لعيون ام ماهر حبيت انزل هالموضوع
سبق وقدمتها بس ماكان في صور اليوم جايبتلكم الصور ان شاء الله
لنجاح الكنافة يجب نقع الجبنة عالاقلة ليلة كاملة وتغيير الماء عنها اكثر من مرة
ووضعها منقوعة بالتلاجة لاعطاء افضل النتائج
اثناء شوي الكنافة يجب تغطيتها بصينية او بقصدير لاعطاء افضل النتائج
اول اشي هاي صورة الكنافة الناعمة بكونو فاركينها بالسمنة
المقادير
كيلو كنافة ناعمة
كيلو جبنة نابلسية
سمنة وصبغة كنافة
قطر وفستق حلبي للتزيين
الطريقة
نقوم بتصفية الجبنة من الماء ووضعها بمصفاية قبل البدء بعمل الكنافة بنص ساعة
ندهن صينية بالسمن السايح ونضع الصبغة
نقوم بتوزيع السمن والصبغة على كل الصينية
نضع العجينة فوق السمن تقريبا كلها بنخلي مقدار نص كوب
ونقوم بفرد الجبنة فوق العجينة
نضع باقي العجينة المتبقية فوق الجبنة
بنشويها على نار هادية طبعا بتكون مغطية بكمان صينية او بقصدير
وبنتأكد من استوائها بس نحرك الكنافة ازا تحركت معناته استوت واصلا ريحتها بس تستوي بتبين
نقوم بقلبها على صينية تانية وبنسقيها بالقطر البارد
وبنزينها بالفستق الحلبي
وهاي القطعة طبعا لاول رد
طبعا الكنافة من عمل امي الله يطول بعمرها
ارجو الدعاء لها بصلاح الحال وزوال الهم
وصحتين وعافية
الله يخيليك يا رب بجنن روعه ملكه الكنافه بحبها بالجبنه عنا عجينه الكنافه سيئه
صحه وهنا على قلبكم
كل عام وانتو بخير
الصحن لىىىىىىىىىىىىىىىىىىىىىىىىىىىىىىىىىىىى
تسلمى الايادى
شكلها تحفه
بس علشان الصباح يصير احلى اتركيلى حتة كنافة وان كنتم اخوة تقاسمو هههههه
انا بموت فيها النابلسية ولماتكون سخنة والجبنة بتمط يا عينى ما اطيبها
بغزة بصراحة غالية وصار لازم اتعدل واعملها بنفسى
صحتين على قلبك ام مجد وتسلم ديات الوالدة ربنا يعطيها الصحة
والف عوافى على قلبك ام ماهر وضلى افتكسى مواضيع وافتحى شهيتنا لما قربت اصير مساحة فدان ههههه
زكرتيني بأمي الله يخليلي ياها ويجمعني فيها عن قريب كانت بتعملها بالبيت بس بالجبنة العكاوي وبتطلع بتشهي من تحت دياتها والكل يفكرها جاهزة من المحل
ماشاء الله ولا قوه الابالله
الله يسلم هذه الايدين الطيبتين ويخليلك اياهم يارب ويفرج همها ويطول عمرها
الصينيه لي والبقرب يا ويله مني
بلا روجيم بلا بطيخ
الف صحه علي قلبكم
بس الصور مش ظاهرين عندي ابدا نفسي اشوفهم ههههه
بالنسبه للقطر كيف بتعمليه انا بط سكر ضعف المي بس بحش انها مش زابطه 100 /100
بسرعة قبل ما تبرد الكنافة
ربي يطول بعمرها الوالدة ويمتعها بالصحة والعافية
وانا اقول مروح طالعة لمين
اكيد لتيتا
تسلم هالديات وصحتين وعافية
وبعدين ام ماهر عاملة دايت وما عاد بدها كنافة
وراح آخذ الصينية كلها خليني اشوف شو بدها تعمل
تسلمى الايادى
شكلها تحفه