكون مشغلين الفرن من البداية وعلى نار متوسطة الى حار وفى الرف الاوسط نحط القالب فى صينية اكبر ونصب حواليه ماء ساخن عشان تسوية الكريم كاراميل بحيث انه يكون تقريبا ارتفاعه 1/3 ارتفاع القالب والكريمة اللى جواه .
نتركه بالفرن على الاقل 1/2 ساعة قبل ما نفتح عليه لاختبار النضج ….وده بيكون اما بسن سكين ندخلها فى الكريم ويطلع نظيف او عود خلة .وهو بياخد عادة من 1/2 الى 45 دقيقة فى الفرن ..وبتلاقى وش الكريم كاراميل اصبح متماسك واغمق قليلا من لونه وهوسائل وتكونت قشرة على الوش سميكة شوية.
بعدين خرجيه من الفرن واتركيه يبرد وعلى الثلاجة لمدة 4-6 ساعات …والافضل تعمليه قبلها بيوم او الصبح ويتاكل بالليل بعد التراويح …
طبعا عند الكل بتحطى القالب فى حمام ميه لمدة دقيقة عشان الكاراميل اللى بالقاع يسيح وينزل على الكريم بعد ما نقلبه او ممكن على شعلة البوتاجاز نمرر القالب سريعا مرتين تلاتة قبل ما نقلبه على طبق التقديم …وبالهنا والشفا
ارجو تنال الوصفة اعجابكم ..وكل عام وانتم بخير
[/COLOR][/SIZE]
ابدعتى الطبق بشهى يعطيك العافيه
جزاك الله كل خير
سلمت يمناك يا أختي
وصحتين وعافية
وكل عام وانتم بخير
يسلمو يديك الحلوة
Sent from my iPhone using منتديات لكي app